موضوع خاص بالأكورد- لا أريد سوى الدعاء والدعاء فقط يا إخواني

28 4

لايمكنك التصويت حتى الحصول على 20 نقطة على الأقل
إضغط هنا للإخفاء

ماكسيما 2008 6744
قبل 11 سنه و 7 شهر

بسم الله الرحمن الرحيم

السلام عليكم ورحمة الله وبركاته

هذا الموضوع خاص بأصحاب الأكورد ويارب يستفيدون منه ويارب ماينسوني من دعوة على الطاير بآخر الليل

معلومات لأصحاب الأكورد:-

1-يوم تجي تشغل السيارة وتحط المفتاح على ( ON ) وهي التكة الثانية تنتظر لين ما تطفي لمبة المكينة ( CHECK ENGINE )

وهي في هالحالة تحت التجهيز وبتلاحظ اول ما تحطها على الـ ( ON ) تسمع صوت وكمان مفيدة لطرمبة البنزين علشان تصير جاهزة وبمجرد ما تطفي لمبة المكينة يختفي هالصوت ولمبة المكينة او ما تطفي معناتة تم التجهيز وتشغل السيارة و ما عندك مشكلة


2-زجاج السائق إذا جيت ترفعه وحطيت يدك ..اول ماتحس بيدك الزجاج مايكمل ويرجع ينزل من حاله


3-إذا جيت تغير فلتر البنزين لا تشغلها على طول ...دق السلف وارجع طف ودق السلف وارجع طف ودق السلف وارجع طف وبعدها شغل
يعني دق السلف لين قبل لحظة التشغيل واصبر لين تطفى لمبات التحذير وارجع طف وهكذا ثلاث مرات عند اول مره تغير فلتر البنزين


4- سر رساوة الأكورد وهي ارسى حتى من الماكسيما وهذا رد لكل من يتهمني بالتعصب للماكسيما سامحه الله:-

والسبب نظام التعليق الامامي مقصات مزدوجة في التصميم الهندسي مثل نظام المرسيدس ومرسيدس اصلا اخترعت المنظومة التعليقية هذه
وفي نظام التعليق الخلفي عدد 5 وصلات اذرعة الوصلة الخامسة علوية ساحبة للداخل لاجل انفراج الاطار عند اي لفة وبما ان اي سيارة تلف طبيعي تميل وبميلان السيارة نظام الوصلات المتعددة بالذراع الساحب يطلع الكفر من الاسفل للخارج في الاطار الخارجي بينما يدعم استقامة الاطار في الاطار الداخلي للفة لان الذراع الساحب هذا مزدوج العمل وبعد النظام هذا اخترعته مرسيدس في عام 1983 -1982
نظام المساعدات يايات بداخلها انبوب ماص به غاز وزيت بغرف منفصلة الزيت لاجل يعطي راحة في الطريق والغاز يعطي قساوة لاجل قيادة رياضية علشان كذا تحس الاكورد راسية في الطريق

وفي الماكسيما يستخدم نظام ماكفرسون الفاشل واللي تستخدمه تويوتا وبعض سيارات لكزس والنظام هذا ابدا ما يعطي حركة جيدة للاطار الامامي بالعكس والغريب ان بي ام دبليو بدأت تبتعد عن هذا النظام نظام ماكفرسون واللتي كانت تعتمده لسنوات لانه ما يعطي المهندسين التحكم بحركة الاطارات الكاملة في اللحظات المختلفة

وهذا مقطعين لمكس ولأكورد وشوفوا الفرق علشان تعرف اني مو متعصب للماكسيما:-

رابط للماكسيما
http://www.youtube.com/watch?v=z0OVxXCZEYQ&feature=related]slalom test maxima - YouTube[/ame

رابط للأكورد
http://www.youtube.com/watch?v=fjzDyU7nuRM

وطبعا نيسان ركبت نظام الجديد إلي في الأكورد في سيارتها الإنفنتي وهذا مقطع لاختبار الانفنيتي
http://www.youtube.com/watch?v=xXKzGLYgktc&feature=related]slalom test 2009 Infiniti G37x - YouTube[/ame



5- تقدر تفتح النوافذ والفتحة بواسطة الريموت بالظغط على زر فتح الباب ظغطتين متتالية مع الاستمرار على الظغطة الثانية حتى تنزل كل النوافذ ...
واذا اردت تسكرها مايحتاج تركب السيارة ..وذلك من خلال المفتاح وتضعه في الباب وتغلقه وتستمر على ادارته لليسار حتى ترتفع النوافذ وتتسكر الفتحة ...
يستفاد من هالطريقة في تهوية السيارة بدون تشغيلها او اذا كانت في موقع ضيق يصعب معه الدخول للسيارة ...


