حرارة السيارة
0
0
إضغط هنا للإخفاء
السلام عليكم ورحمة الله
باختصار
طلعت الهدا ارتفعت الحرارة للنصف وزيادة (( أول مرة ))
لكن على طريق الحرارة في الوضع الطبيعي
عند الوقوف ترتفع شوي
سبق وصار حاث للموتر وانعفط الرديتر ولكن رجعته
هل ممكن يكون السبب ؟
اي شي اخر يعمل بشكل سليم من مراوح وليات وطرنبة حتى انه لا يوجد تهريب في الرديتر
مريت اليوم كذا ورشة قالوا تسييخ للديتر
هل هذا الامر مجدي ام اغير جديد ؟
=====
الجديد نوع وحد الوضع ليس كما في تويوتا اصلي او درجة اولى يباني
الموجود اصلي دينسو ب 1000ريال / اردني 500 ريال تقريبا / تايلندي 300-400 ريال
اسيخ ام اغير ؟
للي مر بهذا المشكلة في الاكورد
=====================
ماء الرديتر
السيارة لون الماء الذي فيها ازرق اول ما اخذتها اللحين الماء لونه اخضر اول تغييرة
وين احصل هذا الماء ؟
إبلاغ
الردود
اذا فيه سدد بيفرق معاك كثير بعد التسييخ.
0
0
وغير الغطاء وجرب وشوف
0
0
يدعس بنزين والسيارة واقفه وحارة بعز الظهر وأفحصه بالنظر أوأمسكه إذا ضعيف وألبس قفاز وأنتبه للمروحة
أهم شي سلامتك
#الناس إلي تعاني من أرتفاع حرارة وأمورها كويسه من ناحية المرواح والراديتر والهوزات وطرمبه
وبلف حرارة حتى لو كان البلف جديد انا أنصح انه مايلغي البلف لاكن يفك البلف ويخرم فيه فتحتين
متقابلتين في البلف بقد راس المفك السكروب او أصغر شوي بحيث يسمح للماء بالمرور بدون إلغاء البلف
أشان ماتبلش بالشتاء
# أنا أفضل وأنصح بماء راديترميتوبيشي فيه الأحمر والأزرق والأخضر ماني متأكد إذا زدت لون أو نقصت
لاكن اللون المناسب تلقاه بكتيب دليل المالك للسيارة وسعره ب40 أو 45 ريال للجالون وأستعملته للنيسان
والتويوتا والجمس ممتاز
0
1
الحمد لله
تم حل المشكلة
كانت في الرديتر تنسيم صغير لا يمكن الانتباه له السبب حادث سابق وتم تعديل الرديتر وكان هذا غلط
كان يفتر ض استبداله بواحد جديد
من باب التغيير طالما اني راح اركب رديتر جديد غيرت التالي
1- رديتر
2- بلف حرارة ثرمستات
3- ماء رديتر جديد من هوندا TYPE 2 عدد 2- لا تضيف ماء مقطر لانه يجي 50 / 50
4- ليات الرديتر
امس طلعت الهدا اجرب كان الوضع تمام انبير الحرارة في مكانه مستقر .
الحساسات كلها تمام فكيتها وكانت نظيفة
كل الي سبق تقدر تغيره بنفسك لا يكلف من وقتك الا ربع ساعة
1
0
قبل 3 سنه و 8 شهر