أضف سؤال أو موضوع جديد          

مشكلة الاكوردتفتفة قوية واهتزاز المحرك مع ضعف العزم2014

up 3 down 1
sam7srt 97
قبل 3 شهر و أسبوع



السلام عليكم
عيدكم مبارك أعضاء منتدى حراج

عندي مشكلة من اسبوعين في الاكورد ستاندر٢٠١٤
تفتفة قوية ووعزم ضعيف  ورجة في المحرك 
شيكت على البخاخات مافيهم شئ ومبدل بلكات جديدة السيارة ماشية١٠٠الف
شو الحل شباب 







إبلاغ إبلاغ


رابط تطبيق حراج للايفون



رابط تطبيق حراج للاندرويد (الجالكسي)



الردود


شيك على البواجي
روح بنفسك تأكد ان الكويلات راكبه محلها

اذا راكبه افصلها كويل كويل وشوف السيارة تتغير ولا نفس ماهي

وشيك على اي ليي هواء واصل او خارج من المكينة

اي حساس حول المكينة تأكد من السلك حقه

حساس هواء
حساس بواية شيك على افياشها


up 3 down 0
ms3al 1329
قبل 3 شهر و أسبوع



أحتمال من الثروتل + فلتر هواء + بواجي + صفاية بنزين + حساس كرنك + حساس هواء + حساس الدعسه + كويلات


up 1 down 0
abdulaziz bin ateeq 93
قبل 3 شهر و أسبوع



البواجي مبدلة من قريب  فلتر الهواء مبدل وين حساس الدعسة والكرنك


up 1 down 0
sam7srt 97
قبل 3 شهر و أسبوع



تأكد من حساس الهوا الي راكب في علبة فلتر الهوا


up 0 down 0
النمر606 98
قبل 3 شهر و أسبوع



تأكد من الكويلات اللي تركب فوق البوجي وعشان تعرف اذا كانت هي افصل كل كويل والسيارة شغالة اذا فصلت كويل وماتغير الصوت فهذا الكويل خربان 

شيك على حساس الهوا اللي فالقربة ترا له اهمية ويسبب تفتفه 


up 0 down 0
ابو حسين.......... 373
قبل 3 شهر و أسبوع



الافضل افحص كمبيوتر عشان تتأكد ومو شرط لمبة المكينة تولع


up 2 down 0
ابو حسين.......... 373
قبل 3 شهر و أسبوع



لمبة المكينة مو ولعانة هل البترول له تأثير انا أعبي ٩١


up 0 down 0
sam7srt 97
قبل 3 شهر و أسبوع



احتمالات التفتفه كثيرة لكن احتمال احد الكويلات ضرب او فيه تهريب كهرباء 
افحصه بنفسك ولا تحتاج كمبيوتر ولا شيء .. بمجرد تفصل الكويل عن البوجي 
اذا المكينة هادية ولا تتفتف ولا ترج اعرف ان الكويل خربان .
أما اذا صارت المكينة تتفتف وترجف معناته الكويل ذا ممتاز ولا فيه شيء 

وفيه احتمال بسيط ان صفاية البنزين يبيلها تغيير مليانه وسخ واتربه .


up 0 down 0
nasser1430 606
قبل 3 شهر و أسبوع



وكذلك افحص حساس البوابة ( الثروتل بودي ) وحساس الهواء اللي يجي قبله 
ممكن يبيله تنظيف .. والانتيك حقهم ( الهوز الكبير ) اللي يوصل من قربة الهواء 
الى المكينة يمكن يكون فيه شق او مقطوع .. صارت لاحد اخوياي .


up 0 down 0
nasser1430 606
قبل 3 شهر و أسبوع



مو شرط لمبة المكينة والعه

في اكواد تتجل في الكمبيوتر على انها تنبيه
التنبيه ما يشغل لمبة المكينة
وفي اكواد تتسجل على انها تحذير
هذي تولع لك لمبة المكينة


الاشياء الي استبعدها
الثروتل
لكن شوف الافياش الي راكبه فيه
او الحساسات الي حوله يكون سلك مفصول سلك متحرك
فأنت شيك الليات والاسلاك

لكن برضه اقول لك شيك على الكويلات من جهة البواجي وشيك عليها من جهة الديلكو
يمكن تحرك ولا شي


up 0 down 0
ms3al 1329
قبل 3 شهر و أسبوع



حساس الكرنك اتوقع اللي يسويه يخلي السيارة تتاخر في التشغيل او ماتشتغل وزي كذا ماله دخل بالعزم


up 0 down 0
فيصل طلال... 156
قبل 3 شهر و أسبوع



وحتى لو البواجي مركبه قريب تاكد يمكن واحد منها مرتخي او ماكان راكب صح او كان مشدود قوه لدرجة ينكسر بعد فترة على طول لان اذا تركب البوجي ماتشد عليه مره


up 0 down 0
فيصل طلال... 156
قبل 3 شهر و أسبوع



المهم رح افحصها كمبيوتر بالصناعيه واذا ماطلع بالفحص ماتعطيه فلوس لكن راح يطلع واذا طلع تعطيه 50 ريال وتفك نفسك وتعرف وش المشكلة


up 0 down 0
فيصل طلال... 156
قبل 3 شهر و أسبوع



والكويلات مافيهم شيء اساسا الكويل مايتبدل الا اذا السيارة قديمة مره او جاه مويه والتماس وامور زي كذا فانت افحص واعرف وش الوضع اول


up 0 down 0
فيصل طلال... 156
قبل 3 شهر و أسبوع



مشكورين جميع الأخوان الي بادروا في حل المشكلة وتصدقوا طلعت المشكلة  من البترول ٩١لي سنتينكنت اعبي٩٥وقبل سنة حولتل٩١وماظهرت عندي اي مشكلة في السيارة الى من اسبوعين وبعد تفكير بديت بالحلول السهلة مشيت اين صفرت ورحت عبيتها ٩٥ومشيت خط١٠٠كيلو تقريبا وقبل ساعة جميع اعراض التفتفة والضعف اختفوا 


up 0 down 0
sam7srt 97
قبل 3 شهر و أسبوع



اخوي شكلك معبي من محطة خزاناتها ماهي نظيفة كثيرة الشوائب والاوساخ نصيحة عبي من محطات موثوقة فقط وامورك بالسليم


up 0 down 0
benz lover 40
قبل 3 شهر و أسبوع