أضف سؤال أو موضوع جديد          

ما هو افضل للاكورد 2007

up 5 down 0
صاحب السيكل 145
قبل 6 سنه و 6 شهر



بسم الله الرحمن الرحيم
تم بحمد الله وتوفيقه شراء اكو د 6 سلندر
استفسار 
كم علبة اغير لها وماهو افضل زيت للمكينة والجربوكس
وهل تغير زيت الفرامل والدركسون يؤثر 
واﻻ ضروري اغيره
واسف على اﻻطالة







إبلاغ إبلاغ


رابط تطبيق حراج للايفون



رابط تطبيق حراج للاندرويد (الجالكسي)



الردود


ما شاء الله تبارك الله 
الله يعطيك من خيرها ويكيفيك من شرها 

بالنسبة للزيت اخوي معه اكورد 2012 يغير لها زيت الترا 7 لكن أنصحك تراجع الكتلوج تشوف اللزوجه المطلوبه 

موفق اخوي 




up 0 down 0
farctoz 269
قبل 6 سنه و 6 شهر



الف مبروك ان شاءالله
والله يعطيك خيرها ويكفيك شرها
وانا مثل كلام الي قبلي راجع الكتالوج

بنسبه لي انا سيارتي اكورد ٢٠٠٨ استخدم. زيت سوبر جي تي 


up 0 down 0
بشوش 5095
قبل 6 سنه و 6 شهر



الله يعينك قطع نار لو شريت 4 سلندر احسن  لن سعر سلف 4000 ريال  عمومن  قطع فيه رخيص فيه غالي  مافيه فرق بينها وبين 4 الى بمكينه  

 ومبروكك مقدمن  وكم ماشيه السياره  اخوي اذا ماشيه في 200 الف انصحك تحط زيت ثقيل 20 40 واذا ماشيه بحدود ميه 

 خفيف 10 30  وزيت سوبر جيتي تقنيه المانيه مناسب لها  وانصحك بي الاصلي  


up 0 down 1
سكودر 14928
قبل 6 سنه و 6 شهر



بنسبه لزيت قير  هواند فلتر القير صغير ويضع  تحت مكينه  يعني مايحتاج تفك كرتير  وزيت القير زيت قير هواند الاصلي  وتحصله  بمحلات قطع غيار هواند الاصلي او عند وكيل 


up 0 down 0
سكودر 14928
قبل 6 سنه و 6 شهر



# السير الداخلي حق المكينه :

سير التزامن ( السير الداخلي حق مكينة الأكورد الـ 4 سلندر ) = حديد وما يحتاج تغيير أبد لأنه قوي ويتحمل

سير التزامن ( السير الداخلي حق مكينة الأكورد الـ 6 سلندر ) = ربل أو ما ادري وشو .. اهم شيء انه لازم يتغير كل 100 ألف

وفيه سيارات كثيره غير هوندا .. لازم تغير سير المكينه الداخلي كل 100 ألف كيلو متر

بأي سياره لو تمشي عليه فوق 100 ألف و تهمله وينقطع .. تنعدم المكينه


# نجي لـ لزوجة زيت المكينه :

اللزوجه المناسبه لأجوائنا 15W40 أو 10W40 اذا لقيت بترومين الترا سفن بنفس اللزوجه هذي .. فهو ممتاز جدا

وفيه ناس يستخدمون 20W50 لكن بالشتاء عند بداية التشغيل يتأخر ما يتوزع الزيت بالمكينه لأنه ثقيييل .. اللزوجه هذي هي أثقل لزوجه متوفره .. اثقل من 15W40

# نجي لكمية الزيت :

بدون تغيير السيفون ( 4 أو 6 سلندر ) = 4 علب

مع تغيير السيفون ( 4 سلندر ) = 4 علب و 200 ملي

مع تغيير السيفون ( 6 سلندر ) = 4 علب و 300 ملي

تغيير زيت المكينه كل 5 الآف .. مع فحص مستوى الزيت كل فتره وفتره .. والسياره بارده و واقفه على أرض مستويه تماماً

تغيير السيفون كل 10 الآف .. واذا انت موسوس بقوه بقوه .. كل 5 آلاف


سعر السيفون الأصلي بالوكاله 19.20 ريال


# نجي لزيت القير و كمية زيت القير :

لا تستخدم إلا زيت قير الوكاله .

