أضف سؤال أو موضوع جديد          

اكورد 2008 - 2012

up 0 down 0
برينسيزو 542
قبل 11 شهر و 2 أسبوع



السلام عليكم ..

ي أخوان انا أفكر بشراء أكورد 2008 - 2012 او كامري 2007 - 2011 وحدي 18 ..

لكني ارغب بالاكورد بحكم المواصفات والشكل وشايف اسعاره ارخص من الكامري الاوتوماتيك ..

بس كيف السياره ي اخوان بالنسبه للي جرب الموتر وكيف البنزين لان معاي ماركيز وحاب ابيعه و ما واجهت مشاكل بالبنزين لان مشاويري للجامعه فقط الا بعد غلاء البنزين ..

وما افكر فالسيارات الصغيره حالياً إلا اذا ماحصلت اللي ابيه والنظيف ..







إبلاغ إبلاغ


رابط تطبيق حراج للايفون



رابط تطبيق حراج للاندرويد (الجالكسي)



الردود


المشكلة ميزانيتك ضعيفة شوي بتلقى كامري ٢٠٠٨ او اكورد ولكن مكروفة وممشاها واجد حاول تزود قروشك شوي لل ٢٥ تلقى نظيف


up 3 down 1
benz lover -81
قبل 11 شهر و 2 أسبوع



عيبها فقط دودة الدركسون وخذ موتر مكده بالنسبه للصرفيه ما تصرف بنزين اقتصاديه


up 2 down 0
aliyy-2010 225
قبل 11 شهر و 2 أسبوع



لاتتهور وتبيع الفورد
الفورد يمشيك٥٠٠كم بالفل
الكامري نفس الشيء
الاكورد يمكن اكثر
لكن كلهم نفس مبلغ التفويل من٩٠الى١٠٠ ريال
بنزين ٩١ تانكيهن حول بعض
تبيع وتشتري سياره يبيلك تحط عليها مبلغ وقدره
صيانه ونقل وفحص ماتسوا عليك
وانت مشاويرك قليله
اتوق الزياده الي بتدفعها بالفورد ١٠٠ريال بالشهر
مقارنه بالاكورد والكامري الي راح توفرلك ال١٠٠
بحكم مشاويرك قليله
والفورد حاليا لو بتبيعها محد شاريها
بيكسرون قيمته تحنطه عند الباب احسن ههههه


up 0 down 1
d7ooom777 426
قبل 11 شهر و 2 أسبوع



اذا بعت الماركيز اللي عندك واشتريت موتر مستعمل 
اما تاخذ موديل حدث شوي ونظيف والا شوري عليك خلك على موترك 
لان ميزانيتك اللي معك حالياً ما تجيب لك الا سيارة صغيرة 
الا اذا تقدر تزووود المبلغ شويات يمكن تحصل مطلوبك وبشرط النظافة 



up 0 down 0
nasser1430 859
قبل 11 شهر و 2 أسبوع



** تعديل 
اما تاخذ موديل حديث .....


up 0 down 0
nasser1430 859
قبل 11 شهر و 2 أسبوع



خذلك اكورد 2010 علشان تكون ارخص لان 2010 الى 2012 نفس المواصفات السعودية *السعودية* سبيشل نفس المواصفات بس تبي فل كامل غالي والله

المهم اذا تبي تقلبه 2012 تقلب الشبك والفيبر الخلفي سلام سلام وتكون 2012 ولا عليها مخالفة لانها اساسا هوندا ما غيرتها لنوع ثاني

والصرفية اذكر كنت اعبي ب 55 ريال تقريبا هالايام يمكن 70 او 80 ريال فلها وتكفيك 700 كيلو والصرفية حلوة اذا دعستك هادية اما طيران او رجلك حارة الله يعينك ما تكفيك ولا 600 كيلو اتوقع وقطعها حلوه ما شاء الله خذتلي عكس ياباني من سنتين يمين ب 200 ريال وفحمات سيفيك 160 ريال مع الخرط 260 ريال وللحين على السيارة ولا تشتكي من شي

اللهم ان اللون يختلف حق 2012 القديمة 2010 وتحت تجي لؤلؤي بس الجديدة 2012 تجيك ابيض بياض الثوب


up 0 down 0
temo2016 -9
قبل 11 شهر و 2 أسبوع



بس بهالوقت الحالي ما انصحك الا بكيا ريو 2017 صح انها صغيرة بس بتعجبك


up 0 down 0
temo2016 -9
قبل 11 شهر و 2 أسبوع



الله يجزاكم خير ي اخوان ..

بالنسبه للفورد صرفت عليه 15 معاي من 6 سنوات ..

والان بدأت الخرابات وودي اتخلص منه ..

والمبلغ اللي معاي ممكن اوصله 20 ..

والله يرزقنا جميعاً ..


up 0 down 0
برينسيزو 542
قبل 11 شهر و أسبوع