الكذب والخداع في عدم ذكر الفئة الحقيقية للسيارة
12
5
لايمكنك التصويت حتى الحصول على 20 نقطة على الأقل
إضغط هنا للإخفاء
إضغط هنا للإخفاء
السلام عليكم ورحمة الله وبركاته
كيف أحوال الأعضاء إن شاء الله كلكم بصحة وعافية
لفت انتباهي في كل مرة أتصفح بموقع حراج هو الكذب في ذكر فئة السيارة الحقيقية
لو كانت لسيارة موديل قديم كان أهون ونقول راعيها اخذها مستعملة وهو كذلك مضحوك عليه
لكن موديل حديث صعب اصدق انه انضحك عليه ، ولكن اللي استغربه اكثر انه الناس تسوم وترفع السوم
بدون التأكد من فئة السيارة ويوصل السوم 100 و120 الف ريال وكأن الناس هذي لقت فلوسها بالشارع
عن نفسي مستحيل ادفع حتى 20 الف ريال لأي سيارة دون التأكد من فئتها عشان كذا اخذ الكاتلوج من الوكالة
وهو يحدد المواصفات بالتفصيل الممل حتى لو بشتريها مستعملة بالمستقبل
خذوا عندكم كمثال هذا الإعلان لسيارة هوندا اكورد 2017 يقول انها فل كامل لكنها نص فل LX
لأنه الفل كامل سواء جلد أو مخمل يجي فيها تعتيم في المراية الوسطية وكاميرا جانبية في المراية اليمين
الفروقات حسب الصور ولا فيه اختلافات ثانية مو مبينة في الصور مثل النظام الصوتي وغيره
المهم حذف ردي ورد واحد بعدي وقاعد يرفع السوم لحاله هههه
يقول بداية وقت الإعلان السوم 65 الف والحين 70 الف اخاف بعد ساعة تصير 80 الف
https://haraj.com.sa/1129116185
الهوندا اكورد ال2017 تجي بعدة فئات ، أقل فئة DX بعدها LX وبعدها EX وبعدها EXL وبعدها 3.5EX
والأعلى فئةً >> فل الفل 3.5SP
أتمنى من إدارة الموقع حذف كل إعلان لايذكر المواصفات الحقيقية للسيارة وبالتفصيل
حتى المعارض تعرض سيارات جديدة وتكتب مواصفات بديهية موجودة في الفل والاستاندر لا داعي لذكرها.
هذا موضوع بسيط حبيت اشارككم فيه
وبالتوفيق للجميع .
إبلاغ
الردود
المشكله مو بالاكورد المشكله بالسوناتا
الفل اتوقع يجي منه8فئات او اكثر كل وكيل وله مواصفاته
المهم الواحد اذا بيشتري لايركز على الفئه
ركز على المواصفات فقطططططططططططط
اذا المواصفات الي انت تبيها اخذها
واذا تبي مواصفات اكثر دور غيرها
المهم لاتركز بكلمة فل كامل
لان بعض الناس مثل ماقال بنز الفل عنده شاشه وفتحه
وكثير من الناس بالفخ يدور فل وهو اصلا مايعرف مواصفاتها
او ماهو محتاج للفل !!
باختصار دور مواصفات انت تحتاجها لاتدور فئة الفل لان هذي الفئه كل مورد يحط له مواصفات خاصه فيه
وكلمه اخيره الله يعز الامريكي مواصفاته موحده وفئاته موحده ومعروفه
موب مثل بعض الوكالات الفل اشكال وانواع ماتدري وين الفل هههههه
7
5
الفل اتوقع يجي منه8فئات او اكثر كل وكيل وله مواصفاته
المهم الواحد اذا بيشتري لايركز على الفئه
ركز على المواصفات فقطططططططططططط
اذا المواصفات الي انت تبيها اخذها
واذا تبي مواصفات اكثر دور غيرها
المهم لاتركز بكلمة فل كامل
لان بعض الناس مثل ماقال بنز الفل عنده شاشه وفتحه
وكثير من الناس بالفخ يدور فل وهو اصلا مايعرف مواصفاتها
او ماهو محتاج للفل !!
