رجه في اكورد 2014

الرجه الله يسلمك أسبابها كثير وأولها الكفرات والجنوط ..

أولاً أخي العزيز تأكد من الكفرات لاتكون محبله والجنوط لاتكون مطعوجه ومن ثَمَّ تأكد من

الأذرعه والمقصات والجلد أسفل السياره .

هذه من أهم مسببات الرجه ولا تنسى الوزن والترصيص .

( أما إللي قال لك من القير هذا سباك كبير ) هههههههههههههه مع الإعتذار إذا كان معرفه لك

ولكن أنا أقصد إذا كان ميكانيكي ( سباك )

اللي مجنني انها تجي بعد 40 و بعد 60 و تختفي 

زي لما تمشي فوق المطانيج ارفع الدعسه او اشد تروح ، و اذا شيت ما تجي

اما حق القير مكانيكي و قالي بعد احتمال كبير ان عندك الكرونه فيها فضاوه بعد ، هههههههههههههه اتوقع تعدى مرحله السباكه

شيت ====== شديت

يمكن من البطيخة '_'

^ قد حصلت لك المشكله ؟؟

العكس يسوي كذا  انا غيرت راس عكس داخلي يمين 
وبعدها صارت السياره ترج تهتز من سرعه 40 الى80 
وتختفي   انت شيك على العكوس اذا فيها فضاوه ممكن هي المشكله ولاتستعجل تغير شي قبل تتئكد والقير لاتقرب منه ماهو هو السبب ان شاءالله يالعكوس او الجنوط يعني اشياء بسيطه 

اذا كنت توك مغير كفرات وقبل التغيير ماكان في رجة ف اكيد منها.

أما إذا ماغيرت شي. وفجأة ضهرت لك المشكلة مالك الا تغير الاذرعة والجلود تبع المقصات والركب وتتاكد من المساعدات والعكوس والجنوط واخر شي تشيك عليه الدودة .
انا اقولك ذا الكلام بسبب تعقيد مشكلة الرجة لانها ممكن ايام تختفي فجأة كذا وترجع لك مرة ثانية أو تخف الرجة وبعدها تزيد وتأكد هم بعد السيارة فيها حذفة او لا

على اي حال اهم شي تكون السيارة ماضريت رصيف أو مطب بشكل قوي لان لو هذا اللي صار راح يكون حل المشكلة صعب جدا لان يدخل فيها كمر وسحب ومقصات كاملة جديدة ومساعدات

انا قريت ان العكس التجاري او اليباني ، يطلع هذه المشكله ، 

سبحان الرازق سبحانه
 
راس العكس اللي غيرته تجاري ؟؟

إذا كانت الرجه تروح مع الدعس فغالباً تكون من العكوس ، هذا والله أعلم

وإنت بإمكانك تحدد المشكله بذكرك لأشياء كثيره ، مثلاً هل غيرت كفرات ؟ أو هل حكيت في رصيف

أو أكلت مطب جامد هل شيكت على جلد الأذرعه والمقصات قريباً وإلاّ لك فتره طويله .. وهكذا

الله يوفقك وإن شاءالله تجد حل لمشكلتك .

الكفرات الاماميه مغيره قبل شهرين ، طلعت اعتقد والله اني ماني متاكد بعد ما حكيت في رصيف و انا ماشي 120

+ الجنط سليم مافيه طعجات

ايه تجاري غيرته بس انت تئكد قبل لاتخسر شي  ممكن المشكله من الجنط حاول تركب الاسبير او تبدل  بين اماكن الجنوط  ركب الي ورا قدام والي قدام ورا يمكن واحد من الجنوط هو السبب

يعطكم العافيه ، بحاول بكره ابدل الكفرات على شكل الاكس

يا أخ عز علمنا هل انحلت مشكلتك لأني أعاني من نفس الرجة

سلام عليكم 
ياغالي بشر ايش صار على الرجه اختفت ولا لحد الان موجوده ؟