أضف سؤال أو موضوع جديد          

هل مرت عليكم هذه الحالة ؟ ارتفاع مفاجيء لمؤشر دورة المحرك

up 11 down 3
nader2002 1625
قبل 7 شهر



السلام عليكم ورحمة الله وبركاته
إن شاء الله الجميع بخير وصحة وسلامة

عندنا اكورد 2007 كان فيها ضعف في التشغيل (دقة السلف ضعيفة) واستمر الحال سنوات الين ودع السلف
والسبب البطارية التركية الرديئة اللي سبق وحذرت منها بموضوع سابق واسمها هيلدين
من بعدها صارت دقة السلف ضعيفة وخربت دينمو بسيارة ثانية

فكينا السلف انا واخوي وركبنا سلف مستعمل اصلي من محل قطع بحراج الصواريخ ب80 ريال
واشتغل زي الحلاوة لأقل من شهر وبعدها ودع

فكينا سلف من سيارة ثانية شغال ودقة السلف من أفضل مايكون
لكن على طول يرتفع امبيردورة المكينة بشكل مفاجيء وتحن المكينة كأنه احد داعس بنزين
طفيت السيارة على طول اخاف المكينة تخبط لأنه الزيت ماامداه يتوزع وينتشر داخل المكينة
حتى سمعت صوت احتكاك

فماادري هل السيارة تحتاج لبرمجة معينة ؟ وش تشورون علي قبل مااوديها بسطحة للورش لأنها بعيدة عن الورش
مع العلم السيارة ممشاها 145 الف كم فقط

ودمتم بخير وصحة وسلامة.







إبلاغ إبلاغ


رابط تطبيق حراج للايفون



رابط تطبيق حراج للاندرويد (الجالكسي)



الردود


نادر العضو المخضرم صاحب الخبرة العريقه

و اللي اغلب مواضيعي و ردودي يجي يغلطني فيها

يجي يسأل عن شيء تافه مثل هذا

وش حصل بالدنيا يا ناس


up 0 down 15
ابراهيم 78 -97
قبل 7 شهر



انت تقصد اول م تشغل السياره تتحمى ؟؟
هذا طبيعي يترفع من 1600 الى 1700 لفه
اذا تقصد طول الوقت مرتفع نظف الثروتل بوابة الهوا


up 4 down 1
evil3000 69
قبل 7 شهر



هههههههههه متى قلت اني مخضرم خلينا الخضرمة لك
انا مااغلطك إلا بأشياء بديهية تجي انت تجادل فيها مثل زيت المكينة مايحتاج جدال وبعدها تجي تقول حاقد وكلام فاضي

وبعدين شي تافه بنظرك انت لأنك مريت بهالحالة لكن انا لا وممكن اعرف شي في السيارات انت ماتعرفه
مهو شرط تعرف أشياء ، تخليك تعرف كل شي بالسيارات لأنها بحر

تدور للعيب على الأقل فكيت السلف انا واخوي شوف الشي الايجابي في الموضوع ياحقود :)


up 12 down 3
nader2002 1625
قبل 7 شهر



لا يا evil3000

الامبير يرتفع فجأة كأنك داعس كامل الدعسة والسيارة ماامداها تحمى


up 2 down 1
nader2002 1625
قبل 7 شهر



هههههههه السلف ٣ مسامير كأنك مغير كفر

وش على بالك موضب مكينه جاي مبسوط

ناسي شكمانك حق الجمس ابو علاقه

تقول اسمع صوت ورى ولا كلفت على نفسك تتأكد

المشكله الجمس له سنين معكم و انت اللي رابطه هههههه


up 1 down 6
ابراهيم 78 -97
قبل 7 شهر



بوابة الهواء تم تنظيفها مع البخاخات في الوكالة قبل حوالي سنة لكن لازالت نظيفة لأن السيارة أغلب الوقت واقفة مااستعملها كثير


up 2 down 0
nader2002 1625
قبل 7 شهر



الحاله غريبه اذكر صارت معي مره كنت طالع من بنشر مغير زيت 

ومشيت شوي الا علقت الدعسه وارجع له ولقيت الخرقه

الي ينظف فيها وصلت للثروتل وصار معلق.

