أضف سؤال أو موضوع جديد          

مشكلة الرجة في المكينة وظهور صوت بعد تركيب كرسي ومساعد جديد

up 13 down 0
honda 2014 439
قبل 2 أسبوع و يوم



السلام عليكم ورحمة الله

التقرير للفائدة و لكل شخص وواجه نفس المشكلة الي واجهتها ....


أولا : كان عندي مشكلة في اهتزاز المكينة والسيارة واقفه والقير على D ... و عند تشغيل المكيف

بديت بالاقل / تنظيف بوابة الهواء + فلتر جديد + تنظيف حساس الهواء

النتيجة خفة الرجة لكن الرجة الاصلية موجودة لم تحل

عملت كشف مكنيكي في الورش خارجا وفي الوكالة كلهم يقولوا [ هذي رجة طبيعية موجودة في الهوندا ]

سيارتي اول ما اخذتها كانت هادئة جدا لدرجة اني اطلع منها وهي شغالة واعتقد ان المحرك غير شغال

لمن يشبك الكمبروس تسمعه وتحس بالسيارة

لذلك مستحيل يكون هذا الوضع طبيعي

تقريبا 4 مرات كشف مكنيكي 2 في الوكاله و2 ورش خارجيه وكلها بلا فائدة .

# اليوم غامرت وغيرت جميع كراسي المكينة + كراسي القير


النتيجة = الحمد لله رغم اني كنت متردد وخائف اخسر على الفاضي لكن المفاجئة طلعت هي العلة ورجعت المكينة

تعمل بشكل طبيعي . وجيت اشغل المكيف واشوف كيف الاهتزاز لمن يشبك الكمبروسر [ كل شي تمام والحمد لله ]

طيب ايش السبب ؟؟؟ وليش الكشف ما طلع بنتيجة ؟؟؟ [ تشخيص خاطيء]


===============================================================
# المشكلة الثانية :


من اسبوع مغير مسامير توازن امامي + كراسي مساعدات ومساعدات أمامي لني مسوي تقرير مكنيكي وطلعت

عندي تحتاج لتغيير . قبلها السيارة كانت غير طبيعية في القيادة وتحس انها تعوم في الطريق والملفات فقدت الرساوة

والثبات ليست مثل أول .

لكن بعد التركيب ظهرت لي [ مشكلة صوت طقطقة ] بعد التركيب وارجع للورشة ويجربها المهندس الصوت موجود

شكيت قي المقصات طلعت سليمه الجوزات سليمه .. تقريبا نظام التعليق جديد استلموها 2 من الفنيين ولا طلعوا المشكلة

الصوت يطلع على سرعة 40كلم على طريق غير مستوي / او على طريق مستوي اذا جاء الكفر على عيون القط

الصوت من الجهتين شكيت ان تركيب المساعدات وكراسي المساعدات الامامية فيها خطاء

طلبت فكها واعادت تركيبها من اول ممكن يكون خطاء في التركب كل شيء وارد


# جاء مهندس اخر وطلعها على الرافعة وفك الكفرات [ طلعت المشكلة من مسامير الكليبر ] !!!!!!!!!!!!!!!!!!

لم تركب بشكل سليم وكانت تطلع صوت جنني خلاني اشك في المساعدات .الفني الي ركب المساعد نسي يشد المسامير

تبع الكليبر بشكل صحيح [ والحمد لله انتهت المشكلة ] بعد ارتفاع الضغط والسكر

===

الكشف بالنظر لوحدة ما يكفي أحينا لازم تفك القطعه وتشوفها من كل الجهات لكن للاسف الورش ما تعمل الشيء هذا



==============================================================

بالنسبة للكراسي المكينة ..

1- الكرسي الي بجوار السير : هذا الكرسي غرته 2 مرات وهذي الان المرة ال3 يخرب بسرعة

حق المصنع خدم معي 6 سنوات بقيادة طبيعية لكن صادف يوم اكلت مطب على سرعة 100 كلم [ قمط العافية ]
مطب مفاجيء ولا امداني اقف لاني الي خلفي مسرع وكان بيشيل لي الشنطة

ومن بعدها بسنة بدت مشاكل الرجة والاهتزاز عندي بالسيارة

التغيير الاول ما طول رجع خرب . واغير الثاني ورجع خرب ولا واحد فيهم خدمني مثل حق بلادها

لانها كلها صينية . حسب مواصفات الشركة

لكن النتائج عندي كانت مختلفه 2 مرات اغيره . والبقية هذي أول تغييره لها اليوم





2- طلبت التغيير كله بنفس الكراسي الي كانت عليها لان الصناعة مختلفة كلها أمركي USA


