هل اسعار قطع الاكورد غالية ؟ و قيرها اعتمادي ؟

قطع غيار مرتفعه
اما الراحه في الجلد مريحه كراسيها لكن ماجربت مطبها

قطع الغيار اعلى من غيره و في قطع سعر عادي
غير مريحة المراتب هذي معلومة معروفة
تكرف مكينتها تتحمل لكن موديل ١٥ و ١٦
صار في عيوب بالتجميع الصيني استبدال او اصلاح المكاين
و رجعت ١٧ تجميع امريكي
بيتغير شكلها ١٨ لكن مكينة تيربو و القير بيستمر CVT

و هو موجود من اول بالالتيما من 2008
و الماكسيما من 2010 و الكورولا 16 و اليارس 17
و بيستمر

و تطور يتحمل لكن عيبه الوحيد اذا خرب ما يتصلح
لازم يستبدل بالكامل

اذا بتجرب هذا القير استأجر اكسنت او كورولا جديد
و اذا بتشتري عندك الالتيما ارخص و اريح مركوب

و اذا ما تبيه شف قير معروف بالكامري مازدا 6 او سوناتا - اوبتيما

بالنسبة لقطع الغيار الاستهلاكية مقبول سعرها اغلى من المنافسين بشي بسيط

بالنسبة للمساعدات والعكوس مثل المنافسين

الدينمو والسيلف وبقية القطع الغير استهلاكية فعلا غالية

بالنسبة للقير الاوتوماتيك العادي عملي
اما CVT ماجربته لكن لقيت شخص متعطل على خط الرين معاه اكورد 15 او 16 اللي شبكها الامامي كبير وقفت له قال انه القير ضرب عليه وحقين السطحات مارضوا يجونه ويبي شخص يسحبه لأقرب منطقة فيها ورش
هل فيها عيب مصنعي ام انها كثيرة الاعطال ... الله اعلم
لكن الاكيد انها مو مثل القير الاوتوماتيك التقليدي من ناحية الجودة

وعليكم السلام 
اخوي من ناحية اسعار قطع الغيار ..من بعض مقارنات اسعار قطع غيار السيارات في النت  وبعض المجربين يقولون ان قطع غيارها تبقا ارخص من الكامري
ومن ناحية القير ما قد سمعت احد يشتكي من في الاكورد وخالي معه التيما 6 سلندر ما قد اشتكى وكلمته عنه ان الناس متخوفه منه وقال ما منه خوف وقعد يمدح فيه من ناحية الصرفيه والتسارع
وفي الغالب يعتمد على ميزانيتك انت روح الوكاله واسال عن اسعار قطع الغيار الاستهلاكيه والخارجيه والقطع المهمه
وبالنهايه ترى الاكورد سيارة من الاخر رساوه واعتماديه واهم شي استخير ربك واذا فيها خير بيسرها لك

السياره بشكل عام ممتازه 

لكن الاهتمام سوا بها او غيرها

القطع ارتفاع ملحوظ

والقير ماشي مافيه مشكله

المراتب قاسيه وادا تبيها تظبط تنجيد ومزود باسفنج وفالك الزبن

خليك في التيما 2017 طايحين فيها الشعب توفير بنزين وقطع رخيصه

اذا تبي تسأل عن قطع نادر ماتخرب الا من سوء استخدام او حادث لاسمح الله
فهي اكيد بتكون غاليه على هوندا او على غيرها الوكالات
بعطيك مثال على بعض القطع الاستهلاكية :
جلدة مساحات الزجاج الامامي ب ٤٦ ريال من الوكاله
سيفون حق زيت المكينه ب ١٨ ريال من الوكاله
الفحمات ب ٢٨٠ ريال من الوكاله
فلتر الهواء فوق ١٥٠ او حوله من الوكاله
فلتر المكيف ب ٢٧٠ تقريبا من الوكاله
عندك الدينمو حقها يتصلح وغير معقد مو شرط تشتريه جديد ونادر مايخرب
واذا خربت فحمات دينمو سهل تغييرها الكومبروسر حقها كلتش ويتصلح الكلتش لو خرب مو شرط تشتري جديد
واذا في بعض القطع غاليه غاليه الله يخلي التشاليح طب وتخير منها
وتبقى سيارة معروفه بين الناس بقلة خراباتها

بخصوص القير انا شفت مقاطع لها بالقير العادي 

لاكن ما ادري هل هي متوفره عند الوكيل او لا 

ياليت الي عنده علم يفيدنا 

من الاخير
سيارره عمليه لك ولزمن وقطع غيارها مقارنه بفئتها من السيارات الثانيه مناسب جدآ ومتوفر منه الاصلي الوكاله وكذلك الياباني بعد الوكاله وتراه ممتاز نفس الوكاله

عمي عنده اكورد ١٥ قير سي في تي ٤ سلندر (التجميع صيني) ماشاء الله تبارك الله الموتر ماشي الحين حول١٧٠ الف  مكيف ثلج والقير ومكينة تمام والقير من اعز مايكون والرجال راعي طريق توكل على الله الفرق ان القير السي في تي ان له زيت مخصص للسي في تي يعني مو اي زيت تحطه  واذا تبي موتر ثاني عندك الكامري امورها طيبة