اين اغير زيت هوندا كورد

ليش تجبر نفسك تغير في الوكالة وسيارتك خارج الضمان ؟؟؟؟
غيرها في أي ورشة لإنه نفس اللي بيسووه الوكالة بيسووه في الورشة
يفكوا الصرة لين ينزل زيت القير القديم ويقفلوا الصرة
ثم يعبون الزيت من فتحة عيار زيت القير ... ماهي حاجة معقدة زي بعض السيارات
خذ لك 3 علب من الوكالة او محلات قطع الغيار وغيرها في أي مكان

ابي اغيره مع الفلتر مو بس الزيت 
يعني عايدي ماتفرق 

محلات بترومين المنتشرة في المملكة .

الاكورد ما يتغير فيها الفلتر

موضوع الزيت بسيط اقرب بنشر او ورشه يغيره انا كنت اغيره دايم بالبناشر يفك الصره دقيقتين ويعبي ثلاث علب فقط

الفلتر اي ورشه تغيره لك خلال نصف ساعه بالكثير وتغييره سهل .. تغيير الفلتر مايستهلك زيت ابد لان مكانه مرتفع وماينقص الزيت

اخ عبد الله وش مديل سيارتك وهل  تعبي ثلاث علب مع الفلتر 

بترومين لا تروح لهم ابدا ما يستعملون الزيت المخصص للقير انتبه 

وياخذون ٣٠٠ ريال سواء جبت انت الزيت ام هم جابوه 

نصيحه اذا بتغير زيت القير لا تاخذ الا من وكالته او محل قطع غيار معتمد لنفس سيارتك ونفس موديلها

خذ العلم مني انا مغير زيت القير يمكن خمس مرات لقير الهوندا اكورد 2011 

اشتر 3 علب زيت قير هوندا ب 90 ريال 
 روح لبنشري خليه يشفط لك بجهاز الشفط من عند العيار 3 لتر 
عبي  العلب وخلاص وياخذ عليك البنشري بالكثير 20 ريال

تأكد نوع الزيت اللي تستخدمه
ستة سلندر لها زين معين تحتاج عدد 3 علب
والاربعة سلندر لها زيت مختلف وتحتاج 4 علب

انا عندي 6 سلندر توني مغيرها بالوكالة بــ 268 ريال

عفوا قصد العكس بتعليقي اللي فوق


تأكد نوع الزيت اللي تستخدمه
ستة سلندر لها زين معين تحتاج 4 علب
والاربعة سلندر لها زيت مختلف وتحتاج 3 علب

اخ حوران .. سيارتي موديل 2004 وغيرت الزيت اكثر من خمس مرات بنفس الطريقه

وكمية الزيت ونظام الفلتر هو نفسه للاكورد من موديل 2003 الى 2012 ماتغير شي اهم شي زيت اصلي هوندااااا

كلامي عن الاربعه سلندر ..مكان فلتر القير خارجي يجي تحت فلتر الهوا وتقدر تشوفه بنفسك

ومكانه مرتفع ويوم تغيرت مابينزل زيت ابد مع الاهواز لان فكرته اسطوانه مشبوكه في هوزين

مع مشقبيات ويمسك الفلتر مسمار حبة 10.. 

الي مهتم بموضوع الفلتر يكتب بقوقل  "تغيير فلتر قير اكورد" ويدخل على بحث صور

ويشوف كل شي بشكل واضح..

معلومه اضافيه ياشباب ... قير الهوندا مختلف عن الامريكي لانك يوم تشيك الزيت لازم

تكون جاي من مشوار والسياره حاره وتطفيها وتشيك الزيت خلال اول دقيقتين بعد ماتطفيها

يعني لايجيك البنشر مثلا يشيك والسياره شغاله ويقولك ناقص ويزود من راسه وتدخل في متاهات

تهريب صوف قير وسالفه طويله.

انا غيرت زيت القير 2012 
اخذت 3 علب زيت من الوكاله وفلتر خارجي 
وشوف لك واحد كويس يغيره 
انا اغيره عند بنشري اعرفه من زمان ب 90 ريال
غيرت عنده مرتين وشغله تمام 
مالها داعي الوكاله 

يعطيكم العافيه تم تغيير الزيت في ورشه متخصصه هوندا بصناعية السليم 
ببريده وشغلهم كويس 

ياغالي ياليت تفيدنا بااسم الورشة الي بصناعية السليم 

والله يعطيك العافيه 

0551853997  سليمان