6- فلتر البنزين يتم تغييره كل 40000 كلم-زيت الجيربوكس يتم تغييره كل 40000 كلم وانا شخصيا افضل تغير الفلتر معه في كل مرة-السير الخارجي يتم تغييره عند ظهور التشققات على سطحه او سماع صوت حنته - سير التايمن يتم تغييره للفئة 6 سلندر فقط لان الاربعة يجي جنزير - البواجي تتغير كل 100000 كلم - فلتر الهواء يتم تغييره كل 60000 كلم - فلتر المكيف اذا صار ضعف بتبريد الهواء تغيره ويجب تنظيفه كل فترة
وانا وضعت هالصيانة اللي يمكن يقراها بيقول عني مبالغ في بعضها لكن انا انسان اكره الفلاتر تطول بالسيارة واحس انها هي سبب مشاكل بعض السيارات للاسف


7-هذي حركة التشييك على الطبلون للأكورد من موديل 2003 إلى 2012

http://www.youtube.com/watch?v=3xBH8gV8CcQ&feature=related]‫اسرار الهوندا اكورد‬‎ - YouTube[/ame

http://www.youtube.com/watch?v=1AnIavmSLBo#x202b;حركة طبلون الأكورد‬‎ - YouTube[/ame]

طبعاً الطريقة هي كتالي :

تولع السكن أو الاسطب ( التكة الاولى للنور )
تدق السلف على ON I
تضغط الزر يلي في الطبلون وتعلق عليه
وطبعاً خلال ما أنت معلق على الزر يلي في الطبلون تدق السلف على ON
وتبقى معلق على الزر يلي في الطبلون وتطفي النور وتشغله و تطفية
وبعد ما تطفي النور تشيل يدك من الزر يلي على الطبلون وتضغط الزر مره ثانيه ثلاث مرات وتضبط الحركة
وكل ما بغيت تعيدها اضغط الزر يلي بالطبلون



8- اذا طفيت السيارة و اللمبات الخارجية شغالة تطفي تلقائياً بعد 15 ثانية وتشتغل الانوار بمجرد فتح الباب سواء باليد او بعد قفلة بالريموت
وفيه معلومة اخرى اذا فتحت البيبان بالريموت وولا ركبت السيارة بعد 15 ثانية تقفل الابواب تلقائياً مع التأمين يعني كأنك أنت قافلها بالريموت



9-طبعا الاكورد مشكلتها علبة الدركسون تتلف بسرعة ولكن انا ارى شخصيا انه سوء الاستخدام له دور في تلفها ايضا وباعطيكم اسباب سرعة تلفها:-
*إنك اذا جيت تأخذ لفة تكسر فتأثيرها يكون سريع في التأثير على طرمبة الدركسون وبالتالي مع الاستمرار تأثر على العكوس مستقبلياً
*إنك تلف الدركسون وتكسر ويصك بقوة زي مثلاً اذا جيت تاخذ يوتيرن
*اذا كانت السيارة واقفة من الغلط إنك تلف الدركسون أو تلف وتبقى ماسك الدركسون وما تخلي الدركسون يستريح وهي في حالة الوقوف
*تعبئة زيت دركسون غير زيت هوندا يسبب تلف لجلد الطرمبة
*تعبئة زيت هوندا باستمرار يحافظ على الطرمبة و الطريقة الصحيحة هي انك ما تخلي الزيت يتعدى الخط العلوي وهو ماكس ولا تنزل عن الخط السفلي واذا زودت عن الخط العلوي حاول تنقصه بواسطة منديل تدخله عشان يمتص الزيت و افضل اوقات التعبئة اذا كانت السيارة بارده و الزيت يكون بإمكانك وزنه في العلبة



10-اذا كان المفتاح في السويتش ما تقدر تقفل ازرار البيبان طبعاً اذا كنت تبغا تقفل البيبان وتصك بابك وتروح ما تقدر ابداً وهذي ميزة حلوة



11-عندما تريد ان تعبي بنزين فالافضل اطفاء السيارة وهذا يطيل عمر الطرمبة سواء اكورد او غيرها نصيحه اذا انت تبي تعبي بنزين روح اي محطه يكون فيها عداد الكتروني لان فيها فلتر واذا انسد الفلتر ماراح يشتغل العداد...العداد العادي يكون فيه فلتر اذا انسد يكون فيه بلف يفتح ويعبي بدون فلتر



12-إذا خليت القير على الn وسكرت السيارة ,ماراح يطلع معك المفتاح إلا لما تخليه على الp


13-شوف العصا الصغيره تبع العداد ,حركها عكس عقارب الساعة وراح تخفض إضاءة العدادات والمسجل ,ومع عقارب الساعه راح تزيد قوة الإضاءة بس انتبه لاتجيب العيد وتخرب العصا وتقوم تدعي على ماكسيما هههههههههههههه



14-وانت راكب السيارة جنب رجولك راح تشوف دقمه مكتوب عليها 0و1و2و3 ,إذا خليتها على ال0 راح تعطيك إضاءة بالخارج اكبر ,والعكس لو خليتها 3 راح تعطيك إضاءة انزل وأقل إنتشار وهذا رد للي يقول اضاءة الاكورد الواطي مايشوف فيه



15-لما يعلق عنك مثبت السرعة علق مفتاح السيارة على ON ( كانك بتشغلها ) وراح يفصل النظام طبعا ماسمعت عن تعليق المثبت بالاكورد لكن الشركة مسوية هالنظام زيادة بالامان وياليت تويوتا تسوي مثلهم وتريحنا من تعليق مثبت السرعة


وفي الختام أتمنى لكم التوفيق والسداد بالدارين وتكفون ياجماعة الخير طالبكم دعوة بالغيب لأني في أمس الحاجة إليها

إبلاغ

الردود