أضف سؤال أو موضوع جديد          

هوندا سيفيك 2005 جننتنا ماهي راضية تشتغل وحل المشكلة السابقة

up 2 down 1
nader2002 1662
قبل 2 سنه و 10 شهر



السلام عليكم ورحمة الله وبركاته
كيف أحوال الطيبين عساكم كلكم بخير وصحة وسلامة

اعذروني ياأخوان مانزلت موضوع بخصوص حل مشكلة الموضوع السابق لأني كنت مشغول جدًّا خلال الفترة الماضية
هذا هو رابط الموضوع للي نساه أو ماشافه :

https://honda.montada.haraj.com.sa/79697/هل-مرت-عليكم-هذه-الحالة-؟-ارتفاع-مفاجيء-لمؤشر-دورة-المحرك

والحل بكل بساطة هو كالتالي :
فصلنا أصابع البطارية ونظفنا بوابة الهواء (الثروتل بدي) والحساس تبعها بمنظفات خاصة ماركة CRC
وبعدها ركبنا البوابة والحساس وخلينا أصابع البطارية مفصولة يوم كامل لأني مثل ماذكرت مانستخدم هذي السيارة كثير

جينا اليوم الثاني شغلنا السوتش 10 ثواني ورجعنا طفينا السوتش 10 ثواني وعلى هالحال 3 مرات
وبعدها اشتغلت السيارة ومن أحلى مايكون ماشاء الله تبارك الله
وعملنا بهذي النصيحة بعد أخذها من أحد الجيران جزاه الله خير
_______________________________________________________________________

المشكلة الحالية اللي بعنوان الموضوع لسيارة ثانية هي هوندا سيفيك 2005 ماشية 410 آلاف كم
عيت تشتغل والمشكلة بدأت من حوالي شهر ، السيارة كانت مع الوالد ووداها لكهربائي قبل 6 شهور
والكهربائي مدد سلكين كهرب موصلين في البطارية لتقوية النورالأمامي وسلكين موصلين بمسمار على البودي

وقبل شهر انحرقت الأسلاك اللي فوق البطارية وحرقت معاها البطارية ومن بعدها بدأت المشاكل
بدلنا البطارية والأسلاك المحروقة قصيناها بس السيارة ماهي راضية تشتغل السلف يدور بس المكينة ماتشتغل

فحصناها بجهاز OBD II ماركة AUTEL AL319

وطلع هذا الخطأ P0335 ومكتوب تحته Crankshaft Position Sensor A Circuit

واكتشفنا من هذا الخطأ انه فيش حساس االكرنك محروق وذايب لدرجة أنه الأسلاك طلعت منه
ولقينا في صناعية الإسكان ورشة اسمها الجنوب متخصصة في الهوندا ولقينا عندهم فيش مستعمل وركبناه

وبعدها اختفى كود الخطأ واشتغلت لمدة أسبوع تقريباً وبعدها ماعاد اشتغلت وبعدين غيرنا حساس الكرنك أصلي جديد
مثل ماهو واضح في الصور الفرق بين الحساس القديم والجديد وسعره 280 ريال بس برضه بدون فايدة

فحصنا أفياش الكويلات طلع مافي كهرباء واصلة من الكمبيوتر للأفياش فكينا الكمبيوتر وفحصناه طلع سليم
وإلى الآن ماعرفنا المشكلة من وين بالضبط

ورش الإسكان فريناها في جنوب جدة ، واحد قال الخلل من علبة الفيوز والثاني يقول من الظفيرة
والباقين قاعدين يصرفونا :) فاللي عنده خبرة في المشكلة ياليت يدلي بدلوه قبل الخساير اللي مالها داعي
السيارة حالفة يمين ماتشتغل أو فيها جني :)

وجزاكم الله خير مقدماً.











إبلاغ إبلاغ


رابط تطبيق حراج للايفون



رابط تطبيق حراج للاندرويد (الجالكسي)



سيارات للبيع

الردود


اتوقع من علبه الفيوزات مشكلتكم خصوصا الريلي او المعنى العام الفيوز الكبير




up 1 down 1
7amood1930 182
قبل 2 سنه و 10 شهر



جرب تاخذ لها ظفيره من التشاليح وطبقها عليها



up 1 down 0
معاند زمانهه 12
قبل 2 سنه و 10 شهر



حياك
اذا المفتاح فيه شريحة حاول تفحصة
عند مبرمج 
انا توقع والله ياتصيب ياتخيب 
وباالتوفيق


up 1 down 0
باترول 2020 2623
قبل 2 سنه و 10 شهر



ياشباب تم حل المشكلة عن طريق واحد نشمي زميل لنا بقروب واتس اب للهوندا اسمه مؤيد ورفض ياخذ حتى ريال واحد
جاء لعند السيارة وشيك عليها واكتشف انه أحد أسلاك الكمبيوتر مهو راكب عليه والسيارة صارت ماتدق سلف أصلاً من بعدها
ولمبة المكينة والبطارية ماتولع نهائياً مع وضعية السوتش

الكهربائي اللي فكه مو احنا لأننا ماقد فكينا كمبيوتر وخايفين نتعبث فيه ويخرب زيادة
ووقت تركيبه ماركب أحد الأسلاك بالكمبيوتر

وقبل مايجي الأخ مؤيد برمجنا مفتاح السيارة لأنه يجي بشريحة ب30 ريال عند محل مفاتيح

وبعد تركيب السلك الأخير بالكمبيوتر برضها مهي راضية تدق سلف شيك الأخ مؤيد على أصابع البطارية وأسلاكها
طلعت مرخية وشديناها ،، ويقول يمكن تأثرت من يوم انحرقت الأسلاك الإضافية مع البطارية
_______________________________________________________________________
يعني المشكلة الأساسية من الأسلاك الإضافية فوق البطارية لما انحرقت سببت صدمة لبعض القطع الكهربائية في السيارة
وأثرت على فيش حساس الكرنك وأصابع البطارية وأسلاكها وبرمجة المفتاح والحمدلله الكمبيوتر ماضرب



up 0 down 1
nader2002 1662
قبل 2 سنه و 10 شهر



وفعلاً كلامك صحيح أخوي (باترول 2020) ولايهونون باقي الأخوان
والقروب اللي فيه الأخ مؤيد اسمه (HONDA CLUB)

القروب مخصص للهوندا سيفيك ال2005 وتحت والاكورد 2002 وتحت اللي عنده هذي الموديلات راح يستفيد كثير
وهذا مؤسس ومشرف القروب الأخ ياسين الإدريسي
وهذا رقم جواله للي حاب يضيفه للقروب تواصل معه واتس اب : 0546123621


up 0 down 1
nader2002 1662
قبل 2 سنه و 10 شهر