كم يسوى موتر اكورد 2004

تبغى نصيحة اخ

لاتشتريها لو حتى يقوول بـ 10,000 الاف
لن قطعها غاليه نااااااار بمعنى الكلمه 
كانت عندي واحده وصدمت بالمرايه والله اني شريتها
تشليح بـ 600 واغلب قطعها الميكانيكيه مافيه الا وكاله
مافي درجه ثانيه وبكذا تاكلها خابور ومامعك الا تطلع
كل مافي جيبك ولاكن ميزتها الوحيده هي : ركب القطعه وانسى

وعسى الله ييسر لك الي فيه الخير 

كان معي 2006 و مع ولد عمي 2004 الله يعطية خيرهاا ويكفية شرهااا     واحلا ما يكون   .... واسعار بعض القطع..




  المساعدات ياباني  الواحد 140




 فحمات امامي160 و خلفي 110 ياباني و الاصلي 260




  رفرف ب130  كبوت 150




   شمعات قدام تايواني 230 




 زيت القير 40  وتاخذ 3علب فلتر القير اصلي 90




  السيفون اصلي 18




 بطانه رفرف 50




 كراسي المكينة  غالية بحدود 1000




   هوبات امامية الاصلي 350 و الياباني 170 ....كراسي القير بحدود 200 




جلب مقصات الكبيرة اصلي 60 وثنتين صغار بحدود40




ذراع دركسون 90  ..  مقص علوي ياباني 200








...........هذي بعض القطع  الي غيرتهااا   او  غيرهاا ولد عمي.......    

مشكورين على الردود يا شباب بس  كم تسوى السيارة 10---12---13---14---كم 

تسوى على حسب ممشاها وحسب القير والمكينة 

شد بلد ولا موظب. ونظافتها. اما الرشوش والسمكره 

فهذي حتى 2016مرشوش ومسمكر. 

مادري كم تستاهل. على حسب. اربعه سلندر او سته 

ماادري الموديلات القديمه اربعه سلندر او ستة. 

لاكن. انت احسب. معها تكاليف. النقل والفحص والتامين 

وشوف وضعك المادي. يناسبك السعر. او لاا 

والله يوفقك. 

السيارة شبه موضبة المكينة والجير مدري عنو (الفحص باقي 3 اشهر)
4 سلندر 
ماشية 235000

والله اعطيها 13الف. 

وتامين حدود1000ريال 

فحص كمبيوتر200ريال 

ونقل قول500ريال 

الاسعار. هذي كمثال فقط.  يمكن تزود او تنقص. 

يعني مثلاً السياره ب14الف. 

راح تحصل اكسنت 2012تماتيك. او2010او2011

وممشاها معقول. يعني تحتال200الف. 

لاتستعجل. واستخير ربك 

والله ييسر امرك ويفرج همك 

مشكلة الاكورد ما تحصل نظيف و ممشى معقول
سواء موديلات حديثة او قديمه شوي
لكن اسعارها مستعملة نازلة
الجيل هذا من 2003 الى 2007
في عيب بدودة الدركسون يصير منها تهريب
شيك عليها زين و السعر حاول تاخذها بأقل سعر ممكن
السوق طايح و لازم يبغى لها تجديدات و صيانة

ماشي 235 وشبه موضب المكينه ...تاكد من الممشى لايكون ملعوب فيه

مكينة الاكورد تعيش بهالموديلات ومافيها مشاكل و235 اعتبرها قليله اذا تاكدت من الممشى اشتريها

اسعار القطع معقوله الى غاليه لكن التجاري مالي السوق وبجوده حلوه

خدها قاعدة الجديد مهما كان جديد يريح راسك
اشتر اكسنت او يارس جديد ولا تشتري لكزس او مرسيدس قديم مضى عليه 13 سنة

لو قلت هوندا 2010 - 2011 انا معاك

مشكورين يا شباب وجزاكم الله خير كفيتو ووفيتو 

يقولون لك اترك الاكورد واشتر اكسنت خخخخخ 

الي يقول ان قطعها غاليها هذا يذكرني بزمان اول ايام الكرسيدات خذ كرسيدا ولا تاخذ لكزس ولا مرسيدس كمبيوووتر انتبه 

بالنسبه للقطع ارخص من الفورد بحكم اني جربت السيارتين 
والكرف والخدمه والرساوه شي ممتاز موديلات ٢٠٠٣ الى ٢٠٠٧ عمليه جدا ومنتشره في الشوارع بكثره والي يطلعها وكاله ينسى انه يبيع او يصلح شيء 

عندي صديق سيارته كملت عشر سنوات الحين وماقد فكر يغيرها او يصلح فيها شي معدا الامور الاستهلاكيه 
وانا معي ٢٠٠٥ تو شريتها وحبيتها وماستخسرت فيها ولا ريال بالذات من ناحية الجوده ماشاء الله 

سيارتك تسوى بحدود ١٢ الى ١٥ بعد الكشف / اذا بودي بلدها وداخليه نظيفه فوق ١٥