سيارة انسرقت

الله يعينك وتحصلها ان شاالله
انصح الجميع بتركيب كميرات ع البيت واذا هي عمارة وشقق يطالب
صاحب العمارة بوضع كميرات 
الكميرات لها هيبه 

في اي منطقة انت

كرر قول اللهم رد لي ضالتي

عمي انسرقت منه كامري 2002 gli ماشية 3000 km موتر جديد
من قدام البيت في الرياض
الى يومك هذا ما حصلها لف مناطق المملكة ما حصلها

اعتقد السيارات القديمه يمديك تشغل اغلبها باي مفتاح او من تحت زي الافلام تلعب ب الافيااش تشتغل .. لكن الجديدة اعتقد والله اعلم عن طريق السطحات يتم سرقتها .. افضل حل وضع جهاز تعقب في السيارة او كاميررا عند المبنى

جهاز التتبع ضروري ايضاً للسواق والولد انا قد احتجت سواق لمدة سنتين فقط 
وركبت الجهاز وحصلتة يمشي ١٥٠ واكلمة ويجحد وبعدها برمجت السيارة ماتتعدى ١٢٠
ويجيني يقول السيارة خربانه صلح الصفايه والبواجي فية تعتعة وتطفى قلت لا مافيها الا العافية
وبعدها لقيته رايح الظهر مشوار وسألته وجحد وعقبها وريته الخريطة وانصدم ونقلت كفالته وارتحت منه

مايمر يوم مانسمع فيه عن سيارة مسروقة، ومافي شئ غير تقديم بلاغ للشرطة، وماراح يسووا شئ محد بيخرج بعملية بحث عن سيارتك، وانا متأكد لو السيارة المسروقة ( وعليها بلاغ) وصلت لتفتييش بتعدي ولا كأن في شئ، كل واحد سرحان ومشغول بجواله او بتحرير مخالفات. 
الجهاز مكلف ومعظم الشركات لها اشتراك سنوي، وحتى لو حددت مكان السيارة ايش بتستفيد اذا مافي تعاون من الشرطة خصوصآ لو انها في خلال ١٠ ساعات ممكن توصل منطقة تبعد ١٠٠٠ كيلو عنك. 

سيارة جارنا اليوم على بلكات الله يعينه ويعوضه

وين يباع جهاز التتبع ؟ وكم يتراوح سعره 
بصراحة اشوف اغلب السرقات بالرياض مدري وش الخلل

الشعب يعاني...من سرقة السيارة...في كل حاره...منطقة تحصل سرقة سيارة...الى متى و نحن بذا الحال...يلي يسالني انا من جدة...درت المواقف و لا حصلتها...الحاله الله يعلم بحالي...و الا كنت اشتريت سيارة ثانيه...لكن ما عليا الا ادور ادور بالحواري...

اللهم رد لي ضالتي .

اللهم لك الحمد حصلت سيارة لكن وين في مزدلفه !!! و انا من سكان جدة...سرق كم قطعه بالسيارة لكن الحمدالله حصلت السيارة

يلي يعرف..اذا ابغى اغير مفتاح باب السيارة هل ينفع أو لا ؟

ماشالله مبروك ومعوض بالقطع اللي راحت