باختصار دور مواصفات انت تحتاجها لاتدور فئة الفل لان هذي الفئه كل مورد يحط له مواصفات خاصه فيه
وكلمه اخيره الله يعز الامريكي مواصفاته موحده وفئاته موحده ومعروفه
موب مثل بعض الوكالات الفل اشكال وانواع ماتدري وين الفل هههههه
7
5
بشكل عام المشاكل ذي سببها الوكلاء
في عام 2012 تقريبا رحت ل المجدوعي وكيل هونداي
كنت اسأل عن الازيرا الفل كامل وكانت موجوده في الصاله
الغريب كانت جنووط حديد وطيس
قلت له هذي ماهي الفل
قال لا هذي الفل
قلت له والجنوط؟
قالي هذا المتوفر وبعد 6 شهور راح تتغير الجنوط
طلعت الشغله لعب عشان فيها فتحة وجلد سماها فل كامل ويبيع للناس ان فل!!!!
10
0
في عام 2012 تقريبا رحت ل المجدوعي وكيل هونداي
كنت اسأل عن الازيرا الفل كامل وكانت موجوده في الصاله
الغريب كانت جنووط حديد وطيس
قلت له هذي ماهي الفل
قال لا هذي الفل
قلت له والجنوط؟
قالي هذا المتوفر وبعد 6 شهور راح تتغير الجنوط
طلعت الشغله لعب عشان فيها فتحة وجلد سماها فل كامل ويبيع للناس ان فل!!!!
10
0
مثل واحد يقول فل ماعدا بصمة ومقاعد جلد وفتحة ؟
4
1
4
1
هلا بكم ياغالين
أخوي بنز لوفر مستحيل يكون جهل من البائع والسيارة 2017 يعني أول مالك
وأول مالك مايرمي 90 الف أو 100 بدون مايتأكد من الفئة أو المواصفات لو موديل قديم نقول انه جاهل ممكن
أخوي دحوم أجل السوناتا بلشة ابعد عنها وريح راسك هههه
وأنا معك صح لو الزبون يركز على المواصفات قبل الفئة أريح له لكن يقرأ عن مواصفات الفئات قبل يكون أفضل
لكن ماني معك انه الأمريكي عز من هالناحية ، عندي كاتلوج تاهو 2016 قسم تضيع من كثر المواصفات الإختيارية هههه
أخوي asalami غريبة وكالة وتغش في المواصفات وش خلوا للشريطية
عبدالله هاشم صحيح مبالغ في أسعار سيارات الهوندا وقطعها ، لكن على الأقل يعطيك كاتلوج وورقة طابعها كأنها برنت
يختصر لك الفروقات بين كل فئة وفئة
لكن الجرأة في الكذب والغش بكل الأحوال سببه جهل الناس وماتبي تقرأ تبي تكشخ وبس
أي وكالة تدلس المفروض كل شخص يبلغ عليها مثل ماصار مع اكسترا قبل كم سنة وغيرها من الشركات أو على الأقل يقاطعهم
أخوي mfh2009 ترا أحياناً يكون قائل ذي الجملة صادق
العيب ببعض الأحيان يكون من الشركة المصنعة اللي تتوهك في المواصفات
مثلاً عندنا جمس يوكن 2003 1500 يسمونه أو 6 مسامير وهذا مواصفاته عد واغلط
مكينته 5300 سي سي ودبل وكراسي جلد ومسجل 6 سيديهات وأزرار بالدركسون وتسخين مقاعد وبلوتوث
ومرايات تنصفط كهرباء ناقصه حاجتين عن الفل فقط > فتحة سقف وشاشة سقف
هو مواصفاته بالمجمل فل بس ناقصه حاجتين
وعندي كاتلوج هوندا اكورد 2005 وارد قطر مذكور فيه انه فئة الEX V6 فيها 6 وسائد هواء قياسية
وال EX ال4 سلندر فيها 2 وسائد قياسية وال6 وسائد اختيارية
وعند عبدالله هاشم ال2005 مافيه إلا 2 وسائد فقط لكل الفئات
كذلك فتحة السقف ممكن تلقى فل كامل بدون فتحة لكن باقي المواصفات هي نفسها 100% > اتكلم على الخليجي
وقبل فترة شفت اكورد 2007 امريكية فل كامل بس قير عادي
لكن العيب على اللي يقول انها فل وهي شتان مابينها وبين الفل وهو يدري انه يكذب ويدلس
