أضف سؤال أو موضوع جديد          

غسيل مكينة السياره بالماء صح ام خطاء .

up 8 down 4
ra22an 16
قبل 2 شهر و 2 أسبوع



السلام عليكم ورحمة الله .

اقدم لكم اليوم موضوع مهم جدا من تجربة مريره .

غسيل مكينة السيارة بالماء الضغط او العادي صح ام غلط .

البعض يقول عادي ودايم اغسل مكينة سيارتي وماحصل لها اي شىء .

لكن اقول لك انتبه تغسل مكينة السياره بالماء واكتفي بالتنفيخ الهواء

ومسحها بقماش فقط . حتى لو كان على المكينة طن تراب .

للاسباب التالية .

انا غسلت مكينة سيارتي ثلاث مرات والامور تمام .

وما كنت اعرف ايش الضرر الي سببة غسيل المكينة بهذيك الفترة

غيرت كويلات مرتين
غيرت بواجي 4 مرات
بسبب التفتفه والتقطيع .

وماكنت اعرف ان السبب هو غسيل المكينة

المره الاخيرة كنت مغير كويلات اصلي ولسه لها شهر
وغسلت مكينة السياره كالعادة . اتفجى اليوم الثاني رجعت التفتفه

اعمل تنظيف لمجرى البنزين كامل من الطرمبة الى البخاخات
على اساس ان الكويلات والبواجي جديد .

ومازالت التفتفه والتقطيع موجود .
بعد كم شهر ارجع اغسل السيارة مع المكينة ( مدمن غسيل للمكينة )
بعد الغسيل مباشرة يطلع معي صورة البطارية على الشاشة .
اوديها المكنيك قال دينمو التعبئة عندك عطلان .
بسبب غسيل المكينة وما قال لي السبب الرئيسي لخراب الدينمو .

بعد كم شهر غطيت الدينمو وغسلت المكينة بالماء .
انشفها هواء واشغل السيارة القى صورة البطارية طلعت من جديد
والتفتفه زادة .

وقفت السيارة وفكيت الكويلات القى في بعض الكويلات ماء .

يعني خربة الكويلات والبواجي ودينمو التعبئة .

وقتها عرفت ان خراب الكويلات السابقه والبواجي رغم انها جديده
وعمر الكويلات معروف انه طويل جدا .

غيرت كويلات وبواجي ودينمو . وقلت لو صير على المكينة غبار الرياض
كله مراح اغسلها .

الاستفادة :

- الكويلات تتعطل عندما يدخل ماء على الفيش يضعفها واحيانا يعطلها .
- البواجي تصير ضعيفة لان الشراره القادمة من الكويل مصحوبة بماء .
- الظفيرة واغلب الحساسات تخرب اذا دخل ماء للفيش .
- دينمو المكينة يصير ضعيف او يصير يعبي البطارية بشكل متقطع
او يعبي زيادة او يتعطل كامل .

علبة الفيوزات تخرب
- الكمبيوتر ايضا يلخبط او يقطع او يتعطل كامل بسبب الغسيل .

اذا استفدة من التجربتى او عندك تجربة . اسدح تعليق وخبرنا عنها .

أبو كريم .











إبلاغ إبلاغ


رابط تطبيق حراج للايفون



رابط تطبيق حراج للاندرويد (الجالكسي)



سيارات للبيع

الردود


وعليكم السلام ورحمة الله 

انا اشوف مافي ضرورة لغسيل المكينة لانه مظهر فقط ،،،،واجزاء المكينة تكون داخلية وهي المهمة تحتاج عناية من زيوت وفلاتر وموية رديتر 


up 3 down 0
ابو حسين.......... 818
قبل 2 شهر و 2 أسبوع



اكيد ان غسيل المكينة بالماء مضر للمكينة
الماء يدخل في اماكن المفروض ما يجيها المويه مثل الكويلات و الدينمو و اي شي له علاقة بالكهرباء و غير كذا ينشف الجلد و مشكلة للسيور و البكرات و الرمان اللي داخل البكرات تتضرر بالموية و تطلع اصوات

نفخ بالهواء كافي


up 0 down 0
5alaf 692
قبل 2 شهر و 2 أسبوع



انا معكم يا شباب غسيل المكينه يضر بالكهرباء بشكل عام 
لكن فيه غسيل عن غسيل فيه احد يلعمص الدنيا بالماس وفيه الي يرش عالمطلرب 
لان اذا عندك تهريب زيت وتبي تعرف مكانه لابد من الغسيل 
وبعدين بوقت الامطار يجي ماء للمكينه خاصه الي كاوراته مب تمام او ناقصه 

مشكور عالموضوع الطيب المفيد 
والحمدلله ماقد غسلت مكينه (: 
الا مره وماهي سيارتي عشان تهريب زيت وصافطينه ولا عرفنا من وين التهريب ف غسلنا والحمدلله الامور ضبطت وكانت كرولا مافيها ذيك الحوسه


up 2 down 0
m7md 33 671
قبل 2 شهر و 2 أسبوع



فيه مواد كثيره امنه ومخصصه لتنظيف المكينه تحصلها بساكو او سوق كوم ،

 افضل لك اذا كان ودك تنظف المكينه ،،،

بالتوفيق 


up 0 down 0
mohammed _ avalon 2009 11
قبل 2 شهر و 2 أسبوع



السلام عليكم 
المعذره اختلف معك فى الراي 

غسيل عن غسيل يفرق 
غسل المكينه بطريقه هذي الي بقول وان شاءالله ماراح يصير عندك اي مشكله 
اول شي حط فى بالك المكينه مو مثل البدي كلما مثلا رحت المغسله تغسلها هذا غلط 
يعني كل مثلا 6 شهور ترشها بمويه كذا ممتاز بتستفيد اذا غسلت المكينه بتزل التراب الي متجمع على البكرات 
وبقايا الزيوت المتراكمه على المكينه 
طريقه الغسيل ترش البكرات حقه المكينه و السير والمكينه من تحت جهه الكرتير اماترش بطريقه عشوائيه هذا غلط 
فيه مثل ماقلت انت كويلات وحساسات وفيه الكمبيوتر حق السياره لوجاهم مويه خربت اخذ فوطه مبلوله وامسح عليهم 
انت كذا تكون نزلت الاتربه والشوائب وان شاءالله ماراح تواجهك مشاكل وهذي الطريقه استخدمها فى سياراتي والحمدلله ماشكيت منها 
ولاتنسى ترش معك المبردات الرديتر و رديتر المكيف 
اترك السياره بعد الغسيل لحد ماتنشف من الماء وتوكل على الله 



up 0 down 0
fhody44 284
قبل 2 شهر و أسبوع



فهودي كلامه صح انا اسوي نفس الطريقة كل 3 شهور تقريبا
طبعا اغطي الدينمو بكيس وارش رش خفيف بحيث ان الغبار كله يروح
وبعدين اخلي العامل بعد الرش ينفخ هواءوخاصة في الاسلاك وجهة علبة الفيوز
والبكرات والسير وماشاء الله زي الفل السيارة ماحصل لها اي شي


up 0 down 0
نواف1420 255
قبل 2 شهر



طيب الي طب في طريق كله ماء ويوصل الماء الى نص الكفر
ماء بسبب المطر
الحمد لله السيارة عدت لكن هل راح تكون فيه مشاكل بعد كذا



up 0 down 0
honda 2014 373
قبل أسبوع و 3 يوم