امدح سيارتك المفضله ب ابيات من الشعر

احم احم 

ممكن استعانه بصديق google

اااااافا عليك انا اولهم بما اني املك تاهو 2006م وهذي ابيات مني هديه
.
مطلع القصيده يقول
.
يا ما حلا التاهو طير المداهيل
................. ما زان غيره بالخطوط الطويله
من وارد امريكا بخشمه دواليل
...................طبلونه اللي فيه ستة زنابيل
على المكينه والتوابع دليله
....................بساتمه ذيك الثمان المقابيل
يمين الاربع واربع اخرى قبيله
.................... شيخ المواتر في بيوت القناصيل
تقول بالطبلون عشرة قناديل
....................... والا كما نجم الثريا شعيله
موتر ذيابه ما يبي زود تحليل
..................... واللي بغا التوكيد يلقى الصميله
يمشي على عرق الدسم دون تمهيل
...................... باقصى الطعوس الحمر ثاير شليله
فيه الشراسه لابتدا العج والسيل
......................... يرسي مع الارياح ما ينثني له

وسلامتكم
الشاعر المخضرم
ابومطلق

.
ولك احلي اليك علي الموضوع الخفيف

لبى ام عزيز والطعوس والتغريز :-):-):-):-):-)لا دق خشمها بالرمال عطعها ثاني مع التنقيز 
لبغيت الممشى والترحال :-):-):-):-):-):-):-):-) موتر ميعزه الدرباوي لكن تقدره الرجال
انشهد ان اليباني صناعتة تعجيز :-):-):-):-):-):-):-)موتر لمشيت به بالخط ماتسمع له وزيز 
لنويت البر والمكشات شد زهابك بالحبال:-):-):-):-) رح البر لك السعاده وراحة البال

وسلامتكم ههههههههههههههههههههه

وسلامتكم ههههههههههههههههههههه

ليش امدحها مغير تخسرني ووجع يوجعس من موتر 

امسك ابريك يا اهمد
خلوها
.
يــاراكــب اللــي عــلاهـا قــش
................ ددســن جــديـده ومـنـقـوشـــه
مـــن الــوكـالـه عـــلاهـا رش
................ مـاهـــي قــرنـبـــع ومقـروشه
شـكـمـانـها بـالـرطـوبـه بــــش
................ وأربــع كـفــرات مـفـروشـــه
عــن دربـهـا يـاخـبـل انـحــش
................ وخـل المـسـارات مـفـتــوشــه
تـحــش عـشــب البراري حـش
................وبـطـنــها الطــعــس مايـنـوشه
ولاهــمـها الـوحـــل والــــرش
................دايــم لـهـا الأرض مـبـروشــه
يـشـهــد لـهـا كـل راعي طرش
................ أو عــربـجـــيٍٍ ولــه شــوشــه
ولاجـالـهـا طـقـطـقـه وقـــرش
................يـابـان مـاهـيــب مـغـشـــوشـه
مـركـب فـقـيـر وبـعـد مـقـرش
................ ولاعـانـقـت ذاك لقــروشـــــه
ونـيـسـان شــركـه حـرام تـغــش
................ والماركه غــيــر مـخـشــوشـــه
يـبـان تـمـلـك كــراس العـــــرش
................ وخـبـيـرهـا يـمـس طــربـوشــه
وديكـــــــورهـا يحــتـمل للنـبـش
................ والـطـاقــم الشـمـس مـاتـهـوشـه
ضــد الحــراراه وضـد الهـبـــش
................ ومـراتـبــه شـــبـه مـرشــوشــه
بـأحــدث طـرازٍ كـسـاهـا الفرش
................مـن اجـمـل الخـام مـنـبــــوشـــه
تـسـبـق مـفـاتـيـحـها بـالـنـتــــــش
................ تـنـتـش ولاهـيــب مـنـتـــوشــــه
قــيـمــه وســيــمـه وزاد وعـــش
............... وتـعـيــش لو قـيــل مـنـغــوشـــه
وفــالهـربـده مـثــل شارب خرش
................تـمـشـــي ولـو كـان مـخـدوشــــه
تعيــــش لـو الـرفارف حــــــرش
................ والـمـرتـبـه بـحــبـــل محـفــوشـه

وسلامتكم
والحاضرين
.