1
0
أخوي بنز لوفر مستحيل يكون جهل من البائع والسيارة 2017 يعني أول مالك
وأول مالك مايرمي 90 الف أو 100 بدون مايتأكد من الفئة أو المواصفات لو موديل قديم نقول انه جاهل ممكن
أخوي دحوم أجل السوناتا بلشة ابعد عنها وريح راسك هههه
وأنا معك صح لو الزبون يركز على المواصفات قبل الفئة أريح له لكن يقرأ عن مواصفات الفئات قبل يكون أفضل
لكن ماني معك انه الأمريكي عز من هالناحية ، عندي كاتلوج تاهو 2016 قسم تضيع من كثر المواصفات الإختيارية هههه
أخوي asalami غريبة وكالة وتغش في المواصفات وش خلوا للشريطية
عبدالله هاشم صحيح مبالغ في أسعار سيارات الهوندا وقطعها ، لكن على الأقل يعطيك كاتلوج وورقة طابعها كأنها برنت
يختصر لك الفروقات بين كل فئة وفئة
لكن الجرأة في الكذب والغش بكل الأحوال سببه جهل الناس وماتبي تقرأ تبي تكشخ وبس
أي وكالة تدلس المفروض كل شخص يبلغ عليها مثل ماصار مع اكسترا قبل كم سنة وغيرها من الشركات أو على الأقل يقاطعهم
أخوي mfh2009 ترا أحياناً يكون قائل ذي الجملة صادق
العيب ببعض الأحيان يكون من الشركة المصنعة اللي تتوهك في المواصفات
مثلاً عندنا جمس يوكن 2003 1500 يسمونه أو 6 مسامير وهذا مواصفاته عد واغلط
مكينته 5300 سي سي ودبل وكراسي جلد ومسجل 6 سيديهات وأزرار بالدركسون وتسخين مقاعد وبلوتوث
ومرايات تنصفط كهرباء ناقصه حاجتين عن الفل فقط > فتحة سقف وشاشة سقف
هو مواصفاته بالمجمل فل بس ناقصه حاجتين
وعندي كاتلوج هوندا اكورد 2005 وارد قطر مذكور فيه انه فئة الEX V6 فيها 6 وسائد هواء قياسية
وال EX ال4 سلندر فيها 2 وسائد قياسية وال6 وسائد اختيارية
وعند عبدالله هاشم ال2005 مافيه إلا 2 وسائد فقط لكل الفئات
كذلك فتحة السقف ممكن تلقى فل كامل بدون فتحة لكن باقي المواصفات هي نفسها 100% > اتكلم على الخليجي
وقبل فترة شفت اكورد 2007 امريكية فل كامل بس قير عادي
لكن العيب على اللي يقول انها فل وهي شتان مابينها وبين الفل وهو يدري انه يكذب ويدلس
1
0
انا لاحضت هذا الشيى حتى في المواتر الجديده مثلن عندك الالتيما فيه فئه تعتبر استندر مطور تفرق عن الاستندر الجنوط والمثبت ويمكن التشغيل عن بعد كم اعلان معرض اشوفه كاتب نص فل وهي مب نص فل وكذالك جيب المازدا 9 الشكل القديم بعضمه يكتب نص فل والوكيل الي عندنا ما اخبر ينزل الا فئتين ستاندر وفل كامل مدري عن الموصفات الخليجيه حتى في المازد 6 نفس الكلام
2
0
2
0
موضوع مهم وبالصميم أخوي نادر
لابد أن تكون لديك معلومات وافية وكافية عند شراء أي سيارة وأي فئة تريد شرائها حتى لو اضطر الأمر إنك تروح أكثر من معرض وتسوي مقارنات وتطلع بنتيجة إيجابية
3
0
لابد أن تكون لديك معلومات وافية وكافية عند شراء أي سيارة وأي فئة تريد شرائها حتى لو اضطر الأمر إنك تروح أكثر من معرض وتسوي مقارنات وتطلع بنتيجة إيجابية
3
0
زي ما قالو الشباب المشكله كلها من الوكلاء هي اسلوب ذكي
لهم بالتصريف مثل اذا شاف الاستاندر ما عليه طلب زاد له جنوط
وشاشه وقالو لك انه نص فل وعلى ذلحال شغالين ..
