أضف سؤال أو موضوع جديد          

مشكلة في قير الاكورد

up 0 down 1
khaleel1413 -3
قبل سنه و 2 شهر



السلام عليكم
عندي اكورد 2006
قبل ثلاث اسابيع غيرت زيت الجير
وماشية الامور تمام
فجاة القير صار يفصل ومايعشق
اول ما اشغل السيارة تمشي 10 دقايق زي الحلاوة لا تنتيع ولا ما يحزنون
بعدها يبدا القير ينتع مع النمر ويفصل بالاخير
وديتها ورشة قالي لازم اغير القير
ياليت تعطوني رايكم او حلول تنفع قبل ما اغير القير







إبلاغ إبلاغ


رابط تطبيق حراج للايفون



رابط تطبيق حراج للاندرويد (الجالكسي)



الردود


اول 10 دقايق القير شغال تمام لان زيت القير بارد

بعدها يصخن الزيت ويفصل القير عشان ما يخرب (نظام امني)

الحل تبدل مبرد زيت القير او بلف مبرد زيت القير اذا خربان

طبعاً اذا كنت متأكد انك مركب زيت اصلي 100% لانه الزيت التجاري ممكن يسوي نفس الحركة


up 2 down 1
نديم الطيف 253
قبل سنه و 2 شهر



الزيت من الوكالة
فين احصل المبرد او بلف المبرد


up 0 down 1
khaleel1413 -3
قبل سنه و 2 شهر



شكلك ماتغيره بإنتظام عموما مشاكل القير كثيره اما حساسات او كلتشات او مبرد


up 0 down 0
abdulaziz bin ateeq 289
قبل سنه و 2 شهر



لو تبي مبرد قير 
تواصل مع الرقم 0596022130 واتس 
لو انت بالرياض 


up 0 down 0
الساهررررر 12
قبل سنه و 2 شهر



لو تبي مبرد قير 
تواصل مع الرقم 0596022130 واتس 
لو انت بالرياض 


up 0 down 0
الساهررررر 12
قبل سنه و 2 شهر



الله يرضى عليك لا تستعجل
اكشف عند أكثر من ميكانيكي حتى يطمئن قلبك وأنت بنفسك راح تعرف كلامهم صح أو لا إذا اتفقوا على رأي واحد
ربما تكون الشغلة أبسط مما تتصور

كان عندي جراند ماركيز وجات مشكلة بالقير وأروح لعامل باكستاني قال توضيب لازم وقلت فك القير ولعب فيه صار يمشي على ورى بس ورا قدام لا هههههه
الوكاد شلته بسطحه وعلى ميكانيكي تركي قال تدري كانت شغلتك بسيطة لو جبته لي قبل الباكستاني ما يحتاج توضيب وسلامتكم
لذلك من باب النصيحة لا تستعجل بالحكم على القير ترى فيه شغلات كثير قبل التوضيب



up 0 down 0
مجرد مشاركة 269
قبل سنه و 2 شهر



ارجع على كتاب الصيانة او بمعنى دليل المستخدم
وشوف نوع الزيت القير الموصى بة في منطقتك
وغير نفس المطلوب ولكن اصلي من الوكالة او مركز معتمد
و للمعلومية الزيت القديم اذا كان مستهلك
وماشي على اكثر من الموصى بة تبقى ترسباتة و بعض الاوساخ
جرب غير نفس المطلوب للسيارة ممكن تكون من نوع الزيت او بقايا الزيت القديم
فأقول ان شاء الله مع الجديد الموصى بة تنحل مشكلتك


up 0 down 0
ziad5500 6
قبل سنه و 2 شهر



مشاكل الهوندا مع القير ما تخلص...اسمع روح اكشف عند اكثر من واحد و لا تقولهم ايش المشكله..قوله شف السياره ما تمشي تمام خليه يسوقها و اذا كلهم قالوا قير...برضو لا تستعجل و تشتري قير برضو دور دور الين ما تحصل احد يعطيك ضمان على تصليحه..و لما تحصل احد يعطيك ضمان شف سعره برضو دور دور الين ما تحصل السعر يلي يناسب جيبك...تعتب تعب الين ما صلحت القير..و لما صلحت طلعت ليا اشياء ثانيه مالها صلاح بالقير...!!!


up 0 down 0
ahmedq1972 35
قبل سنه و 2 شهر