صيانة ال200الف

ما شاء الله تبارك الله

تعتمد الصيانة عادة على مستخدم السيارة ، ومدى محافظته واهتمامه بالصيانات الدورية

لكن إن كنت من قبل لم تعمل هذه الصيانات من فترة قريبة يفضل عملها :

تغيير ماء الرديتر بماء مخلوط بإيثيلين جليكول متوافق مع سيارتك وتغيير غطاء الرديتر لأنه قد يكون عرضة للعطل في أي لحظة بعد 200 ألف

تغيير شمعات الإشعال أو البواجي وتكون الأصلية ليزر أو بما يوفره الوكيل

تغيير فلتر البنزين ووضع محلول تنظيف دورة الوقود بعد الفلتر

تغيير فلتر المكيف والهواء

التأكد من أن محستوى محلول البطارية على الخط العلوي

التأكد من توصيلات دورة التبريد كاملة وعدم وجود أي تهريب

التحقق من الصوف وأسفل المكينة والقير للتحقق منةعدم وجود تهريبات

تغيير زيت القير مع الفلتر بزيت متوافق مع القير ويفضل مراجعة دليل المالك للتحقق من نوع الزيت

تأكد من مستوى زيت الفرامل ويكون بين المستوى ماكس ومين ، ولا تزيد عن ماكس نهائيا

إذا المكيف تعبان شيك على غاز التبريد أو الفريون مع هذه المدة قد ينقص في بعض السيارات ، وقد تتسخ ثلاجة المكيف في المناطق التي يكثر فيها الغبار والطرق الغير معبدة

تبقى جلد العكوس انتبه لا يكون فيها شقوق غيرها مباشرة

إذا فيه اهتزازات في السيارة قد تكون كراسي المكينة والقير بها تآكل في الجلد وقد تحتاج للتغيير

قم بتنظيف بوابة الهواء أو الثروتل

أما المساعدات وجلد المقصات والعكوس والأقمشة فهي تعتمد على استخدامك ويمكنك التشييك عليها إن كان تحتاج تغيير أو إصلاح

هذا كل ما جاء في بالي

نسيت تغيير سير المكينة الخارجي ، وسير التيمن الداخلي إذا كان ربل ، وإن كان حديد لا يحتاج تغيير

اخوي على حسب
قلنا متى اخر مرة سويت صيانة وكم السيارة كانت ماشية
وايش سويت فيها
اذا ماتذكر بعطيك الصيانة الكاملة 
١- زيت قير مع فلتر
٢- بواجي
٣-كويلات
٤-فلتر بنزين 
٥-فلتر هواء المكينة
٦-تنظيف بخاخات
٧-تغيير زيت الدفرنس
٨-تشحيم الأعمدة والجلود والاذرعة وبطن السيارة كامل
٩- تغيير موية الرديتر
١٠-تغيير زيت الفرامل او تزويده وعمل تنسيم
١١-تغيير زيت الدركسون
١٢-تنظيف ثلاجة المكينة والثروتل
١٣- فحص مستوى غاز الفريون
١٤-تغيير فلتر المكيف ان وجد
١٥-تشييك على كامل بطن السيارة وتغيير التالف
-------------------
هاذي اللي تحضرني حاليا
وكل وحدة منها لها مسافة ومعينة وتتغير 

اخر صيانة شاملة 90الف في الشركة 

وال100الف مجزئة ..يعني الضروري فقط بدون تشييك كامل 


والان قريب الموتر من 200الف 

الوقت الحالي ما عندي مشكله في السيارة وضعهها تمام 
ماعدا اقزاز حق السواق ثقيل في الارتفاع ويطلع عن مساره 
اعتقد المشكله في القواعد 

الموتر اكورد 14

آيه ممكن القواعد
اهم شي 
١- بواجي وكويلات(اذا الجلدة نظيفة لاتغيرها)
٢-تنظيف بخاخات
٣-فلتر بنزين
٤-زيت القير والفلتر(اذا لونه احمر خليه والأفضل تغيره)
٥-موية الرديتر(اذا نظيفة مو لازم تغيرها)
٦-السير 
والاهم من هذا كله السير الداخلي زي ماقال اخوي فوق
اذا ربل لازم يتغير حده ١٥٠-٢٠٠ الف بالكثير 
وإذا حديد اتركه

سير تايمن وسير مكينه والباقي تشييك 
اللي يُبين معك متعطل غيره 

لاتخسر نفسك فلوس طالما انت محافظ ماشاء الله ..

الشي الوحيد اللي يتخوف منه ويسبب لك عطل
غير سير التايمن
وغير موية الرديتر .. باقي الاشياء ماتحتاجها

بخصوص اصوات الديكور نفس مشكلتك تطلع معي
هذه مشكلة الاكورد ديكورها الغبي