وعندك مثال الكورولا ٤ فئات استاندر - استاند مطور - نص فل
- فل كامل ... و اغلبيه الاعلانات الي في الموقع منزلين النص فل
وكاتبين فل كامل بدون فتحه !!!
ومع العلم الفروقات بين الاستاندر و المطور و النص فرق جداً بسيط
لكن الله كريم ..
2
1
لهم بالتصريف مثل اذا شاف الاستاندر ما عليه طلب زاد له جنوط
وشاشه وقالو لك انه نص فل وعلى ذلحال شغالين ..
وعندك مثال الكورولا ٤ فئات استاندر - استاند مطور - نص فل
- فل كامل ... و اغلبيه الاعلانات الي في الموقع منزلين النص فل
وكاتبين فل كامل بدون فتحه !!!
ومع العلم الفروقات بين الاستاندر و المطور و النص فرق جداً بسيط
لكن الله كريم ..
2
1
جد والله كيف اعرف فئة سيارتي ؟ عندي النترا
1
1
1
1
حياكم يااخوان
انا اتكلم عن النصابين اللي يبيعون مستعمل موديل حديث واحتمال 90 % انه نصاب ومدلس عند ذكره لفئة السيارة
الوكالات صح ممكن تدلس وتغش وبعد المعارض
لكن فيه سيارات مثل الهوندا اكورد فئاتها واضحة ومعروفة يجيك شخص بكل بجاحة يقول هذي فل كامل !
وبصراحة اذا فيه شركات سيارات واقصد الشركات الأم المصنعة للسيارات ماتذكر وتوضح بشكل دقيق
كل فئة ومواصفاتها بصراحة ماتستاهل الواحد يشتريها وخلها تصدي عندهم
وخصوصاً الكوري فعلاً تضيع فيه ، أخوي عمر الله يعينك فتش بكاتلوج السيارة اللي هو دليل المستخدم
ممكن تلقى معلومات تفصيلية
أو تدور على الكاتلوج الدعائي اللي توزعه الوكالات إذا كان سيارتك موديل السنة
اخوي >مجرد مشاركة اشكرك على الثناء جزاك الله خير
0
0
انا اتكلم عن النصابين اللي يبيعون مستعمل موديل حديث واحتمال 90 % انه نصاب ومدلس عند ذكره لفئة السيارة
الوكالات صح ممكن تدلس وتغش وبعد المعارض
لكن فيه سيارات مثل الهوندا اكورد فئاتها واضحة ومعروفة يجيك شخص بكل بجاحة يقول هذي فل كامل !
وبصراحة اذا فيه شركات سيارات واقصد الشركات الأم المصنعة للسيارات ماتذكر وتوضح بشكل دقيق
كل فئة ومواصفاتها بصراحة ماتستاهل الواحد يشتريها وخلها تصدي عندهم
وخصوصاً الكوري فعلاً تضيع فيه ، أخوي عمر الله يعينك فتش بكاتلوج السيارة اللي هو دليل المستخدم
ممكن تلقى معلومات تفصيلية
أو تدور على الكاتلوج الدعائي اللي توزعه الوكالات إذا كان سيارتك موديل السنة
اخوي >مجرد مشاركة اشكرك على الثناء جزاك الله خير
0
0
كثير احصلهم ف الموقع ان كتبت رد اني كفشتهه حذف الرد
والحين بعضهم صار ذكي شوي ويعطل الردود
1
0
والحين بعضهم صار ذكي شوي ويعطل الردود
1
0
مرة شفت اعلان صاحبه كاتب فل اوبشن, وهي استاندر واقل نوع. كلمته, قام يجادل و يهاوش. قلتله سيارتك اقل نوع وهي نفس سيارات الايجار والتكاسي وماتجي أصلا بمواصفات اقل من هذه وعطيته ارقام 3 إعلانات تثبت كلامي وتوضح المميزات وللأسف اخر شيء يقول حلالي وكيفي ههههه.
