الفرق بين اكورد 2017 فل جلد ومخمل افيدوني

معنا ٢٠١٣ جلد وتفرق عن المخمل الخرائط والجلد والكاميرا اتوقع وماوس للشاشة الفل مخمل مافيها ماوس 

وعليكم السلام ورحمة الله وبركاته

انت تشوف الفرق كبير في السعر
لكن لو تشتري هالفروقات من عبدالله هاشم قسم قطع الغيار بتصك ال30 الف ريال وانت تضحك أو بالأحرى تبكي :)

لا تحسب الشاشة والكامير الأصلية جودتها زي اللي موجودة في السوق مستحييل ولاهي بنفس المواصفات
القطع اللي تركبها هوندا من أجود القطع ولاتقارنها مع الشركات الثانية فما بالك تقارنها مع الغرابي ؟؟

اضف عندك الEXL اللي هي الفل الجلد فيها نظام المكيف الذكي بتحكم لمنطقتين
الEX الي هي فل مخمل فيها نظام المكيف بتحكم لمنطقتين بس ماهو ذكي غبي هههه بصراحة ماني عارف الفرق بينهم بالضبط
لكن ممكن تمر الوكالة وتتأكد اكثر واكيد الفرق لصالح الEXL

واضف كذلك عندك النظام الصوتي يختلف ، ال EX فيها 4 مكبرات صوت مع 2 تويتر من شركة بايونير
شركة بايونيراليابانية تصنع سماعات زوينة لكن ماهي افضل شي بالسوق من ناحية القوة مع نقاوة الصوت

الEXL فيها نظام صوتي مكون من 4 مكبرات صوت و2 تويتر ومضخم صوت (سبووفر) من شركة فوستراليابانية
والنظام الصوتي هذا من نفس الشركة مانزل إلا على 2017 فقط الموديلات السابقة كلها من بايونير

غير هالفروقات فيه بعض التفاصيل والرتوش ممكن تكتشفها مع الإستخدام في المستقبل
لأن الشركة ماتذكر كل التفاصيل في الكاتلوج الدعائي غيرانه وقت البيع الجلد مرغوبة اكثر ويعطي السيارة طابع الفخامة اكثر
وفيه ناس مؤمنة بأنه لايوجد سيارة فل بدون جلد !


انا لو مكانك راح ااقوم بالتالي وانت لك الحرية في القرار بما هو مناسب لك :

1- ادوراكورد فل جلد (EXL) خليجي من المعارض ارخص ممكن القاها حول ال100 الف
وإذا على سالفة الضمان انه عبدالله هاشم مايقبلها
فيه ناس اخذوا خليجي تواصلوا مع هوندا الشرق الأوسط وبعد مناحلة دخلها هاشم غصب
كل القصة انه وكيلها هنا يبيك تشتريها منه هووليس من المعارض عشان يربح منك
ولا جاري عنده بايلوت 2013 وارد قطري انتهى ضمانه وقالوا يقبلون فتح ملف صيانة
لكن لو ضمانه ماانتهى مايقبلون فتح ملف عشان ماتقدر تحاججهم بخصوص الضمان لو صارت مشكلة.

2- اوديها محل تلميع راقي يسوي إزالة للشوائب اللي على البوية
بصلصال مخصص لبدي السيارات يسمونه كلاي بار(CLAY BAR) صح السيارة جديدة
لكن لو تراقب خط سير السيارة من المصنع لين توصلك شهور وأحياناً تمر سنة تلصق فيها ذرات غبار وفضلات طيور
وزيوت أشجار ودخاخين مصانع وسيارات وتشكل طبقات اكسدة تتراكم مع الوقت وتعدم البوية واللكر.
ركز على المقطع من الدقيقة 14:30

https://www.youtube.com/watch?v=PFIGFGhiEow&t=21s

3 - اشتري لفة (رول) فيلم حماية الطلاء من شركة XPEL نوعية ULTIMATE بخاصية المعالجة الذاتيةب5400 ريال
واركبه لكامل السيارة من الصدام للصدام مع الشبك والشمعات ب2000 ريال وتسافر وانت متطمن .

https://www.youtube.com/watch?v=T6oEgfdwUU0&t=13s

4 - اشتري تظليل نانو سيراميك لكامل السيارة من شركة ريتك أقوى تظليل موجودة في السعودية
واركبه عند محل يكون خبرة وموثوق بسعر معقول :

https://haraj.com.sa/1120427843/لماذا_تدفع_3000_للتظليل_بينما_يمكنك_دفع_أقل

5 - البس فرش الأرضية بخامة ممتازة .

