تنظيف ثروتل اكورد 2008
7
4
إضغط هنا للإخفاء
السلام عليكم يا اخوان
محتويات الموضوع :: تنظيف وبرمجة دعسة بنزين اكورد
كالعاده اللقافة اللي فيني قلت خليني انظف ثروتل سيارة اخوي
الاكورد بالفعل جبت الاغراض المطلوبة للعمل وبدينا
بالتنظيف اول شي فك السالب من البطارية وفك المسامير والافياش وطلعنا الثرروتل
نظفته ببخاخ الاي سي ديلكو ( كمية الاوساخ رهيبة )
خلص تنظيف الثرروتل ونظف مكان الثرروتل قبل تركيبه
وركب وصلت الافياش
المهم اخوكم بالله تورط بعد ماركبنا ضغط الماكينة فوووق هههههه
ويقلي الميكانيكي لازم تودي برمجة ويكلف ١٥٠ ريال
قلت والله ماادفع وادخل على العم قوقل واحصل الطريقة المهم استفيدو منها
(((طبعا منقوولة طريقة البرمجة من منتديات مكشات ))
البرمجة يحتاج لك يكون معك شخص آخر عشان يتابع
طبعاً البرمجة تتم بعد تنظيف الثروتل بدي أو حتى بعد تغيير البطارية أو بالأصح فصل البطارية عن السيارة
قبل ما نبدأ في البرمجة شغل السيارة لمدة دقيقتين عشان يطلع الزيت للمكينة و نزل الشبابيك عشان تتهوى لأنك راح تكون داخل السيارة و الآن تعرفون
طيب الآن طفي خلي الكبوت مفتوح وخلي واحد برا السيارة يتابع لك مروحة الرديتر
البرمجة :
في البداية بعد ما تحميها طفي جميع اللمبات في السيارة و طفي المسجل و فلتر المكيف ولا تشغل المكيف
ولا تخلي أي شيء شيء كهربائي يعمل حتى الباب قفله و خلك في السيارة .. وعشان كذا أقول لكم خلوا الشباك مفتوح عشان الحر ( على حسب اختيارك ولكن لا تفتح الشباك أثناء البرمجة )
_
طيب الآن نبدأ بالشغل دخل المفتاح في السويتش و حطه على ON II بتظهر لك لمبات العداد
إذا طفت لمبة المكينة تشغل السيارة ( تطفي لمبة المكينة بعد ثانيتين )
بعد ما تشغل تدعس بنزين إلين وتخلي عداد الضغط على 3 وتبقى مستمر وخلي خويك يتابع مروحة الرديتر
إذا اشتغلت مروحة الرديتر شيل رجلك عن البنزين و بعد ما توقف مروحة الرديتر إبدأ أحسب 6 دقائق ...
وبعد الـ 6 دقائق تكون البرمجة تمت و بإمكانك تخرج من السيارة أو تحركها ... وبكذا نقول لك ألف مبروك تمت البرمجة
للاسف الصور مارضيت تتحمل لكن بحاول مرة ثانية احملها ... تحياتي لكم
إبلاغ
الردود
الله يوفقك
1
0
1
1
نظفت الثروتل ومازال الريس عالي .
1
0
0
0
موضوع جميل جدا
قبل 8 سنه و شهر