أضف سؤال أو موضوع جديد          

نصائح مهمه بحكم التجربة اكورد من 2008 الى 2012

up 22 down 2



السلام عليكم ورحمة الله وبركاتة
انا حاب اكتب الموضوع عشان اغلب الشباب الي معهم اكورد من ٢٠٠٨ الى ٢٠١٢ يستفيد من تجربتي
كان معي اكورد ٢٠٠٨ ستاندر شاريها اصفار وشدت وماقصرت صبورة مشيت عليها يوم ابيعها ٢٣٠ الف تقريبا
المشاكل المعروفة بهذا الجيل من الاكورد :
١_ تهريب علبة الباور
٢_ رجة معا دعس الفرامل معا ردائة الفرامل بالصيف
٣_ الكهرب نادرا
المشاكل الي واجهتني :
١_ منظومة الدركسون بالاكورد كلها مشاكل
(( صوت بطرمبة )) الباور مثل الونه وش الحل
تنزل زيت الباور كامل وتعبيه من جديد وراح يختفي الصوت من تجربة
لايجيك عامل يقولك هذا صوت غير طرمبة الباور وتخسر غير الزيت وانت تفضي الزيت حرك دركسون على خفيف عشان تتأكد ان كل زيت طلع برا
(( تهريب واضح بطرمبة الباور ))<< اكثر شي يشتكون منها
الحل تشتري اصلاح من الوكالة نفسها تشوف لك عامل متمرس على الاكورد
لان اذا ماركبها مضبوط ماراح تطول وبترجع بغضون فترة قليلة
(( تهريب بدودة الدركسون )) جاتني بعد ممشى ١٧٠ الف
الحل لها تركيب اصلاح وانسى التهريب بعدها
٢_ منظومة الفرامل
من شريتها لين بعتها وهي ترج معا الفرمله
غيرت طقم هوبات جديدة وفحمات من الوكاله تجلس فترة وترجع ترج
الحل :
تشتري لك هوبات رياضية معا فحمات سيراميك
لاتخسر نفسك معا الوكاله
حاول انك تبحث عن نوع ممتاز وركب طقم امامي واذا عجبتك رقم طقم خلفي
انا اتوقع نوع الهوبات حقت الوكالة رديء جدا
ماتتحمل الحرارة وجودتها فاشلة
٣_منظومة الكهرب :
واجهتني مشاكل ان سيارة احيان وانا بالليل تطفي لمبات وتشتغل واحيان اذا هديت عند تقاطع تطفي
وانا ماسك خط تنتع وانا مسرع
وبالنهاية وش طلع (( اصابع البطارية ))
فتحت الكبوت حصلت الاصابع شكلها عادي قلت بفكها وبنظفها بموية حارة من الغلاية وبحكها بليفة حديد
وطلع منها مثل الكربون اسود وانظفها لين صارت فضيه وغيرت صواميل لانها ماتشد الاصابع مضبوط
ومن بعدها اختفت مشاكل الكهرب نهائي
واحيان تسوي هذي الحركة اذا البطارية ضعيفة
بس انت ابدا بالاسهل شيك الاصابع نظفهم مايحتاج يكون عليهم املاح واضحه فكها ونظفها
هذي المشاكل الي واجهتني بالاكورد
واتمنى من الي مجربين يحطون تجاربهم وحلول المشاكل الي مرو بها عشان يستفيدون الشباب
دمتم بخير .







إبلاغ إبلاغ


رابط تطبيق حراج للايفون



رابط تطبيق حراج للاندرويد (الجالكسي)



الردود


مشكلة هذا الجيل من الأكورد منظومة الدركسون وغير كذا ما شاء الله جودة وقوة وتحمل


up 2 down 0
aliyy-2010 225
قبل سنه



الله يعطيك العافية على النصائح بس سؤال :
يعني انت ركبت هوبات رياضية مع فحمات سيراميك
وانتهت المشكلة تماما ؟



up 0 down 0
نواف1420 255
قبل سنه



مشكلة علبة الباور حتى في الموديلات الاقدم 2003 وفوق يعني مشكلة ازلية للاكووووورد


مشكلة انطفاء السيارة فجأة .. هذي عامة بكل السيارات حصلت معي ماركيز 2000 كم مرة وفعلا نظفت اصابع البطارية وانتهت المشكلة.


up 1 down 0
fsam 217
قبل سنه




هلا بك نواف 1420
لا ماركبت هوبات رياضيه لاني كنت مقتنع بالوكاله لين خاب ظني بالهوبات فقط اما الباقي اشتر ولاتشاور
بس انصح انك تركب الرياضية لأن حقين الوكاله جربتهم مرارا وتكرارا من خرط هوبات وتركيب طقم جديد من هوبات وفحمات امامي وخلفي ولافي نتيجة
غير المخاسير والرجه الدائمة وضعف الفرملة بالصيف


طيب بغيت اسالك كم اسعار الاكورد 2008 و2009


up 0 down 1
zero 9 96
قبل سنه



سعر الاكورد 8 الى 9 بحدود 30 الف والنظيف ما يتعدى 35 الف


up 0 down 1
temo2016 -10
قبل سنه



طيب ي شباب كم أسعار ٢٠١١


up 0 down 0
نوبل 6961 -1
قبل 9 شهر و أسبوع