قصتي مع واحد فلبيني
17
13
إضغط هنا للإخفاء
السلام عليكم ورحمة وبركاته
مساكم الله بالخير و نبدا <<<مقدمة الشريان هههههههه
المهم حبيت اقولكم قصتي الحزينة
انا عرضت سيارتي الاكورد 97 فل كامل للبيع و انا يا اخوان دافع فيها حوالي 7000
السياره مايبالها شي الحين غير مساعدات امامية و كرسي مكينة حلفي
ف عرضت السياره و جاني واحد فلبيني بس يعرف يتكلم عربي فل و معاه واحد سعودي
جو و جربه السياره و قالي اعطيك 6000 بس الفحص والتجديد عليك قلتله خليني افكر
شوية فكرت كدا يومين و شاورت الوالد و دقيت ع الرجال قلتله الله يبارك لك
تعال ادفع عربون قالي والله حاليا مشغول و ما اقدر اجيك وووووو و يقولي
حاول تدبر و تفحصلي من طيبته و من ثقتي الزابدة له قلت تم
و رحت الفحص الدوري و فشلوني و طلع عيوب بسيطه و دفعت للميكانيكي 450
و دخلت ع الفحص فشلوني مرة ثاني عشان الجلنط و رجعت للميكانيكي و اعطيته
السياره و رجعت البيت لاني تعبت مررة صايم والجو حر و زحمة و مضى يوم
ورحت الصباح عند الرجال و استلمت السياره مفحوصه فرحت والله لاني احتاج فلوس
وخلاص ببيع السياره و احصل فلوس طاير من الفرح
و كلمت الزبون اني فحصت السياره مارد و دقيت عليه قالي بجيك اليوم و ماجاء
قلت يمكن مشغول و دقيت عليه في اليوم الثاني و بدا يصرفني يصرفني لين اليوم
لاحس ولا خبر وانا مادقيت عليه قلتله ع واتس انت خدعتني و خليتني ادفع مبلغ و قدره وتعبتني
و دعيتله و برضو مايرد
فنصيحتي لكم اذا جاكم زبون اتفقتوا و اطلبوا عربون اذا مو راضي يدفع عربون الله يرزقه
وانا اكتب لكم و انا مغبون مقهور فل لانه حالتي المادية الحين سيئة و تعرفون
كل الفلوس تروح في مقاضي العيد و الرجال خلاني ادفع و افحص السياره
وسحب عليه حسبي الله ونعم الوكيل الله يلعنه وانا كل يوم ادعي عليه ورطني والله
انا محتاج فلوس ضروري و يسوي فيني كدا و في ذا الشهر الفضيل بعد
وانا يا اخوان ماتوقعت انه يسوي فيني كدا
وانا الحمدلله حالتي المادية تحسنت و احتمال اكنسل ابيع السياره
اذا احد صارله نفس قصتي ينزله تحت و اللي عنده نصيحه ينصحني
غريبه والله في ناس كدا مايخافون الله حتى في الرمضان
المهم حبيت اقولكم قصتي اخوكم فؤاد
و اعتذر اذا كتبت شي غلط لاني اكتب من الجوال
و قرييا بنزلكم حل مشكلة العزم و عدم تغير النمرة
إبلاغ
الردود
7
0
5
0
6
0
وتوهق بينك وبينه
والفلوس اللي دفعتها راحت لموترك ماخسرت شي
وتشهيرك باسمه وجواله مالها معنى امسحه لايقلب عليك
ويبلغ تشهير وتقضي العيد بالتوقيف
2
3
في هالشهر الفضيل بدعي ربي انه يسر امورك و يرزقك من واسع رحمته. وكل الكلام اللي تفضلوا فيه الاخوان انا ماراح ازود
عليه. كلامهم عين العقل وانصحك مثلهم السيارة دام ماشاء الله ماشية معك خلها تنفعك لين رب العالمين يرزقك باحسن منها
ان شاء الله بسيارة وكالة وكاش بعد احنا وياك ان شاء الله. العيد بيجي بعد اسبوعين ان شاء الله ويمكن تحتاجها حق زيارات و حق روحات
وجيات.
1
0
بس ملاحظة انت كاتب ادعيله وبعدها لقيت كلمة الله يلعنه
ماعرفت انت دعيتله ولا دعيت عليه
وعالعموم حسبك الله راح يوسعها عليك بتجارتك ان شاءالله
0
1
3
1
اعرضها ورفع السعر بقدر خسارتك بالفحص ومن هالموقف تعلمت انك ماتثق بالناس لابرمضان ولابشوال
خلاص الثقة وكلمة الرجال رااااحت ماعاد فيه ثقة الا بالعربوووون وبس
والله يرزقك ويرزقنا
1
0
1
3
و حط عليها ورقة بحالة السيارة و حدك و رقمك بالانجليزي و انتظر الخير من رب العالمين
0
1
1
1
الشباب كلهم يطيحون بالسيارات عشان العيد والفله وحركات الشباب
المهم لاتفوت على نفسك اعرضها بسوق وشوف كيف حيجيها واحد جري
والله يرزقك اما السياره شكلها نظيف وممتاز
0
0
عطيته عربونه وقلت له رح
مع كثر غثى الشريطيه الا اني لليوم اذكر هالادمي وتحااام تسبدي
ياشين الي يسوي متدين واخلاق وهو خرطي
0
2
لان أغلب الزبائن يبغى السيارة مفحوصه مجدده
قبل 7 سنه و 10 شهر