أضف سؤال أو موضوع جديد          

حرارة اكورد 2007 ؟

up 0 down 0
abo nda 160
قبل أسبوع



السلام عليكم ورحمة الله وبركاته شهر مبارك عليكم يارب
شريت اكورد لاخوي موديلها 2007 قبل امس وكشفنا عليها كمبيوتر قبل الشراء الحمدلله مافيها اعطال سوى حساس الثلاجه لاحضت ان حرارة السياره النص وسالت المهندس قلت له الحراره النص وش فيها كشف قال طبيعي مافيها مشاكل كل شي سليم .
المهم رحت اليوم صيخت الاديتر وغيرت غطاء جديد واتضح لي انه مافيها بلف حراره وركبت واحد جديد اصلي وشيكت على المراوح وغيرت الدنمو حق مروحة المكيف ولا زالت الحراره زي ماهي وش المشكله مع ان فيه هوندا نفس الي معي كان واقف وشفت الحراره الي عنده الربع / وعندي النص
وديتها مكنيكي قال المكينه تمام والراس سليم والطربه مافيها مشكله ياليت احد يفيدنا وش السالفه ترا انلحس مخي









إبلاغ إبلاغ


رابط تطبيق حراج للايفون



رابط تطبيق حراج للاندرويد (الجالكسي)



الردود


دام الحراره ثابته على النص ماترتفع عنه طبيعي لاتوسوس يمكن الي شفتها كان مبرمج المراوح او شابك المراوح مع تشغيل السياره عشان كذا تشوفها ع الربع 


up 2 down 2
fhody44 572
قبل أسبوع



افحص كمبيوتر وشوف الحراره كم واصله
اذا كل شي سليم افحص العداد يمكن الامبير فيه مشكلة


up 1 down 0
احمد 170 324
قبل أسبوع



حياك
اذا امورها تمام
مايمنع تبدل حساس الحرارة 


up 3 down 0
باترول 2020 2541
قبل أسبوع



الاكورد هذا الموديل معروف انها مع المكيف حرارتها تنزل جرب شغل المكيف ،،،، واتأكد كمان من مؤشر الحرارة امكن الطبلون انفك قبل كذا


up 2 down 0
zax_makkah 169
قبل أسبوع



اليوم شغلت السياره وفكيت غدا الراديتر لقيت المويه ناقصه علبتين مويه ابو نص عبيتها وامتلى
مع اني امس معبيه هل تعتقدون المشكله من النقص 
السياره فيها حراره حتى تخش على الغماره من جوه ومن برا الرفارف والكبوت ماتقدر تحط يدك عليها من الحراره
لاكن يوم افك الغطا حق الراديتر مايطلع مويه كانه مافيها شي والمراوح شغاله اقصى قوه


up 0 down 0
abo nda 160
قبل 6 يوم و 21 ساعه



ي رجال وش اللي ينزل اذكر ايامها جربت يمكن 4 سيارات اكورد 2006 و 2007 و 2008 الشكل الجديد كلها حرارتها بالنص وكلها وكاله

بس كانت تحت النص بشرطه تقريبا مو بالضبط ولا عمري شفت اكورد ولا سيفيك ذيك الموديلات كانت بالربع ماهي تويوتا ولا نيسان


up 1 down 3
7amood1930 286
قبل 6 يوم و 20 ساعه



حمود شفت الصور ؟ 
ترا الحراره تجي اقل من كذا في الاكورد ماتجي النص حكم 


up 1 down 0
abo nda 160
قبل 6 يوم و 19 ساعه



الحراره عندك زايده حاجه بسيطه الطبيعيه تحت الخط الاول لعلامة الحراره
وشيك على دبات التلوث تسبب حراره بالغماره وخارج السياره اذا مسدوده


up 1 down 0
omar.alrshidi 12
قبل 6 يوم و 17 ساعه



كانت معي 2006 هذي هي حرارتها النص ثابنه ما تتغير


up 0 down 0
جاي امس 418
قبل 6 يوم و 15 ساعه



الحراره زايده حاجه بسيطه مو كذا حرارة الكورد المفروض تحت النص بشوي
لكن والله اعلم انه في مشكله مسببه الحراره هذي


up 3 down 0
الجمل الهايج 3
قبل 6 يوم و 8 ساعه



مع احترامي للي ردوا وقالوا انه حرارتها على النص طبيعية غلطانين
أنا مستخدم 3 اكوردات لنفس ذا الموديل من عام 2010

