أضف سؤال أو موضوع جديد          

سعة زيت محرك الاكورد 2013 وتجربتي معا زيت بترومين A1

up 7 down 2
سبحان الله 7787 159
قبل 6 شهر و 3 أسبوع



السلام عليكم ورحمة الله وبركاته
كيف حالكم يالغالين
الموضوع للفائدة العامة ونتثقف اكثر بسياراتنا
منها انك تحافظ على سيارتك وبنفس الوقت توفر قرشين في جيبك
بفتح معاكم موضوعنا عن الهوندا الاكورد كم تاخذ من علبة زيت معا سيفون
اغلبكم بيقول ٤ علب ونص تراه غلط
بضبط ٤ علب وربع معا السيفون وتراني ماخذها من كتالوج السيارة
وسألت موظف ميكانيكي بوكالة هوندا قالي اربع علب وربع معا سيفون
البناشر كلهم يقولون ٤ علب ونص
في حال انك تغيير زيت معا سيفون عند البنشري
ويبي يسوي فيها ان كلامه صحيح اول مايعبي ويخلص سحب العيار
وقالك شف تراه بضبط اصلن الزيت توه لسى مانزل كامل
الطريقة الصحيحة لمعايرة الزيت انك توقفها قبل ماتنام على سطح مستوي
واذا صحيت الصباح تشيك على مستوى زيت
نجي الان كيف توفر في مخباك فلوس
لما تمشي على غيار ٤ علب وربع
معاناتها بتغير ثلاث مرات بسعر اربع علب فقط
خامس غيار بتشتري علبه
والي يبي يوفر اكثر يشتري كرتون زيت ويغير عند بنشري موثوق
وتراك بتوفر مبلغ كبير مايستهان فيه غير ان العلب الي معك بتكون موثوقة المصدر
نجي لتجربتي معا زيت بترومين A1
كنت قبل اغير زيت عند الوكالة ودرجة لزوجته معروفة
5W30 بعدها سحبت على الوكاله لسعارهم المرتفعه وضيق الوقت
رحت للوكاله وشريت ٥ حبات سيفون (فلتر)زيت للمحرك ب١٦ريال للحبه

رحت عند بنشري ثقة وقلت بغير عنده سألته عندك زيت هوندا قالي موجود بس عندي
زيت ارخص منه وافضل منه قالي زيت بترومين A1
قالي زيت الهوندا نبيعه العلبة ب ٣٠ ريال
وزيت بترومين A1 ب ٢٥ ريال
فتحت النت وقريت عنه وأول مره اسمع عن زيوت التخليقية
وناس كثيرة تمدحه قلت توكلنا على الله وفتح الصرة الزيت
ونزلت معه وخذت من زيت الوكاله بيدي طبعا كانت
السيارة ماشية ٥٠٠٠ كيلو تقريبا على زيت الوكاله
وحطيت على اصبعي ومسحت واختفى على طول
انصدمت يعني مافيها دسومه اختفى من اصبعي مثل المويه ماحتجت منديل تخيلو
طبعا كان وقتها بالصيف والحرارة عالية جدا وخطوط ومشاوير كثيرة
بس ولو الزيت من الوكاله ومكلفني ٢٠٠ ريال وعليها قلت توبه ماغير عندهم
طبعا ملاحضة للجميع مايهم لون الزيت ياشباب بالعكس اذا صار غامق معاناتها انه ينظف الرواسب
والكربون بشكل ممتاز الطريقة الصحيحة لمعرفة عمر الزيت لزوجتة وبالعامية هل باقي دسم يعني يمسك بصبعك
المهم جبنا زيت بترومين A1
وعبينا اربع علب وربع وزيادة بسيط تقدر تقول وثلث
من شغلت السيارة حسيت بالفرق الكبير
المكينة ناعمه جدا من مسكت الطريق نعومه غير طبيعيه معا هذا الزيت
مشيت عليه ٥٠٠٠ كيلو ورحت لنفس البنشري ونزل زيت وخذت منه وفركت اصبعي
باقي دسم طبعا بعدها قمت امشي اكثر على زيت
يعني حدك معه ٦٠٠٠ الى ٦٥٠٠ كيلو وغيره
لو تشتري كرتون اتوقع العلبه بتطلع عليك اقل بكثير
اغلب البناشر يبيعونه ب ٤٠ ريال للعلبه
ولو تروح لبترومين نفسهم بيصدمونك بسعره
ويقولون انه يمشي ١٠٠٠٠ كيلو
طيب نجي للتكلفة الاجماليه علي غيار زيت
علبة زيت بترومين A1 زيت تخليقي كامل
ب٢٥ ريال
سيفون من الوكالة ب ١٦ ريال يزيد وينقص السعر
اول مره تغير خمس علب بقيمة ١٢٥ + ١٦ = ١٤٦ ريال
المرات الثلاث الي بعدها
اربع علب زيت ١٠٠ + ١٦ = ١١٦ ريال
زيت افضل من زيت الوكاله بمراحل لو تمشي عليه اكثر يتحمل واقل سعر وتحافظ على سيارتك
انا جالس افكر اني اشتري كرتون واغير عند البنشري
حصلت لي بنشري ممتاز قالي شغل يدي لغيار الزيت معا سيفون ب١٥ ريال
ياليت الي له تجارب معا هذا الزيت يفيدنا عشان نستفيد ونفيد الشباب









إبلاغ إبلاغ


رابط تطبيق حراج للايفون



رابط تطبيق حراج للاندرويد (الجالكسي)