عموما شيك على الثروتل مافيه وصخ وشيك دعسه البنزين

لانها الكترونيه بسيارتك.. اخر العلاج الوكاله يمكن تحتاج برمجه




up 2 down 0
abdullah.ags 365
قبل 7 شهر



وين 3 مسامير ههههه اول شي تفك خرطوش فلتر الهواء وتفك بوابة الهواء وثلاجة المكينة وخراطيم وحالة
على بالك فاك سلف كرسيدا موديل 90 السلف محشور تحت هذي كلها والمكان ضيق

واذا على شكمان الجمس هذا موضوع قديم قبل 4 سنوات يعني لو واحد كان في الثانوية ذاك الوقت

كان امداه تخرج الحين من الجامعة يعني دورلك شي ثاني تعايرني فيه ولا انا اللي رابطه راعيه الاول هو اللي رابطه
ولا هو ظاهر مثل ماتقول واغلب الوقت الجمس واقف ولما نغير الزيت نغيره بأنفسنا ولا كان شفناه عند البنشري


up 2 down 0
nader2002 1625
قبل 7 شهر



جزاك الله خير اخوي عبدالله بشيك على البوابة وفعلاً الدعسة اللي عندي الكترونية
وحتى خرطوش الهواء راكب عليه حساس هواء بشيك عليه إذا يحتاج تنظيف


up 0 down 0
nader2002 1625
قبل 7 شهر



اوف اوف اوف

فكيت فلتر الهواء بنفسك

كم ساعه بالله جلست تفك فيه

هههههههههه على بالك إنجاز يعني


up 2 down 6
ابراهيم 78 -97
قبل 7 شهر



مااقول إلا الله يشفيك بس لما تلقى زلة صدق تعال عايرني الحين واضح من هو الحاقد يبو جل الشعر ههههه

فاكين 50 مسمار يقول 3 مسامير والمسامير كلها مصلبة لأنها شد بلد يبيلها واحد معضل ومع هذا فكيناها

طيب يبو هندسة ورينا توضيبك للمكينة بنفسك عشان نتعلم منك


up 6 down 0
nader2002 1625
قبل 7 شهر



هههههههه لو تعد مسامير الكبوت كلها ما جات ٥٠ مسمار

حلوه يبي لها واحدمعضل

اكبر مسمار او صاموله بالكبوت حجمها ما يجي نصف

صواميل الكفرات و طبيعي يكون اقل جهد بالفك

ههههههههه ما لقيت لك تصريفه


up 0 down 4
ابراهيم 78 -97
قبل 7 شهر



مشكله سباكين الصناعيه اذا تهاوشوا وقاموا يتنافسون بيناتهم والضحيه مواترنا هههههههههههه



up 2 down 4
d7ooom777 426
قبل 7 شهر



بالله ضف وجهك ياغثيث انا قلت 50 مسامر بشكل مجازي لأني ماعديتهم لكن مو ثلاث مساميرمثل ماتقول

ماانفكت المساميرأو الصواميل كلها إلا بعد ماشريت بعض المفكات من ساكو

صدقت ولا عساك لاتصدق وش رايك المرة الجاية تجي وقت الفك

لو مااقتنعت حضرتك بالتعب اللي تعبناه اعلق المفكات بخشمك هههههه


up 2 down 1
nader2002 1625
قبل 7 شهر



يادحوم من تقصد هههههه


up 1 down 0
nader2002 1625
قبل 7 شهر



مجرد تخمين

حساس الهواء او الثروتل يعلق يبغالهم تنظيف


up 2 down 0



تأكد لا تكون نسيت واحد من الليات مفصول.. ليات الهواء او حساس الهواء مفصول


up 4 down 0
king.king 825
قبل 7 شهر



يمكن حساس الهواء

اليوم كان عندي مشكله في الكرولا نفس مشكلتك و نظفت الحساس و غيرت فلتر الهواء و رجع طبيعي

ابراهيم ترى من قبل صارت عندي مشكله في سيارة و لا عرفت حلها و رحت لاكثر من ورشة ممتازه و معروفين

و لا احد عرف حلها الا واحد شايب كان زبون نصحني بشغله و سويتها و ضبطت و لا جت في بالي و لا على بال احد

شيء تافه هههههههههههه بس يجنن


up 4 down 1
bindakheel 935
قبل 7 شهر



بشيك على كل اللي ذكرتوه يااخوان وإن شاء الله راح انزل موضوع بخصوص حل المشكلة حتى يستفيد الجميع
جزاكم الله الف خير ياللي تحاولون تفيدون باللي تقدرون عليه وكثرالله من أمثالكم



up 3 down 0
nader2002 1625
قبل 7 شهر