كم سعر الهوندا الاكورد 2015 استاندر

والله اشوف ممشها واجد كارف ام امها ذا الرجال 140 الف في سنتين ذا لف حول المملكة 3 مرات

هذي حقها العادل 35 الف او قريب منها 40 الف غير كذا كثير

شااحط ام الاكورد بالشهر يمكن يمشي 5 الاف وزود 


ماشيه كثير 140 الف و 2015 !!

يعني فالسنه 70 الف 

حقها حول 40 الف او 45 الف 
حسب النظافه 

ما عليك من الممشئ اهمشي نظافة السيارة والمحركات

انا معي هايلوكس 2016.. لهاا سنه ونص معي ماشية 90 الف

بحكم دوامي 100 كيلو يومياااا ومشاويري هنااا وهنااااااك

اخوي (جاي امس) انت بتقول له على سيارتك هايلكوس
الهايلوكس سيارة استخدام شاق عمل يعني يشيل عليها وروح ويجي
اذا سيارتك ماشية 90 الف في سنة انا اشوف هذا شي طبيعي بحكم انها سيارة استخدام شاق

اما الاكور سيارة استخدام داخل المدينة يعني تروح تقضي مشاوير وحقل عملك وبس و حق سفرات

بس هذي السيارة ماشية واااجد ونا خوك وبس هذا اللي عندي

معروفه الاكورد حقت خطوط دايم القى بالاعلانات ممشى كثير
على موديلات جديدة

الاكورد 2015 صناعة صينيه وطلعت فيها مشاكل استدعاء
افضل شي تاخذ 2016 او2014 امريكيه

شف لك ٢٠١٤ دور و بتلاقي النظيف وممشى حلو إن شاء الله 

نصيحه ابعد عنها ودور بديل اولا العزل الارضي سيء بقوة وثانيا صناعه صينيه وعيوبها كثير

في سوء فهم عند الشباب
الاستدعاء مو عشان السياره صينيه
حتى في امريكا السيارات الامريكيه تم استدعائها
الاستدعاء كان ل سيارات 
-اكورد ٢٠١٤  اللي صنعت بتاريخ ٢٩ يوليو ٢٠١٤ الى ٣١ يوليو ٢٠١٤
- اكورد ٢٠١٥ اللي صنعت بتاريخ ١٤ اغسطس ٢٠١٤ الى ٣٠ يناير ٢٠١٥
 بالاضافه الى جيب هوندا سي ار في اللي صنعت من تاريخ ٩ سبتمبر ٢٠١٤ الى ٦ فبراير ٢٠١٥








الخلل كان في ربط بعض مسامير المحرك
المفترض كان لها قوة شد معين بجهاز معين لكن كان في خلل في عملية الشد
بالتالي تم الاستدعاء لانه قد يكون هناك تصلب في المحرك ويؤدي الى تعطله او تهريب زيت للخارج ومع حرارة المحرك قد يسبب احتراق




هوندا صرحت انه ماكان في اي اصابات او حوادث نتيجة الخلل




الرابط باللغه الانجليزيه لمزيد من التفاصيل




https://www.edmunds.com/car-news/2015-honda-cr-v-2014-15-accord-recalled-to-replace-engine-short-block.html