مقارنه بسيطه عشان نعرف افضل سياره شبابيه متوسطه السعر 70 80

7 6

لايمكنك التصويت حتى الحصول على 20 نقطة على الأقل
إضغط هنا للإخفاء

البطش 3583
قبل 11 سنه و 7 شهر

صباح الخير ومساء الخير يا حلووووين طبعا كل واحد فينا اذا اراد ان يشتري سياره بعضنا يهمه السرعه وبعضنا يهمه الشكل ومو بعضنا الا حنافي البلد اغلبهم ينقسمون الى ها القسمين سرعه وشكل لكن الواحد ما يدور على عناصر السلامه والتحمل والقدره والجوده وطول العمر ولا اظن ان ها العناصر كلها راح تتوفر في سياره لانه ما فيه شئ يكمل حلاه وخاصه في حدود ها السعر وطبعا السيارات الموجوده في ها السعر وشبابيه ما فيه الا مكسيما او كامري او لومينا او هوندا اكورد نبداء في المكسيما راعي طويله صح لكن كله للفايده
جميعا يعلم ان المكسيما خطره وسياره سريعه وفي الغالب هي عباره عن قنبله لها مده زمنيه معينه وتنفجر ولانها يكفي انه معطينها مكينه السياره نفسها ماتقدر تتحملها وهذا يؤدي الى عدم ((رساوه الموتر على الخط)) في ها السرعه ولا ننسى بعد انها حقت تفحيط يعني تعرضها للسرقه مؤكد والي مو مقنع يروح لي مرور الرياض ويشوف كم مكسيما راحت عدام وللتشليح في يعني لو جتني بلاش بعتها ولا سقتهاولاننسى بعد انها تصرف بانزين كثير وسعه خزان الوقود حقها 18.5 جالون طبعا فيه في المكسيما مميزات حلوه داخلها ..

الكامري كانت سياره حلوه وخاصه في صرفيه البانزين لكن الحين اخر موديلات الكامري صارت تصرف اكثر من اول وزاد نسبه صرفها فيعني سعه خزان الوقود 18.5 جالون والي ما يعرف كم الجالون نصيحتي لا يسوق سياره ولا ننسى بعد ان الكامري حقت تفحيط تفحيط يعني الي في امه خير وعنده كامري يخلي سيارته برا وخاصه اذا صار ساكن في حي الشفا مع ان لها شعبيه كبيره في امريكا لكن طبعا الكامري الي عندهم غير الي عندنا ومش خشمك اذا كنت راح تتوقع عبد اللطيف جميل يجب لنا مثل حقت امريكا...

ام الومينا في سياره حلوه اول ماطلعت لكن البلاوي الي جت بعد ماطلعت كثير وخاصه عيوب في التصنيع لانها تجميع استرالي وعلى فكره الومينا من اول ما نزلت الشكل الجديد هي والكابرس 98 الي يومكم مانزلت في امريكا وهي غير موجوده كل السيارتين في امريكا واعتبروني غبي لكن وش معنا جتنا حنا ولا راحت لامريكا مع انها سياره امريكيه الي بيقول لي عشان يمشون سوقها هذا مشاء الله عليه ذكي مره يكفي ان الومينا ان الدركسون حقها كان على اليمين ثمن بدلوه وصار على اليسار برضو الكابرس وزي ماقلت لكم انه النوع الجديد منها غير موجود با امريكا واكيد عشان السياره فيها بلاء وهو الاكيد ويكفي الكلام والا ستدعاء الي يكتبونه في الجريده لها في كل سنه لكل موديل وهذي جريده الاقتصاديه كاتبه بعنوان((جنرال تستدعي كابريس ولومينا)) وذالك على موديلات 2000 2001 بتاريخ الاثنين8 جمادى الاخره 1422 العدد 2878 وطبعا مجنون بيحكي وعاقل يسمع يعني مسوين استعداء وكاتبين خلال بسيط ما ياخذ 5 دقايق ((يلعبون علينا)) لاقين مخفات ومع ان شكلها حلو الا انها عيبها التصنيع وطبعا تصرف بانزين كثير وسع خزان الوقود 18.5 جالون ويوجد بعض من الحركات الحلوه داخل سيارة الومينا..

