أضف سؤال أو موضوع جديد          

كرسي المكينة 2014

up 1 down 1
honda 2014 358
قبل 4 شهر و 3 أسبوع




مساء الخير

من اسبوع الى اثنين الاحظ وجود رجه في السيارة يمكن الشعور بها في طارة السيارة وهي واقفه

ومع المكيف تزيد بشكل اقل من المتوسط

مريت الصيانة افحص ع بالي تنظيف الثروتر وتنتهي المشكلة
لكني منظه من فترة قريبة مع فلتر جديد
فحصوها طلع الكراسي فيها بداية خراب ... الفني يقول " نشفت " ؟؟!!

مو باين عليها اضرار من الخارج


سؤالي هل فعلا تنشف الكراسي ؟؟










إبلاغ إبلاغ


رابط تطبيق حراج للايفون



رابط تطبيق حراج للاندرويد (الجالكسي)



الردود


احتمال كبير منها 

وعشان تتأكد 

خل واحد جوة السيارة وانت عند الكبوت ،،خله يحط السيارة فD ويكونماسك على الفرامل وفي كل مرة يدعس بنزين دعس خفيف ،،،،اذا شفت المكينة تتحرك فهذي الكراسي وتقدر تتأكد زيادة حطها في R وسو نفس الحركة 


up 1 down 0
ابو حسين.......... 764
قبل 4 شهر و 3 أسبوع



وبالنسبة لسؤالك هو يقصد ان الجلد اللي تركب فالكرسي هي الخربانه ومتقطعه وناشفة 


up 0 down 0
ابو حسين.......... 764
قبل 4 شهر و 3 أسبوع



نعم الكرسي يجي فيه جلد وتنشف وتتقطع


up 1 down 0
aliyy-2010 225
قبل 4 شهر و 3 أسبوع



ابو حسين
هم حاطين الكرسي جلد مقوى عشان يتحرك المكينه و القير بشكل بسيط ملحوظ
و الا كان حطوها حديد طريقتك غلط الله يصلحك


up 1 down 1
صالح بن محمد. -23
قبل 4 شهر و 3 أسبوع



والله يبو حسين مدري بس احس هالحركه شغل شريطيه . دايم يسوونها ..انا لااتهم بس مع اخوي صالح. ..لاحظت كل مره ابيع السياره وهي نظيفه يسوون هالحركه ..وعلى طول يشخصها . كراسي المكينه تعبانه ..غير طبعا اشياء اخرى. ثمن يخسف بقيمه السياره


up 0 down 0
midnight_963 544
قبل 4 شهر و 3 أسبوع



قبل فترة بسيطه بعت جمس٢٠٠٨ و كان نظيف ما فيه ملاحظات
و الشاري قال يبي يفحص رحنا محل فحص قالوا كراسي مكينه
قلت هذا ما يفهم نروح محل ثاني و كان باقي شاك انه فعلا كراسي لان المكينه تتحرك لو عشقت و دعست
ووقتها كان معاه النترا جديدة حسب كلامه من كم شهر مطلعها من الوكاله
طبقنا الحركة فيها و تحركت المكينه بشكل واضح و كبير
اقتنع بعدها انه طبيعي
اذا الكرسي فيه شيء تتحرك المكينه مع صوت طقه قويه
لكن بدون طقه الوضع سليم


up 0 down 0
صالح بن محمد. -23
قبل 4 شهر و 3 أسبوع



كان يحصل معي طقه عند الكفر وصوت من تحت..رحت اشيك الا والله كراسي المكينة والقير رايحة فيها وصلحتها والحمد لله راحت هالامور

الكرسي يوضح انه خربان بالعين او بالدعس ع البنزين مع الفرامل

بالعين متقطعه الجلد ومتهالكة

لاي شخص خربانه الكراسي عنده خصوصا اذا كلها خربانه انصحه يغيرها

كون المكينة تتكي ع المقصات والاجزاء السفلية

وهذا يعدمها في حال تاخرت كثير

بالتوفيق



up 2 down 1
الراقي ~ 109
قبل 4 شهر و 3 أسبوع



الراقي

المكينه مثبته على الكمر و الكمر جزء من الشاص نفسه
حتى لو الكراسي معدومه تبقى المكينه ثابته على الكمر نفسه


up 0 down 1
صالح بن محمد. -23
قبل 4 شهر و 3 أسبوع



تبيها من الاخر لا كراسي ولا غيره الهوندا ترى مشهورة بالنفضه من عرفتها في حياتي واغلب موديلاتها وخاصةً مع المكيف لاقام يفصل ويشبك وهكذا


طبعاً بتجي ناس مندفعه انا هوندتي عام 1900 وحطبه وماشيه 4655465665 مافيها شي تركب كنه بي ام ما تحس بشي انا اقولهم اركدوا حنا مانقول كذا نعذرب في الموتر


لكن سبحان في بعض السيارات فيها ملاحظة او شي تلقاها ملحوظة وهذا مهيب عيب دامه ما ياثر على الموتر وعلى استخدامه وش علي منه أأقلم نفسي عليه وضحت



يعني شف لو بتغير كراسي المكينة ممكن تحسن بشكل ملحوظ وتكاد تختفي بس فترات وترجع وطبعاً هذي في كل السيارات اكيد مهب بس في الهوندا يعني الفحمات لما تركبها اليوم مهب مثل دعستها لما تجيها عقب 10 شهور ولا سنة كذلك الكراسي واشياء ثانية لما تركبها الحين تحس عزل المكينة ياسلام ولا نفضها ملحوظة ولا شي مع الاستخدام والايام والمطاب والعفسه والدنيا تبدأ لكن لا يعني انها الحين منتهية مرررة ولابد التغيير شيك عليها عند ورشة اذا هي تمشيك خلها فترة ليش تخسر فلوس على الفاضي وعلى نفضه عاديه وترى ياشباب لاتلومون الموتر يعني درجة الحرارة وين التوصل والمكيف منقطع قلبه يشبك ويفصل ودنيا يعني عادي اشياء طبيعية مثل هذي تطلع تراها سيارة بسيطة هوندا او حتى منهي في فئتها او اقل او اعلى شوي طبيعي


الخلاصة اللي بوصلها ان الهوندا نفضتها ملاحظة اكثر من غيرها يعني تحسها زايده شويتين وخاصة لما تشغل المكيف يعني ان اركبت وسقت اغلب موديلات الهوندا 2006 و2008 تنتفض اغلبها وكراسي مكينتها كويسة وبعضهم جديدة بعد بينما لو تسوق سيارة ثانية من فئة نفسها ونفس الموديل تحصلها اخف منها ف هذي اشوفها طبيعية في الهوندات


موفق


up 0 down 0
a.ibrahem 3220
قبل 4 شهر و 3 أسبوع



اخوي صالح انا للامانة ماني ميكانيكي

ولكن حسب كلام ميكانيكي اتعامل معه

ذكر لي ان الكراسي مع التكسر تزيد الخطورة ع الاجزاء السفلية

هي ماهي تتكي بالكامل عليها وهذا مستحيل كونها تظل مثبته

انما المقصد بيحصل ارتخاء

مع العلم كانت تطلع لي اصوات في القير وعند الحشوة اليمنى

اختفت تماما بعد تغيير الكراسي

والله يوفق


up 0 down 0
الراقي ~ 109
قبل 4 شهر و 3 أسبوع