بالنسبة لسيارات هيونداي. السبب لأن في 3 وكلاء غير اللي في الخليج, وكل سنة تتغير المواصفات حتى لو انها نفس الجيل, وفوق هذا عندهم نظام دفعات كل دفعة تختلف, هذا غير تعديلات الوكيل تقليد ابو جميل, تحصل سيارات مركبلها شاشة و حساسات و انوار ليد محليا مو من المصنع!
نقطة اخيره, مافي شئ اسمه (نص فل) هذا مصطلح ما اعرف مين اخترعه! فل Full يعني كامل, وماينفع تقول نص كامل. كلمتين ضد بعض. يا انها فل اوبشن او مواصفات اساسية فقط. اي ميزة اضافية المفروض تذكر, او الشركة تنزل فئات بأسماءها, زي GL, S, LX
1
0
بالنسبة لسيارات هيونداي. السبب لأن في 3 وكلاء غير اللي في الخليج, وكل سنة تتغير المواصفات حتى لو انها نفس الجيل, وفوق هذا عندهم نظام دفعات كل دفعة تختلف, هذا غير تعديلات الوكيل تقليد ابو جميل, تحصل سيارات مركبلها شاشة و حساسات و انوار ليد محليا مو من المصنع!
نقطة اخيره, مافي شئ اسمه (نص فل) هذا مصطلح ما اعرف مين اخترعه! فل Full يعني كامل, وماينفع تقول نص كامل. كلمتين ضد بعض. يا انها فل اوبشن او مواصفات اساسية فقط. اي ميزة اضافية المفروض تذكر, او الشركة تنزل فئات بأسماءها, زي GL, S, LX
1
0
ياشيخ ماقهرني الا واحد عارض سيارته 2016 يقول فل كامل ههههههههههه
اطالع فيها قير تماتيك فقط
ولا شاشة ولامقاعد جلد ولافتحه ولاجنوط 18
كيف تقول فل على اي اساس
والادهى والامر مقفل التعليقات قفلوا راسه
1
0
اطالع فيها قير تماتيك فقط
ولا شاشة ولامقاعد جلد ولافتحه ولاجنوط 18
كيف تقول فل على اي اساس
والادهى والامر مقفل التعليقات قفلوا راسه
1
0
هلا فيكم أحبابي واعذروني على التأخر في الرد
الأدهى والأمر انه الإدارة ماتتفاعل معك لما تبلغ عن نصاب قاعد ينصب على الضعوف
ولاذولي الضعوف راضين يثقفون انفسهم يعني بكل بساطة يروح الوكالة ويطلب الكاتلوج الدعائي حق السيارة مايبيلها شي
او يسوي بحث في النت مع انه بحر وممكن يتوه لكن احسن من الغبنة
بإختصار الطاسة ضايعة مع هالخلق والله يعين
0
0
الأدهى والأمر انه الإدارة ماتتفاعل معك لما تبلغ عن نصاب قاعد ينصب على الضعوف
ولاذولي الضعوف راضين يثقفون انفسهم يعني بكل بساطة يروح الوكالة ويطلب الكاتلوج الدعائي حق السيارة مايبيلها شي
او يسوي بحث في النت مع انه بحر وممكن يتوه لكن احسن من الغبنة
بإختصار الطاسة ضايعة مع هالخلق والله يعين
0
0
قبل 6 سنه و 2 شهر