اسعار الهوندا اكورد 2018

فين رااااااااااااااايح ي عبدالله هاشم ،،،

و مصيبه اذا هالاسعار بدون الضريبه بعد الفل بتطق 145 الف ريال 

مثل ما توقعت الاستاندر على حدود ال١٠٠ الف
و لا فيها ذاك التوفير على انها مكينة تيربو و قير CVT
المفروض صرفيتها ٢٠ اواكثر !!!!!

مدري الشركات تفكيرها شاطح أو إحنا شغب مغفل

الناس بدأت توفر وتتجه للبدائل الاقل سعرا ووكالة عبدالله هاشم مزودة الاسعار 

وفعلا الاسعار مبالغ فيها والمكينة تربو والقير سي في تي

في أي نوع من التجارة إذا نزلت منتج جديد على السوق شي بديهي أنك تستهدف المستهلكين بعروض ورخص الاسعار اما سالفة تجيب شي جديد وتبي الناس تغامر بفلوسها وتجيك تركض ويشترون شي مايعرفونه لسواد عيونك !!!

وفيه بدائل كثيرة جدا ومجربة ولها سمعتها بسعر أقل بكثير

مثل كامري، مازدا ، سوناتا، كيا وغيرها الكثير

نفس سالفة اللكزس اول مانزل اغلب
الي انتم خابرينهم يهايطون فيه واخرتها
ماخذها بتأجير منتهي بالتمليك
لو لا الله ثم ذا التأجير كان تحصل
مع شاص مكسر
وبعدها بفتره شهرين نزل ٣٠%من سعره
الاكورد نفس الشيء شف سعرها الان
وشف سعرها برمضان اذا الله احيانا
بيرجع سعرها٨٠الى٨٥الف

اذا بذا السعر اخذ كامري فل قراني ب 122000 او سوناتا كلها شكل جديد وارخص وبعدين هو ينافس الفئة هذي رايح حاطلي اسعار اعلى بعدين اخذ كادينزا فل ولا افالون نص افضلي

سعرها مبالغ فيه ودخلت على فئة اكبر مثل الامبالا والماكسيما والتورس ومثل ماقال دحوم777 لو مافيه نظام تاجير وتقسيط
كانت الاسعار بخير لكن عندنا نصف الشعب للاسف يحط ديون على راسه عشان يهايط وبعدها يجيك يقلك الراتب مايكفي

خليها تصدي اغلى من سيارات 6 سلندر

تخيل اترك الكامري الفل كامل ٢٠١٨ الي سعرها ٩٤ الف 

واخذ اكورد استاندر !!!!! 

اسعار غير منافسه وراح تساهم في ندرة رؤية السياره بالشوارع .