انا ما اعرف  اقول شعر   حصلت هل الرجال  يمدح   BMW    :))
http://www.youtube.com/watch?feature=player_embedded&v=AuiRVihTGeE#!

ماجد لبى قلبك بس

ركـبــت الـبــنـز وقـلـت بــإسـم الله الـرحـمــن
صوت خمس ميه وستين يطرب من يسمعونه




عــــدلـــت الــمــرتــبـة والـدركـسـون لـي لان
ولــقــمــتــه الـنــمـره وبــعـدها يـظـهـر فـنونه




دعـسـت دعـسة البنزيـن وأنا بـخاطري حيران
وأقــول لـعــنـبـو مـصـدريـنـه ومنهم يوردونه




تــكـفـيـك هــيـبـتــه ومــن فـي حـضـرتـه يهان
فــزتــه فــي قـومـتـه تـجـعـل الـكـل يـهـابـونه




ولامــن دبــلــتــلـه بـالــخــط وانـت هــيــمــان
والله إن تــبــطــي حــمــر الــمـكــآين يجيبونه




وزر(ن) تـحـت دعــســة الــبــنــزيــن مـأيـبان
لاضـغـطـته نـفـض غبار الأرض وطار بجنونه




تــســحــب سـسـتـها يـاعلي وتـفـرش الـخلفان
تــرتـســيـلـك بـإتـزان في الـخـط لو مايمهدونه




ويــرتــفــع خــشــمـه كـأنـه أمـيـر بـيـن خيلان
وتــســمـع زأيـره كـأسـد بـوسط غابه يخافونه




يـبـتـسـم بـأصـعــب الـلـفــات ولاهـو بــخــوان
ومــن جــربــه يــانــاس أكــيد ماخابت ظنونه




عــــزة الـبــنـز فـي مـركـبـة ولا الـكـل يـهــان
مــاغــيــره يـكـيـف مـزاج الراس للي يركبونه




مــركــب مــلــوك وشــيــوخ فـي كـل الأوطـان
ومـــلــك الــخــطــوط كــل الــبــشــر يــسـمونه




بــعــمــره مــن صـنـع مــاذاق طعم ذل أو هوان
مــوتـر تـعــلــى عـلـى كـل الـمواتر لاتـشـبهونه




أخــتــلــف عــنــها بــحـجـمـه وطـولـه والأوزان
مــيــر تــشــابــه هــو والــشــبــح فـي دركسونه




قــوي والــــقــــوي الله عــلـــى كـــل إنــســـان
مــوتــر لاجــات حــزة الــقــومــات لاتــحــنــونه




مـــن تـركـبـه أعـاهـدك تـنـسـى الرفاقه والخلان
ومــن تــولع بــركــزتــه يــانــاس لاتــلــومـونـه




ولا جــيــت فــي رســمــة الــهـيـكل بريشة الفنان
كــامــل الــزيــن ولايــحــتــاج زود يــحــلـــونــه




عــيونـها في رسـمها مثـل بنت عـلـيـها الكحل بان
وإن جــابــوا طــاري الــشـجــاعـة بالكـاد يقدمونه




لــوحــاتــهــا طـــوال يــشــوفــها كــل عــمــيــــان
حـــروفـــهـــا أ ح ر تـــعــنـــي لـــكـــم ماتقهرونه




هـــيــدرولـيـكـه قــوي مــآيــهــمــه كــثـر الأوزان
وإن فـتـحـت شـنـطته في وسعها الميت يدفنونه




بــرودتـه فــي تــكـيـيـفـه تـجـعـلـك بالحيل بردان
والــمــراتــب تـحــتــك يـمـيـزهـا نـظـام السخونه




تـطــربـك طـرمـبــة الـبـنـزيـن ولـو ماكنت طربان
وأحــلــى مـنــهـا صـوت مــرواحـه يـوم يـبـردونه




وإن جـيــت فـي راحـتـها كـأنـك عـلـى سرير نومان
وجــنــبــك ســتـأيــرهــا عــلــى الـبــاب مــوزونـه




تــلــبـسـت داخــلــيــتــها بــجــلــد أســود بــإتــقـان
وخــارجــهــا مــن غــالــي الــفــضــة إكـتسـب لونه




وتــطـعـيــمــة الــنــيـكــل عـلى صـدومـه والبـيـبـان
تــخــالـجــك فــي شــعــورك بـأحـاســيـس مـجـنونه




