نتعة في الغير الثالث أكورد 2011

كم ممشى السيارة ؟ وقد غيرته من قبل؟

هلا اخوي .... ممشى السيارة 133000 تقريبا .... غيرته أمس وما في فرق صراحة.... هل ممكن حساس؟

هل سبق غيرت الفلتر الخارجي لزيت القير

اذا ماسبق غيرته غيره بالمره لانه بيفرق معك بالتغييرات من تجربه (اتكلم عن اربعه سلندر)

الشي الثاني وش نوع الزيت (لازم هوندا اصلي)

الشي الثالث هل لمبة الدي تأشر معك (تومض) بشكل متواصل

وسلامتك ..

حصل لي مثل كذا لكن بالطبع في سيارة أخرى وليست هوندا
وبصراحة قلقت .. قلت: الله يستر ما يكون القير انتهى!
خاصة وأن النتعة قوية (تجي مع الغيار الثالث) فقط .. ولما يكون تسارع السيارة تدريجي لأني إذا دست بقوة ما أحس في النتعة!
طبعا السيارة ما مشت إلا 120 فقط وأنا محافظ عليها من ناحية الصيانة، طبعا عند غير الوكالة.
المهم رحت ورشة متخصصة وقال لي أفضل تروح وكالتها لأن عندهم أجهزة خاصة بفحص القير..
حجزت عند الوكالة، ودخلت السيارة ولما فحصوا القير
اتضح أن المشكلة بسيطة ومجرد مشكلة في (البرمجة) وما شاء الله انتهت المشكلة ورجع القيرزي أول.
طبعا القير "أوتوماتيك"..

غيرت زيت القير زيت هوندا الأصلي
وغيرت الفلتر . طبعا الفلتر حق الأكورد يجي من فوق. وغيرت فلتر الهوا حسيت انه السيارة صارت انعم في المشي بس للأسف المشكلة لا زالت موجودة. وبالنسبة لسؤال الأخ عبدالله عن ومضة اللمبة ؟ أي نعم ومضت اللمبة حوالي مرتين... هل ممكن تكون حساس قير؟

لو بفحص القير في الوكالة كم تكلف؟؟