حرارتها الطبيعية على الثلث مابين الشرطة ال6 وال7 ، طبعاً إذا حسبت الشرطات الصغيرة راح تطلع 20 شرطة
والمهندس اللي قالك حرارتها طبيعية هذا سباك والمهندس الثاني كمان سباك دام ماعرف من وين مصدر المشكلة
إذا ماكان فيه تهريب موية
لازم تروح عند مهندس خبرة يطلع لك المشكلة ، انت ابدأ بالأسهل إذا مالقيت واحد خبرة يحل لك المشكلة
مثل ماقالك الأخ باترول غير حساس الحرارة ، وماادري هل غيرت غطا الرديتر أصلي ؟ ترا لازم يكون أصلي

الإحتمال الثالث ممكن طرمبة الموية فيها ضعف والإحتمال الرابع ممكن من الرديتر مغير تجاري وأصغر من الأصلي
واحتمال يكون الرديتر مسيخ اكثر من مرة لين قال بس من راعيها الأول وترا كثرة التسييخ تضعف الرديتر

الإحتمال الأخير وانا شاك فيه بنسبة كبيرة انه راس المكينة مشعور ، (فيه تصدعات) من الحرارة ويحتاج مسح أو تغيير
واحتمال انمسح قبل كذا وماضبطه والأفضل تغييره



up 2 down 1
nader2002 1644
قبل 6 يوم و 8 ساعه



خذها قاعدة أي سيارة نظام تبريد المحرك فيها فيه صدأ ، توقع تحتر عليك بأي وقت وخصوصاً في الزحمة وفي الصيف
وحل مشكلتها اصعب من غيرها

ومهما سيخت راح يرجع الصدأ بوقت قياسي
المشكلة انه نسبة كبيرة من السيارات المستعملة يحطون لها أصحابها موية عادية

والله يعينك أخوي


up 0 down 0
nader2002 1644
قبل 6 يوم و 7 ساعه



الاخوان ماقصرو واتفق مع الاخ نادر

اذا تكرر نقص الموية شيك اسفل الدواسة الخاصة بالراكب احتمال عندك تهريب من الهيتر
تأكد من مراوح التبريد انها تعمل بشكل صحيح (ممكن تكون شغالة لكن سرعتها اقل من المطلوب )
الخوف لايكون راس المكينه وحصلت معاي في سيارتي المازدا جننتني - الماي يتبخر وحتى الوكالة ماطاحو على علتها
الله يعينك


up 1 down 0
salehhd 814
قبل 6 يوم و 5 ساعه



اذا انت من جدة ممكن ادلك على واحد متتخصص في الهوندا.
وديها له افضل ماتغير كل حاجه على الفاضي.


up 0 down 0
amer ahmed 435
قبل 6 يوم و 5 ساعه



انا عندي نفس موديلها الحرارة عندك مرتفعه المفروض انزل من كدا ادا ترتفع حدها بين النص و الربع بس


up 1 down 0
حمود بنز 71
قبل 6 يوم و 3 ساعه



كنت تغير رديتر بالمرة وحدة والاردني ممتاز الكل يمدح فيه والسعر رخيص


up 0 down 0
nissan200 122
قبل 6 يوم و 3 ساعه



نادر غيرت الغطاء اصلي لاكن اكتشفت اني كل يوم اعبي علبة مويه صحه في الراديتر
ووديتها المهندس وكشف ونفخ الين داخ يقول مافيه تهريب طيب وين تروح المويه ؟
الراديتر لقيته مغير الى واحد اكبر من حق الوكاله لاكن الصدا مليان حوالين الراديتر
شكلها قد صخنت على راعيها والنلحس الراس كم يكل مسح الراس


up 0 down 0
abo nda 160
قبل 5 يوم و 22 ساعه



عمر احمد افزع لي وين موقع الي في جيده بروح له بكره


up 0 down 0
abo nda 160
قبل 5 يوم و 22 ساعه



غلط تحط موية عادية تدمر الرديتر


up 0 down 0
mfh2009 261
قبل 5 يوم و 13 ساعه