نــظــيـف الــمكــيـنـه تـقـطـر ـويـتـه مـع الـشـكـمان
والــقــيــر مــن نــظــافــتــه يــلـــهــــب مــــتــــونـــه




طــبــلــونــه يــبـهــر الــنــاظــر بـشــوفـتـه ولو مابان
مــيــتــيــن وســتــيــن تــهــز فــي الــقــلـب ركــونــه




تــشــفــط الــبــنــزيــــن ولاهـــمـــــهـــا مـــن كـــــان
حــــــمــــــر ولا خــــضـــــر أهــــم شــــي يـــروونــه




تـــمــثــالــه عــلــى الــكــبــوت مــرتــكــز كــعــنــوان
وأريـــــلــــه يــــجــــيــــب الإف إم ومـــايــبــثـــونـــه




وفــتــحــتــه تــبــرد بــداخـــلــي الــقــلــب والــوجـدان
لاهــبــت هــبــايــبــها نــســم الـبــروق ومــايــحــملونه




أول أســمــع مـــن يــطـــرونـــه واكــــون عـــتـــبـــــان
وألــــحــيــــن ضــمـــيــت نــفــســي مــع مــن يمدحونه




أنـــــا عــــن نــفــســي بـالــبــنــز عــاشــق وولــهــــان
ومـــن ركــبــتــه قــمــت أطــرق مــن قــصـيدي ولحونه




والـــســـلام مـــنـــــي مـــعــطـــر بــــورد وريـــحـــــــان
لـــلـــي يـــعـــرفــــون الـــبــنـــز ومـــن لايـــعـــرفــونـه

وتحياتي وتقديري لكل عاشق الألماني وبلتحديد عاشق مرسيدس بنز 560 

هذي قصيده اعجبت بها كثيرا ارجو ان تقراوها وتحوز على رضاكم

أهداء لعشاق المرسيدس 








نقلتها واللي كاتبها فيه اخطاء املائية كثيرة تخلف في القراءة والمعنى بس واضحة








والله لوتاتي امــــوري عـلـى الكيـــف
ماكنت أحسب للزمن بأي كفـــه
وماكان بيني وبين همــي سـوالــيـف 
وقصه طويله ترتفع فوق رفـــه
ادري القراده شي ماهــــو بتزيـيــف
ولا هو بطير(الفيصلي)يوم زفـه
لاكن تعال شوي حيــــاك(يالضــيف)
وش حيلة الي دوم عينه ترفـــه
اباخذك في رحلتن من ور( طريــف) 
ولا تنشد الي ماخذك وين شفــه
اركب معي في موتر(المان جوزيف)
(مرسدس)دايم للسفر مستشـفـه
(الـبنـز)مصـنـوع لـرفـع الــتكالـيـف
مايركبه منهو بلـش في مـلفـــه
لا صار داخله ناعمـن والعـواريــف
تنسى(الاصيل)وترتدي ثـوب(دفه)
(البـنز)لاوقــف ذكــرت المـشاريــف
عالي قممها والهبـايــب تهفه
بدلة(لــواء)يبــغالها شـوي تـقـيــيف
وتقييفها نزلت دركسـونه ولفــه
ولامن تهــادت يعـضيم التصاريـــف
غرون ثقيل ولا ذكــر فـيه خـفـه
ومقــدمتها تـقـدر تـقــول تـشــريــف
شفة(اصاله)وفــرحة الي تشفه
(والبنـز)مــيعاد لغــرام المــواليـــف
الي هواهــم بين حشمه وعفـه
لا صرت في وسطه محاصر بتكييف
يكفي كـــلام الناس هـذا مرفــه
يــرب جـنـبـنـا عيـــون المــلاقـيــف
الي نظـــرهــم كــل شـي يسـفـه
ولا تلومني ياظيف لو قلت ياحيف
باقي ثـــلاث ايام حقـك تنـفــه
وإلا انا معاد وضعي على الكيف
ولاادري زماني حطني بئي كفه












قصيدة الشاعر: سماح التمامي

صح لسانكم كلللللللللكم والله 

صح بدنك يا عسل ^_^

عاد اكوررد ويسدح الطبلون وما ادري كيف هاذا تخلف مو مدييح اللهم اهدي شباب المسلمين 

عاد اكوررد ويسدح الطبلون وما ادري كيف هاذا تخلف مو مدييح اللهم اهدي شباب المسلمين