خرط الهوبات

يسار الصفحه فيه 3 مواضيع قديمه كلها تحذر من الخرط

ثاني شي انا ضد الخرط نهائيا ومسكت 3 مواتر اخر 5 سنوات ولا خرطت فيها ولامرة لعدة اسباب :

1- الخرط يضعف قوة كبح الفرامل .. شي طبيعي تحصل الفرامل ضعفت عندك بعد الخرط

2- يقلل من سماكه الهوب .. بإعتراف حقين الخرط انك اذا خرطت 3 مرات لازم تغير الهوب

3- مكائن الخرط غير دقيقه وممكن تخرط لك هوب اكثر من الثاني وتفسد قوة كبح الفرامل مثلا واحد يصير 70 % والثاني 30% وهذا يصل لاحتراق نظام ABS بأكمله

4- احتمال ينكسر او ينخدش الهوب خدش غير مرئي ومع الحراره يتطور لكسر والله يكون بعونك ويرحمك اذا انكسر عليك بعقبه مثلا وانت بأشد الحاجه للفرامل بذا اللحظه

5- لايوجد كتلوج أي موتر بالعالم ينصح بالخرط ؟؟؟ كلها من افترائات واختراعات سباكين الصناعيه علشان يلقون طريقه لسرقتك لا اكثر ولا اقل في كل الحالات هم المستفيدين لانك بتخرط وتخرب الهوب وبعد فتره بتركب واحد جديد

عندك حل بديل وهو مسح الهوب بورقه الصنفرة وتركيب فحمات اصليه وراح تكون معك رجه اول اسبوع ثم تختفي بعد ماتمسح الفحمات الجدد الهوب عندك بشكل كامل .. وكذا راح يعيش معك الهوب 10 سنوات بإذن الله لانه يتأكل ويستهلك بشكل طبيعي

لا تخرط أبدا
فقط أول ما تسمع صوت في الفرامل، يكون هذا الصوت عبارة عن تنبيه لك لتغيير القماش، إذا غيرت القماش خلال يوم يومين أو 100 كم أو 200 مو مشكلة، ولا تحتاج خرط هوب، لكن لو أهملته أسابيع وشهور قد ينعدم الهوب ويحتاج خرط، والهوب إذا أنخرط تقل جودة الفرامل لأن الهوب يوزع سخونة الفرامل ولكن إذا نقص يقل توزيع السخونة التي تحدث عن الفرملة

أذا كنت تغير الفحمات قبل لاتنتهي وقبل لايحك الحديد في الهوب لاتخرط الهوبات وبالنسبه لخرط الهوبات لو خرطتها بتكون قللت سمك وجوده الهوب في تشتيت حرارة احتكاك الفحمه مع الهوب وأكبر دليل كل الشركات ماوصت العميل بخرط الهوبات لكن هالعماله يفكرون في الماده ويجبرك على خرط الهوبات بتخويفك 

اهم شي عععععععععععععع

طيب.  انا الحقيقه.  سمعت الكلام هذا.   في القماشات الخلفيه.   انا ياطوال العمار.   رحت وخرطت هوبات 
وركبت قماش امامي اس ديلكو اصلي   والان ماشي عليها ٣٥٠٠٠ او ٤٠ وفيها نصف عمر 
وبعدين شريت خلفي اس ديلكو اصلي اصلي   ومشيت فقط من ١٥ الف وحول تنقص تزيد 
وللاسف. غيرتها ولقيت القماشات منتهيه
الاحتمالات.  القماش غير اصلي.  ابدا المحل موثوق وانا مشتريه بالرقم. اخر ٩٩٩.     
ف ممكن كان مصدي اووو.  المهم  اظن احيانا تحتاج خرط.        واحيانا لا حسب نظافه وسلاسة الهوب وخلوه من التعرجااات
وصلي الله وسلم وبارك على شفيعنا محمد. 

اللي اعرف 3 خرطات غير هوبات
لاكن نادر جدا احصل واحد يغير الهوبات
اما الخرط بديهي الميكانيك يقولك خرط هوب

انا عن نفسي جربت الخرط مرتين والثالثة خلال يومين ان شاء الله وتكون الاخيرة

طبعا يا شباب كنت اركب اقمشة من شركات ثانية
وندمت اشد الندم لانها عدمت لي الهوبات
كنت اشتري من شركات ثانية لان الاصلية غالية جدا في الوكالة ب ٣٤٠ ريال
اما الشركات الثانية ب ٧٠ و ٨٠ و ٨٥

بس بكرة راح اشتري فحمات اصلية ان شاء الله
وبخرط الهوب اخر مرة لان الحين الهوب مرة معدوم
لو ماشي بسرعة ١٠٠ وضغطت فرامل في رجة مرة قوية و اصوات

الصوت القمشات منتهيه
الهوبات تنخرط اذا رصت ماشي ودست فرامل يرتج السياره او الدركسون

خرط الهوبات فترة ويرجع مثل ماكان بعكس الهوب الجديد يخدمك سنوات قدام

اذا خرطت الهوب بترتفع حرارته وبتضعف الفرامل بسرعة 

وممكن تفقدها كليا اذا قدر الله . اذا الهوب متضرر بشكل كبير 

غيره لا تخرطة وغالبا ما يحتاج لانه مع الفحمات الجديده 

بيتم تساوي سطح الهوب مع الفحمات ممكن اول الف كيلو 

تصفير وصوت بسيط بعدين ترجع مثل اول 

طيب انا عندي اكورد 2007
وخرط الهوبات مريتن والثالثة مالي رغبة في الخرط
ابي اشتري هوبات امامية جديدة اصلية وكالة في احد عنده فكرة كم سعرها تقريبا يفيدني وجزاه الله خير

ألهوب جديد امامي الواحد646ريال 
الخلفي الواحد 470ريال 

طقم كامل امامي +خلفي 2232 ريال 

بعد الخصم  1786 ريال 

ذا لمديل 14 

مديل 7 اعتقد بيكون اقل 


تركي 1425

0 honda 2014
الف شكر لك

نواف 1420

العفو