أضف سؤال أو موضوع جديد          

هل أحتاج لدفع 755 ريال للصيانة الدورية للأكورد 2018

up 1 down 0



السلام عليكم ورحمة الله وبركاته ،

مبارك عليكم الشهر الفضيل ، أسأل الله أن يعينكم على صيامه وقيامه .

عندي أكورد 2018 شريتها من قرابة ثلاث شهور والحين مولعة إشارة تغيير الزيت ، الممشى حالياً 5 آلاف ... تمنيت الوكالة لو غيروا لي الزيت قبل ما يعطوني السيارة ...

صيانة السيارة كل 10 آلاف كيلو ...

عند وكيل هوندا سعر صيانة الأكورد أقل شي 755 ريال ،،،،

هل أحتاج فعلاً لعمل الصيانة عندهم ؟

سألت الموظفين عن سبب هذا السعر فأخبروني أن الأكورد 2018 تحتاج لتنظيف البخاخات كل صيانة .

ولكني بحثت في جوجل و بحثت في كتيب المالك للسيارة ولم أجد شيئاً يتحدث عن ( تنظيف بخاخات ) !!!

فما أدري وش رايكم ،،، هل فعلاً السيارة تحتاج تنظيف بخاخات ؟




##@## تحديث :



وجدت في كتيب السيارة أنه من الضروري إضافة منظف بخاخات كل 10 آلاف كيلو أو كل سنة ، مكتوبة في الكتيب ( نظام حقن ) تقريبا ،، كنت أدور عن كلمة بخاخات وما انتبهت لكلمة ( حقن ) بسرعة ...

لكن سعر منظف البخاخات رخيص ، يمكن 30 أو 40 ريال ، ماهي معقولة الوكالة يطلبون 755 ريال على تغيير زيت وصب منظف بخاخات في خزان البنزين ...

ما أدري هل هم مكبرين الموضوع ويفكون البخاخات وينظفونها يدوياً ولا مجرد علبة يصبونها ويطلبون هالسعر على الفاضي ...







إبلاغ إبلاغ


رابط تطبيق حراج للايفون



رابط تطبيق حراج للاندرويد (الجالكسي)



الردود


صرفوها من عندهم ههههههه

كل صيانه تحتاج تنظيف بخاخات !!!! هذي جديده ..


up 5 down 0
jakwar2004 410
قبل 11 شهر



يفترض تنظيف البخاخات او ( رشاشات البنزين ) بعد حوالي 50 او 60 الف كيلو ، اما 10 الالاف فقط تعتبر قلييله خصوصاً ان السياره حديثه ومابعد مشت كثير ، يعني لو قالو مثلاً فلتر هوا او زيت مكينه نقول معليش اما رشاشات بنزين ما احس فيه داعي ، لكن اتوقع هذا اجراء هذا اجراء وقائي تسويه الوكالات وفي نفس الوقت مكسب لهم وصعبه تقولهم لا ، لإنك احتمال لو رفضت مهمه من مهام الصيانه احتمال يتأثر الضمان ، يعني لاقدر الله وصار بالموتر شي ورحت تصلحها عندهم عالضمان احتمال يرفضون بيقولون لك انت اخليت بشرط من شروط الصيانه وهو تنظيف البخاخات مثلاً، يعني بالعربي بيخلونها حجه عليك ، علشان كذا مالك الاتمشي على كلامهم والله يسهل امرك ان شالله ،،،
ورمضان كريم .


up 3 down 1
bakeetdo99 87
قبل 11 شهر



يفترض تنظيف البخاخات او ( رشاشات البنزين ) بعد حوالي 50 او 60 الف كيلو ، اما 10 الالاف فقط تعتبر قلييله خصوصاً ان السياره حديثه ومابعد مشت كثير ، يعني لو قالو مثلاً فلتر هوا او زيت مكينه نقول معليش اما رشاشات بنزين ما احس فيه داعي ، لكن اتوقع هذا اجراء وقائي تسويه الوكالات وفي نفس الوقت مكسب لهم وصعبه تقولهم لا ، لإنك احتمال لو رفضت مهمه من مهام الصيانه احتمال يتأثر الضمان ، يعني لاقدر الله وصار بالموتر شي ورحت تصلحها عندهم عالضمان احتمال يرفضون بيقولون لك انت اخليت بشرط من شروط الصيانه وهو تنظيف البخاخات مثلاً، يعني بالعربي بيخلونها حجه عليك ، علشان كذا مالك الاتمشي على كلامهم والله يسهل امرك ان شالله ،،،
ورمضان كريم .


