هل تنصح في اكورد 2017 وعلى كم تكلفه القطع

لا قطعها غالية معروفة الاكورد اغلى من الكامري بكثير يعني دامك تفكر بالحوادث عليك بالتامين الشامل 

يارجل القطع غاليه في الموديلات القديمه من2012 وتحت وانا بنفسي سالت الوكاله كان معي 2015 والله قطعها ارخص من الكامري وروح بنفسك الوكاله واسال

نعم اسعارها قريبه من الكامري لكن ماهي متوفرة بكثرة قطع التويتا
والي يقول قطع الهوندا هذا شخص ماقد قارن قطعها بالتويتا

ياحبيبي كان معي كامري 2012 سبورت المساعد الامامي الواحد ب500 والاكورد 270 كلها وكاله وقطع الاكورد امريكي حتى موديل 2015 اللي تجميعه في الصين

الغالي من 2012 وتحت. اما من 2013 اسعارها ارخص

قيرها نفس قير الالتيما CVT و فرق عشر الاف ارخص
السيارات اللي بنفس القير هذا ما تفرق خذ الارخص
اكورد من ٢٠١٤ = التيما
كورولا ١٦ و ١٧ = نيسان سنترا = هوندا سيفيك
يارس ١٧ = اكسنت
هوندا CRV = نيسان اكستريل

عندي 2008 وقطعع الاستهلاكية ارخص من الكامري لكن قطع البودي لا ااعلم عنه

اذا جيبك وسيع خذها

اذا من النوع الا يالله يدبر قيمة البنزين ما انصحك خير شر فيها

واحد من اصحابي شرى اكورد 2013 فئة 6 سلندر سبورت اول مانزل الشكل الجديد ب 138 الف ريال
طبعا شاريها عشان التميز ويكون من اوائل الا اشتروها لكن عرف مع الأيام ان التميز ماراح يفيده بشي
اسعار قطعها كانك تبيع وتشتري في سيارات المانية فارهة اذا الوكيل بطل يعامل هوندا كماركة فارهة وقتها بقولك اشترى !
تخيل ان فلتر المكيف الكرتوني ب 250 ريال! واحيان يخفضوه ل 190 ريال
بواجي الأكورد 6 سلندر تكلفتها 870 ريال والــ 4 سلندر مو بعيدة ماعرف هذي بواجي والا مرصعة بذهب
بطانة الكفر الأمامي البلاستيكية ب 350 ريال
دينمو السيارة ب 4600 ريال
كراسي القير سألنا عنها بالوكالة قال في قطعتين الكبيرة ب 1200 و الصغيره ب 800
الكامري حتى ولو قطعها غالية فيه الف بديل لها بالسوق وبأسعار متفاوته
اما الأكورد بالكاد تحصل فلاتر وفحمات بالخارج

صح كلام اخوي اللي فوق انا معي 2011 ونفس الاسعار اللي قال عليها وتقريبا اعلى شوي من دون مبالغة بس لاتنسى انها 6 سلندر الاربعه تقريبا مقبولة اسعارها بس صدقني ماندمت عليها الحمدالله مرتاح فيها والله يباركلي فيها