حل مشكلة جير الاكورد - جميع الموديلات

8 5

لايمكنك التصويت حتى الحصول على 20 نقطة على الأقل
إضغط هنا للإخفاء

ابوعبدالله400 140
قبل 7 سنه و 7 شهر

السلام عليكم .. 

حبيت افيدكم اخواني بما حصل معي بالسياره خلال الاسبوعين الماضيه خسرت وتعبت بس الحمدلله طلعت بنتيجه لازم افيدكم فيها وهذي أمانه لابد نقلها 
قبل اسبوعين تقريباً ، رحت مشوار طويل بسيارتي هوندا اكورد ٢٠٠٥ اوتوماتيك وكنت ماشي علي الدي ٣ ونسيته مشوار طويل جدا وطبيت في حفر وكذا وتسببت في مشكله بالقير 

صارت السياره امشي عليها كم كيلو وترجع تفصل وتصير بالفاضي 
واطفي واشغل السياره وتمشي شويه وتفصل وتصير كانها بالفاضي 
المهم اذا طفيت وشغلت ترجع طبيعي لمسافة وثم تفصل 

وفحصت السياره واشم لي ريحه حررق ، قلت هذا اكيد الزيت ، ورحت غيرته اصلي ومانفع !!
وتطورت المشكله الى ان صارت ماتمشي الا نص كيلو وتفصل واسمع صوت قربعه في القير وكذا ، قلت هذا القير مخبط ، ومريت علي بعض المهندسين واكدو كلامي ان القير ضرب 
ورحت شريت قير من التشليح وركبته وشغلت سيارتي نفس المشكله بالضبط اضافه الى انها صارت ماعاد تعشق ريوس 
لدرجة اني مسكت العامل قلت انت ماغيرت القير كذبت علي - قال روح اكشف وشوف - الله يسامحني طلع العامل صادق غير القير وكل شي تمام ،، 
اتصلت على الشخص الي اخذت منه القير قال هذا ممكن يكون عندك حساس ابو ٦ مسامير لكن برسل لك واحد . وفعلا انتظرته ٣ ايام وارسله وركبته مافيه فايده 


تركت السياره كم يوم من الطفش واخر شي وديتها عند واحد يفحصها كمبيوتر متخصص وفاهم ، كشف عليها في اقل من دقيقتين قال عندك مشكله بالظفيره 
قلت هيا خذ المفتاح وشوف لها حل وبكره بجيك قال تم .. 
بعد يومين اتصل علي قال سيارتك جاهزه 

ورحت له الورشه وانا غير مصدق ، وجربت السياره ماشاء الله مثل ماكانت بدون اي مشكله الحمدلله 

العبره / ان القيور مستحيل تخرب مهما حصل لها انما اكثر مشاكل السيارات هي كهرباء 
لا تتسرع بتغيير القير الا بعد التاكد والفحص عند اكثر من شخص 

الي حصل الان عندي القير القديم عرضته للبيع بحكم انه سليم ومافيه اي مشكله ، وجاء شخص واشتراه من عندي وسولفت انا وياه وعلمته بمشكلتي كامله قال انا متاكد ان سيارتي مشكلتها بالقير قلت خلاص وعطيته القير 
واتصل علي اليوم يقول ركبنا القير ومازلت نفس المشكله مُستمره ودليته على الورشه الي صلحت عنده ، وبانتظر ايش يصير معاه واعطيكم خبر للعلم والافاده 

ولاتنسوني بالدعاء 



...

إبلاغ

الردود