تحتاج 3 علب زيت + فلتر زيت خارجي

كمية الزيت 2 لتر و 900 ملي


تغيير زيت القير كل 60 ألف مع تغيير فلتر زيت القير الخارجي


# نجي لزيت الدركسون :

لا تستخدم إلا زيت دركسون الوكاله .. فقط لا غير

اذا استخدمت زيت ثاني بيسبب لك مشاكل

والمستوى الصحيح لزيت الدركسون .. والسياره بارده تماماً وعلى أرض مستويه .. يكون بين الخطين في الوسط


# نجي لزيت الفرامل :

تغيير زيت الفرامل يحتاج خبرة كبيره .. لأن عند تغيير زيت الفرامل يدخل هواء بنظام الفرامل .. ويحتاج خبره وطريقه معينه عشان تقدر تطلع الهواء من نظام الفرامل .. اذا الهواء ما طلع بتواجه مشاكل بالفرامل وخطوره
يعني الفرامل يصير ينكبك .. وما يرجع مثل أول الا إذا طلعت الهواء

واتوقع العمال اللي عندنا .. ما عندك أحد .. شغل مش حالك

عشان كذا مافيه احد يغير زيت فرامل .. ولا عمري سمعت احد غيّر زيت الفرامل بالسعوديه
لكن أسأل الوكاله




up 3 down 0
speed for ever 3695
قبل 6 سنه و 6 شهر



صح نسيت

اذا جيت تغير السير الداخلي حق المكينه .. افحص طرمبة الماء << كل 100 ألف كيلو متر


زيت القير يتغير كل 60 ألف .. تحتاج علبتين و 900 ملي زيت

ومع تغيير الفلتر الخارجي .. 3 علب زيت


ضغط هواء الكفرات انصحك تخلي اللي قدام 32 واللي ورى 30 ... أو تخليها كلها 30
جرب وشف وش اللي يعجبك ويناسبك


تنظيف فلتر الهواء كل 5 الآف أو 10 الآف بالكثير

تغيير فلتر البنزين كل 80 ألف كيلو متر

تغيير البواجي كل 40 ألف


تغيير ماء الراديتر .. اذا مشت سيارتك 200 ألف .. غيّر ماء الراديتر ( خذ ماء الردايتر من الوكاله )
ثم غيّره كل 100 ألف


ولا تنسى تنظف فلتر المكيف .. فكه سهل .. بيخلي التبريد وريحه المكيف افضل

لأن الفلتر اذا كان مليان غبار و وسخ وشجر والخ ... يقلل هواء المكيف ويأثر على ريحه المكيف .. تروح بتنظيف فلتر المكيف

زيت فرامل السيارات يستبدل كل 3 سنوات ( مكتوب بالكتالوج )

لو تشوف زيت فرامل سياره قديمه شوي .. تلقاه أسود أو غامق جدا

الزيت الجديد والنظيف يكون شفاف أو اصفر

لكن زي ما قلت لك قبل ... اخاف يخربون سيارتك .. لأن العمال اللي عندنا مش حالك
لكن أسأل الوكاله .. بكم التغيير وهل يضمنون شغلهم

واحذر من زيت الفرامل المغشوش .. واحذر من الزيوت المغشوشه بشكل عام


up 2 down 0
speed for ever 3695
قبل 6 سنه و 6 شهر



Speed for ever
مشكور وما قصرت كفيت ووفيت 
ولكم الشكر جميعا لكل من دخل ورد 



up 0 down 1
صاحب السيكل 145
قبل 6 سنه و 6 شهر



مشاء الله تبارك الله &&&الله يباركلك فيها ويعطيك خيرها ويكفيك شرها 
انا ودي اشتري اكورد ٢٠٠٦-٢٠٠٧ 
بكم شريتها وكم ممشاها ومن ايت مدينه 


up 1 down 1
عيسى علي 675
قبل 6 سنه و 6 شهر



كيف اغير فلتر قير اكورد 2007 
اكثر المهندسين يقولون مايتغير الا مع التوظيب
؟؟؟؟


up 2 down 0
العسيري112 700
قبل 6 سنه و 6 شهر



^^^^
ادخل منتدى نادي هوندا اكورد قسم الصيانه تلاقي موضوع مثبت شرح بالصور


up 1 down 0
عيسى علي 675
قبل 6 سنه و 6 شهر



مشاء الله تبارك الله - الله يباركلك فيها ويعطيك خيرها ويكفيك شرها
افضل موديل في فئتها


up 0 down 0
نواف1420 255
قبل 5 سنه و 4 شهر



السلام عليكم


و رحة الله و بركاته , اتمنى احد يفيدني بتغيير زيت قير الأكورد2008هل يختلف بين ال4 سلندر و ال6 لأني غيرت بالوكاله و حطو لي 3 علب و سيارتي 4 سلندر بس الاحظ و السياره بارده الصباح ان الزيت واصل الى العلامه العليا و ليس بالنص


up 0 down 0
مرتاح البال .
قبل 5 سنه و 4 شهر