ما هو افضل زيت هوندا اكورد

حياك الله بخصوص العيوب مافيه ان شالله بس انتبه لطرمبة الدركسون وعبها اذا ناقص زيتها بزيت اصلي من الوكاله فقط!

الفحمات نفس الاربعه سلندر 

سعر الامامية ٢٢٠
سعر الخلفية ١٨٠ 
((الاسعار تقريبه لانها تختلف من محل لمحل))

بخصوص زيت القير غيره بالوكاله اضمن والسعر جدا مناسب

اذكر مره غيرت زيت اكورد ٢٠١٢ ب ٢١٠ بالوكاله شامل الزيت وشغل اليد

واي استفسار اخر انا بالخدمة

افضل زيت للاكورد 5W30 والزيت موجود بالشركه 

زيت القير يتغير كل 40 الف وهذا مذكور في دليل الصيانه 

عيوبها كانت في علبة الدرقسون المكنيكيه الى موديل 2012 من 2013 صارت كهربائيه 

سعر الفحمات غير ثابت اوقات تعمل الشركة عروض على قطع الغيار وبسعر معقول جدا 

والافضل تروح لقطع الغيار وتاخذ العلم الاكيد 

مبروك عليك السياره وعسى ربي يعطيك خيرها ويكفيك شرها 

هلا وغلا بك اخي الغالي
طيب يا الغلا معليش تحملني شوي لا هنت ههههههه
انا اول مره استخدم الاكورد وشطحت واخذا الي هي 6 سلندر خليجي طبعآ
سؤالي
هل فيها عيوب مستديمه او عيوب دائمه بمعنى اصح ابي اعرف الامور المهمه فيها علشان اكون محتاط قبل وقوع اي مشكله لا سمح الله
والسموحه منك على الاطاله

اهاا يعني علبه الدرقسون لازم دوم اشيك عليها
واما بخصوص زيت الغير حاليآ هي ماشيه 39 يعني لازم اغير زيت القير..؟؟
اما القاطع راح اخذها من الوكاله اقصد الفحمات وحتى السفون ان شاءالله
الله يبارك في عمرك يا الغالي

كم موديل سيارتك اذا فوق 2013 مافيها علبة دركسون وما يحتاج تشييلك

العيب المستديم في الاكور ربشه في الكهربا وهو شي طبيعي وفي كل الموديلات

موديل سيارتي 2011 
هل فيها مشكله او عيب علبه الدرقسون

كنت افير زيت الوكاله 30/5 
وشريت كرتون زيت ماجنيك 30/5 

العلبة لا تكسر الدركسون بقوه ولا تستخدم زيت دركسون البناشر خل زيته من الوكاله لو نقص وسعره ب٤٥

تسلمون على المعلومات ربي يبارك فيكم
وجزاكم الله خير يارب

زيت القير أول مره يتغير على 60 ألف وبعدين تستمر كل 40 ألف شيك على علبة الدركسون إذا فيها تهريب زيت سويلها إصلاح 
وكمان شيك على الدوده أسفل  . وغير سير التيمن على 100 الف لأن سته سلندر ما تجي جنزير وغير الفلاتر مكيف ومكينة 
والله يبارك لك ما شاء الله الاكورد سته سلندر طياره الله يعطيك خيرها ويصرف عنك شرها