الردود


الله يعطيك العافيه نفس طريقتي بالضبط موتري اكورد 2008 احط 4 علب وربع زيت بترومين A1 اخذ كرتون فيه 12 حبه ب 255الى 260 على حسب اسعار الموزع واخذ السيفون من الموزعين المعتمدين لقطع غيار هوندا ب 15 ريال واغير الزيت بنفسي اذا كنت فاضي واذا ماكنت فاضي اقرب بنشري يغيره ب 20 ريال


up 0 down 2
كارينو 539
قبل 6 شهر و 3 أسبوع



بعدين زيت بترومين تصنيفه جديد CN عكس زيت هوندا تصنيفة قديم شوي CM زيت بترومين افضل من زيت هوندا حسب المواصفات المكتوبه


up 1 down 1
كارينو 539
قبل 6 شهر و 3 أسبوع



انت وينك بالرياض اذا بالرياض دلني على مكان البنشري اللي يبيع علبة بترومين ب 25


up 1 down 1
ahamd9477 121
قبل 6 شهر و 3 أسبوع



لا والله بالشرقية يالغالي
والبنشري الي اغير عنده بهذا السعر هو الوحيد بمنطقتنا يغير بهذا السعر
وتوني سألت عند موزع عن قيمة الكرتون بترومين A1
قالي ب٢٦٠ريال فيه ١٢ علبة
ولو بحوس عند الموزعين بحصل اقل من هذا السعر


up 0 down 1
سبحان الله 7787 159
قبل 6 شهر و 3 أسبوع



ما فيه احسن من انك تشتغل بيدك ( تكسب خبره وتوفر فلوس ) .. بالنسبة لي اغير زيت المكينة والقير في البيت بادوات بسيطة جداً 
كل ما عليك بعد ما تذكر الله سبحانه وتعالى ثم تصلي وتسلم على خير من ولدت النساء انك تشتري الزيت المناسب والاصلي 
من مصدره الصحيح والسليم تجنباً عن المغشوش والمضروب وتاخذ فلتر زيت المكينة والهواء وفلتر القير من الوكالة
وبعدها تشمر عن ساعديك وتفك السره لين ينزل الزيت القديم على رووووواق وتنتظر ابو عشر دقائق وتقفل السره وبعدها تفك فلتر الزيت
القديم بكل سهولة وتركب الجديد وتصب الزيت الجديد وتعايره لا نقص ولا زود ... وتروح لاقرب مشحمه وتنظف فلتر هواء المكينة وتعطيها 
تنظيف هواء سريع سريع للمكينة واللي حواليها .

آخر مره غيرت الزيت امس ووفرت بدون مبالغة حدود 200 ريال .. فرق السعر وتغيير الزيت .. انا واهلي اولى بها .

دمتم بود 



up 2 down 2
nasser1430 858
قبل 6 شهر و 3 أسبوع



وعلى فكره زيت بترومين A1 تخليقي بالكامل لقيته بـ 22 او 23 من محلات بيع الجملة .


up 3 down 0
nasser1430 858
قبل 6 شهر و 3 أسبوع



صحيح كلام كارينو ... تو شيكت على زيت هوندا تخليقي 5W30 تصنيفه SM يعتبر قديم نوعاً ما 
بينما زيت بترومين A1 وموتركرافت وشل هيلكس تخليقية ونصف تخليقي او مخلوط تصنيفها SN احدث شيء 


up 3 down 1
nasser1430 858
قبل 6 شهر و 3 أسبوع



وهذا رابط تصنيف الزيوت من بداية عهد السيارات حتى يومنا هذا ... انسخ والصق 

https://goo.gl/images/qgoKeH


up 1 down 0
nasser1430 858
قبل 6 شهر و 3 أسبوع



ماشاءالله عليك ياكارينو وياناصر وصحيح الزيت تخليقي الفئة حقته SN
وترا الفرق بين زيت تصنيفة SM عن SN كبير ماهو بسيط
ومن جد الشغله ماتستاهل تروح لبنشري المفروض انت بيدك بس اغلب الناس الوقت ضيق معهم
ومتعودين على ورش غيار الزيت لقلة خبرتهم بالشغله وحنا نحاول نفيد اخواننا عشان يوفرون مبلغ مو بسيط



up 2 down 0
سبحان الله 7787 159
قبل 6 شهر و 3 أسبوع



والفائدة اكثر من ناحية الزيوت وبالارقام 
اضغط على عضويتي وان شاءالله تستفيد 
والله يوفق الجميع


up 1 down 1
عبدالله 711 768
قبل 6 شهر و 3 أسبوع



لكزس ES 2016
من يوم طلعتها وكاله ولله الحمد
وانا اشتري كرتون ب٢٥٥ ريال بترومين A1 تخليقي كامل
ومرتاح والله 
تصدقون تغيير الزيت مع السيفون في الوكاله بحدود ٨٥٠ ريال 
وعند بترومين ٤٥٠ ريال
لكن يوم اشتريته من الجمله بنفسي
يكلفني مع شغل يد البنشري بحدود ١٩٠ فقط ولله الحمد والمنه


up 1 down 1
ساري المفعول 83
قبل 6 شهر و 2 أسبوع



ماشاء الله تبارك الله 
يا ساري وانا اخوك لو تبدل الزيت والفلاتر بنفسك راح توفر اكثر واكثر باذن الله 


up 0 down 0
nasser1430 858
قبل 6 شهر و 2 أسبوع