6 - اللون الخارجي يكون احمر عودي او كحلي او ذهبي ياسلام هذا حسب ذوقي واختياري لو كنت مكانك واستمتع بالحياة:)

الله يجزاك خير اخوي نادر

فعلا فيها مواصفات غير عن المخمل بس تعتبر اختلافات طفيفه

لكن انت تقول تحصل خليجي 100 الف وين هذي وبأي معرض احصلها لأني فريت المعارض وحصلت اقل شي 108 خليجي من غير الضريبه

آمين وياك ياغالي

بخصوص الخليجي الفل جلد هذا الكلام قبل فترة حوالي 3 شهور شفت خليجي جلد هنا بموقع حراج لكن نسيت اسم المعرض
وعنده الوان خارجية مختلفة بنفس السعر

لكن مازال فيه معارض تبيع بأسعار قريبة من ال100 الف ريال عندك كمثال معرض بهجة عسير عنده فل جلد (EXL)
لكن يبيع اللون الأبيض ب110 آلاف والفضي والرمادي ب104 آلاف والأزرق والذهبي ب103 آلاف
والأحمر ب102الف ريال والأسود ب101 الف ريال

https://haraj.com.sa/1129945925/_%D9%87%D9%88%D9%86%D8%AF%D8%A7_%D8%A7%D9%83%D9%88%D8%B1%D8%AF_%D9%81%D9%84_%D9%83%D8%A7%D9%85%D9%84_%D8%AC%D9%84%D8%AF_%D8%AE%D9%84%D9%8A%D8%AC%D9%8A2017/



ونفس المعرض عنده فل مخمل (EX) ب93 الف ريال بدون تحديد لون معين للسعر هذا :

https://haraj.com.sa/1129946333/_%D9%87%D9%88%D9%86%D8%AF%D8%A7_%D8%A7%D9%83%D9%88%D8%B1%D8%AF_%D9%81%D9%84_%D9%85%D8%AE%D9%85%D9%842017%D8%AE%D9%84%D9%8A%D8%AC%D9%8A_93000_%D8%B1%D9%8A%D8%A7%D9%84/


وفيه معارض تعلن إنها تبيع الفل جلد بأقل سعر بدون ذكر السعر ويقولك : السعر عند الإتصال !


ونسيت اقولك مبروك مقدماً والله يعطيك من خير الموتر ويصرف عنك شره وأحسنت بإختيارك للأكورد أفضل وأجود موتر بفئته
وياليت لو تاخذ بنصيحتي وتركب له فيلم حماية لأنك لو خليته عريان :) بتشوف انواع الأضرار يومياً على سطح السيارة

وتنغبن وتكره السيارة كل ابوها
تعال شوف اخوي عنده اكورد 2006 ومنغبن كل مايغسلها بنفسه يكتشف خدش جديد
آخر شي وداها محل تلميع احترافي وقال فيها اضرار على لكر البوية صار لين يمكن احد كب عليها بنزين او كلور
ترا فيه ناس مريضة ماترتاح لو شافت سيارة تلق لق لازم تسوي أذية
هذا غير خرابيش القطاوة وفضلات الطيور وانت بكرامة وعج الخطوط والغسيل الخاطيء والتلميع الخاطيء

تمنياتي لك بالتوفيق ولاتنسانا بدعوة طيبة وأي استفسار إضافي حاضرين

وعندك معرض اسمه الحميدي يبيع اكورد فئة (SP3.5) اللي هي 6 سلندر سبورت فل الفل ب111 الف ريال

واشوف السعر مغري صراحة مقارنة مع مواصفاتها وآخر خبري في سعرها في الوكالة كان تقريباً ب140 الف ريال

أهم ميزة فيها بالنسبة لي هي وجود نظام فرامل تخفيف قوة التصادم (CMBS)
بحيث لو انشغلت عن الطريق بسبب انك قاعد تطالع في لوحة محل او في المسجل الخ....
ووقفت السيارة اللي قدامك ،، سيارتك تفرمل اوتوماتيكياً

https://haraj.com.sa/1130035882/_%D9%87%D9%88%D9%86%D8%AF%D8%A7_%D8%A7%D9%83%D9%88%D8%B1%D8%AF_2017_6_%D8%B3%D9%84%D9%86%D8%AF%D8%B1%D9%81%D9%84_%D9%83%D8%A7%D9%85%D9%84%D8%A7%D8%B5%D9%81%D8%A7%D8%B1/