ونجي اخير للهوندا وانا صراحه اجد ان الهوندا توفر جميع المميزات الحلوه الا انه لها عيب بسيط قطع الغيار يعني فيها فرق سعر شوي عن الكامري يعني الكامري مو ارخص لكن اقل شوي ام الومينا والمكسيما قطع غيارها في نفس حدود الهوندا يمكن في بعض الاشياء تزود فرق بسيط بس يكفي ان الهوندا تمسك سعرها وانها اقوى قير ياباني في اليابان وحنا نعرف الهوندا اكورد من موديلات 84 على ما اعتقد يعني عمر وسمعه طويله وفي ها الموديل نزلت هوندا اكورد الطبلون الكتروني وهي اول سياره يابانيه تسوي كذا وغير ان موديل 2001 وضعو فيه عناصر كثيره من السلامه وخاصه الاكياس الهوائيه اماميه مزدوجه المرحله والعتبه والتي تقوم بتعديل قوه الانتفاخ حسب شده الصدمه واستعمال حزام الامان وغير انه يوجد نوع من الااستشعار في نوع 6 سلندر من اكورد يمنع الوسائد الهوائيه الجانبيه من العمل اذا كان هناك طفل او شخص صغير موجود في مواجهه الوساده وغير المميزات الاخرى داخل السياره وغير مسجلها الي يعتبر اقوى مسجل وسمعات من اي سياره ثانيه لان هوندا تتعامل مع بايونير للمسجلات وهي اقوى شركه يابانيه واذا ما صدقت سير على البطحاء او اي محل استريو واساله عن البايونير بعد مع اني ما اتوقع انك بتلقاه في كل المحلات لانه غالي عموما وفيه نوع الكوبيه من هوندا فيه نظام جديد الكترومي للتحكم باحتكاك الاطارات((الكفرات)) بسطح الارض طبعا وغير انها ما تصرف بانزين وسعه خزانها 17.2 جالون وهوندا تعتبر شركه مذهله من جميع نواحيها من السيارات الى الدبابات فا طبعا تستحق اكورد على ها المميزات انها تكون افضل سياره لعام 2001و2002وانها خففت من الضجيج و الاهتزاز الي يصير في السياره عند السرعه واصبح افضل واحسن من اول وغيره من المميزات وانها تعتبر من السيارت المرغوبه جدا جدا با امريكا ولها شعبيه كثيره وفيه انواع ما تجينا هينا منها نوع اكيورا وصار ينافس السيارت الفخمه طبعا ها النوع افخم من الا ليجند... وطبعا في اختلاف في شكلها الجديد هوندااكورد 2001 عن 2002 لكن مو فرق كبير لكن تحسنت وتطورت لل افضل..

واشكر لكم متابعتكم لي موضوعي وطبعا كل هدفي خدمتكم وفيه اشياء واجد ما ذكرتها عن مميزات هاالسيارت لكن انشاء الله اني ذكرت الاهم عشان مايصير الموضوع اطول من كذا وهذي بعض الصور لي هوندا..وبصراحه شركه هوندا بالذات تستحق موضوع اطول من كذا لانها بصراحه شركه متميزه في جميع المجالات وتستحق سيارتها انها تكون الا فضل بين السيارت المتوسطه غير السيارت الفخمه الي تملكها عاد انتو شوفو اكورا واحكموووو ..

وفي الاخير عندي لكم سؤال هل قد شفتو هوندا اكورد منقلبه ولا محروقه مثل لومينا او مكسيما او الكامري واذا كان فيه هل بكثرت ها الثلاث السيارات الي قلت؟؟؟؟؟؟؟؟؟؟؟؟؟؟؟؟ http://www.honda2001.com/models/accord_sedan/photos.html http://www.honda2001.com/models/accord_coupe/photos.htm http://www.acura.com/model_rl/rl_gallery.asp <IMG SRC="cwm7.gif"

إبلاغ

الردود