3- بالنسبة لشداد سير المكينة [ سبق غيرت البكرة 2 مرة لكن طلعلت المشكلة في الشداد نفسة واضطريت لتغييرة كامل كان يصدر صوت مزعج





لا حظ المشكلة في الكراسي [ بعد الفك ] تشقق وتقطع من الداخل
















إبلاغ إبلاغ


رابط تطبيق حراج للايفون



رابط تطبيق حراج للاندرويد (الجالكسي)



الردود


لايك على نشرك للمعرفة +1


up 1 down 0
نديم الطيف 145
قبل 2 أسبوع و يوم



سيارتك ايش موديلها
وكم سعر طقم كراسي المكينة والقير وكالة وليست ياباني


up 0 down 0
سلطان4040 1235
قبل 2 أسبوع و يوم



سلطان 4040

Accord 2014 EXL

كراسي المكينة + القير كله صناعه أمريكي . السيارة تجميع أمريكي يعني أغلب القطع تكون صناعة امريكي

هذي هي الكراسي

50810T2AY01 السعر = 1,524 ريال

50870T2AA02 السعر = 799.50 ريال

50850T2AA02 السعر = 178.50ريال

50830T2AY01 السعر = 1,217.25 ريال

50820T2VY11 السعر = 396.75 ريال


هذا مع خصم 25 % على القطع




up 0 down 0
honda 2014 439
قبل 2 أسبوع



الاخ honda 2014

مستغرب انه كراسي المكينة في الاكورد غلاءها فاحش ومو ذاك الزود من ناحية التحمل
سيارتي ماشية ٢٥٠ الف ولم يتم تغيير كراسي المكينة والقير الى الان
وسعرها عند الوكيل ٨٠٠ وشوي وعند محلات قطع الغيار ٦٠٠ وشوي




up 0 down 0
سلطان4040 1235
قبل 2 أسبوع



الكراسي تتحمل كثير الكرسي في داخله زيت داخل الربل

الي خرب علي الكراسي+ المساعدات مطب غير طبيعي ومن بعدها بدت المشاكل بفترة

قيادتي عادية جدا داخل المدينة لكن في السفر رجلي حارة على الموتر اهم الشيء الصيانة اول باول

الان قاطع 320,000كلم وتوني مغير مساعدات وكراسي مساعدات ومسامير توازن وكراسي مكينة وقير

وصادفت في الشركة صاحب اكورد مديل 2015 قاطع بها 500,000 كلم اسبوعيا جدة - الرياض ما صدقت الا لمن شفت الفاتورة

السيارة تخدم لكن المشكلة في [ طريقة القيادة ]



up 0 down 1
honda 2014 439
قبل 2 أسبوع



في خطاء في ارقام القطع في الاعلى

الصورة المرفقة تبين ارقام القطع برقم الشاصية


up 0 down 0
honda 2014 439
قبل 2 أسبوع



وانا اصيح من الالتيما عشان مقص ب240 بعد الخصم واقول غالي ههههههه

اثاري الاكورد قطع نار


على العموم الله يعطيك العافيه


up 3 down 0
aboahmed2014 990
قبل 2 أسبوع



عندي نفس مشكلة الأهتزاز بالضبط وتعبت من كلام الورش المختلف ؟ معقول الخلل من الكراسي وكم كلفك شغل اليد


up 1 down 0
المميز دائما 8
قبل أسبوع و 6 يوم



المميز دائما 5

انا جربت بالاقل . تنظيف الثروتل تنظيف حساس الهواء في علبة الهواء . فحص هوزات الهواء للمكينة [ اذا فيها قطع او شرخ ]

يسبب رجة للمكينة

بعد هذا كله [ خفة الرجة / لكن الرجة الاصلية واضحة لمن امسك فرامل القير على D / او لمن يشبقك الكمبروسر ويفصل ]

كلهم حاولو يقنعوني ان هذي الرجة طبيعية

بعد التركيب صار الوضع طبيعي جدا اقف في الاشارة والقير على D وانساه افكر حالي ساحب البريك لو رخيت رجلي قبت

في الي قدامي

شبكت الكمبروسر طبيعية جدا فرق عن اول



في المحلات للقطع الغيار / بقولك في اصلي وفي ياباني . الافضل تاخذها برقم القطعة


في الشركة عندهم خصم 25 % على قطع الغيار واجور التركيب [ عرض الصيف ]


up 0 down 0
honda 2014 439
قبل أسبوع و 6 يوم