up 0 down 1
bakeetdo99 87
قبل 11 شهر



كلام فاضي الصيانات هذي وضياع وقت ومال
سيارتك انت تقدر تصينها بأقل التكاليف
الوكلاء جشعين جدا والا سياره توها ماشيه ٥ ألاف صيانه ٧٥٥
ان كان تسمع نصيحتي فأنت كسبان
انا ياطويل العمر مطلع افالون ٢٠١٥ وكاله قبل ٤ سنوات ولا دخلتها صيانه غير حق ١٠٠٠ كيلو
بعد كذا كنت اخذ افضل الزيوت من محلات الجملة وفلاتر زيت واغيره برا
بالاضافه للتشيك على فلتر الهواء والمكيف كل فتره وتشوف اذا محتاجين تغيير او لا
وبخصوص الضمان حصل معي صوت في الطاره وديتها الوكاله وغيره على الضمان بدون اي مشكله مع العلم اني ماكنت اسوي صيانه عندهم ولاشي
وفر فلوسك في جيبك وسيارتك جديده يعني بإذن الله ٥ سنوات قدام ماتحتاج غير زيت وفلاتر فقط


up 6 down 1
الجمل الهايج 27
قبل 11 شهر



بعد إذن صاحب الموضوع 

يوجد لدي توصيل دمام إحساء    أو  دمام رياض 

على الراغب الإتصال على الرقم 0555024707


up 2 down 14
bora3d2 -32
قبل 11 شهر



الواحد يشتري سياره جديده عشان تريحه مو عشان يصرف عليها كل شوي


up 6 down 0
sabal 582
قبل 11 شهر



ياخي اشتر علب الزيت من الوكالة وغير برا وريح راسك

بيكلفك اكثر من نص المبلغ اللي كاتبينه

بلا بخاخات بلا هم

البخاخات بعد 50 ألف تتنظف ... هذول نصابين


up 1 down 0
الاحترافي 1438
قبل 11 شهر



الصيانات الدوريه صارت اسعارها
مبالغ فيها ....والسبب كل وكيل
ومزاجه .....الدعوى كلها زيت مكينه
وفلتر ........وهات صلخ للزباين
شكوى لوزارة التجاره يغيرون نظامهم


up 1 down 0
لا للغلاء 761
قبل 11 شهر



غير اول مرة بس عندهم و تأكد من لزوجة الزيت
ثم حول على ون ستوب او اي مركز تغيير زيوت معتمد شغلهم نظيف
و ارجع لهم على ممشى 40 الف عشان تغيير زيت قير الCVT
ثم غيره برا على ممشى 80 الف و على الميه الف شيك على الفلاتر و السيور
سيارة جديدة ما تحتاج تتخسر صيانة يكفي سعرها اللي دفعته او كل شهر تقسطه


up 3 down 1
1405-1985 993
قبل 11 شهر



بورايد تراك غثيتنا


up 0 down 3
mfh2009 326
قبل 11 شهر



و الله إن الصيانة الدورية إنها سرقة و المستهلك عندنا لا حول له ولا قوة
أجل سيارة جديده ادفع فيها تشييك 800 ريال
وفي الأخير مجرد تبديل زيت و فلتر ؟!



up 2 down 0
alhkami 423
قبل 11 شهر



تم إضافة تحديث في نهاية الموضوع ، باختصار ، تنظيف البخاخات مهم ، لكن السعر ما زال مبالغ فيه .


up 0 down 0
اسم لا يحتوي على رموز 5
قبل 10 شهر و 3 أسبوع



ايذا ماخاب ضني سيارات التيربو تحتاج تنضيف بخاخات مع كل صيانه بسبب ان التيربو يسحب اوساخ


up 0 down 0