لا يوجد موضوع

عسى ان تحصل على حقك واحتسب بالله العظيم وتوكل عليه ****بالتوفيق ان شاء الله الله ينصرك عليهم ***

رح لهم مع جماعه من اقاربك و العن خامسهم 
هم بيخافون اذا شافوكم و بتنحل المشكلة 
لا تقبل باقل من انك تاخذ فلوسك من المعرض 
و اذا تبي مثلها خذ من معرض ثاني لا تقبل البدل 

لا حول ولا قوة إلا بالله 
يعني حد الجديد بيصير في غش ولعب
والله هذي مشكله 

لكن بخصوص الصدامات خاصةً تويوتا تجي صدماتها لونها يختلف عن البدي شيء بصيط
يعني يمكن الوضع عادي

وانا اقول رح لك مركز فحص وافحص السياره عشان تتأكد أكثر
والله يعينك

الله يكون بعونك ياخوي انا مثلك مطلع التيما قبل ١٠ شهور 
يوم رحت للدوام وشافوها الموظفين نبهوني على الصدام الامامي
انه مختلف المسافه بين اللمبات الاماميه يعني مايل شوي 
وانا كنت مستغرب ان الوكاله مضلله لي السياره وشايلين تجليد الوكاله 
لان بعض اللي بالساحه كان عليها تجليد وماقلت شي قلت بستخدمها على حالها 
ماني فاضي لمرمطة الوكالات وان كانوا ظالميني الله ياخذ حقي منهم والمشكله ماخذها قساط

انا مع صاحب الرد الثاني 
خذلك شقرديه معك ولا تضارب تخويف بس 
ودق على الدوريات 
واكشنها

يعني جديدة نفحصها كمبيوتر بدي ومحركات حسبي الله عليهم
بس ماقلت لنا هل انت رجعت للمعرض
وشافها وش رد عليك 
ياليت تقول لنا

شوف حبيبي ، عشان ما يمسكوا عليك زلة ، انت سوي فحص بمركزين معتمدة و تقرير من الوكالة
وخذ عليهم فواتير ( عشان المعرض يعطيك فلوسها غصبن عنهم ) ، و روح للمعرض وخلك رايق 
قولهم هيا كلمتين ، وكلام كثير يوجع راسي ، هذي تقارير تبين حالة السيارة ، و هذا موتركم و رجعولي فلوسي
شفت انهم قاموا ، يتحايلوا عليك وما يسير خاطرك الا طيب ومن هالكلام ... أبد لا تعصب قولهم تبونها وزارة ولا شرطة !!

حمل تطبيق وزارة التجارة ، و صور لوحة المعرض واكتب اللي صار معاك وارفق التقارير ... وابشر بالعوض 
انت اهم شيء ، لا تظغط نفسك و تعصب خلك ريلاكس الزم ما عليك صحتك ، وانا اخوك 

ومعوض خخير '

السيارة شراها لي الراجحي بنظام التقسيط وسجل الاستمارة بأسمي ، بس باقي الفلوس ماراح يستلمونها من الراجحي الا بعد شهر على كلام مندوب الراجحي

لو الغش يكون فيه شطب للسجل التجاري و غرامة و سجن

راح يكون رادع

و لكن غرامة فقط ما تسوي شيء يطلع اضعافها بغش غيرك

لاحول ولا قوة الا بالله العلي العظيم. ،،،،،،،،، اين المبادئ الاسلامية .. اين القيم الانسانية،،،،، للاسف هذه في الغرب والشرق .... للاسف غش عيني عينك ولا عقاب ولاحساب

لاتروح تتهاوش معاهم ولا تروح تسوي فحص عندهم

اول شي سوي افحص عند مركزين معتمدين اذا انت فالرياض روح لمركز الغروب وكارتك

بعدها ودها الوكالة واطلب منهم تقرير مثل ماطلبوه الوزارة
وردنا لنا خبر وش يصير معاك

خذ الاوراق وارفعها لوزارة التجارة 
حاول اليوم تروح تفحص مركزين 

لايلعبون عليك ويطلعونك شهر ومن هالكلام 
سو الخطوات المطلوبة لتقديم شكوى فاقرب وقت 

حسبي الله ونعم الوكيل الله ينصرك ياصاحب السياره
هذا القهرر بعينه الواحد معاد يدري شيصير قام يخاف والله 

سو شكوه  مايبي لها واحد اثنين 

الي عطونا دس لايك وماهو عاجبهم كلامنا  من الخبلان الي يلعبون عليهم الوكلاء والمعارض يعطونهم سيارات مصدمه ومرشوشه على انها جديده وهو زي الحمار يشتري ويمشي هههههههههه سياره اصفار  كيف تشتريها وهي  مرشوشه 

سكودروالله لو نسريها دسلايكات من هنا للصبح ماحركنا فيك شعره ما شا الله 15000 ^_^

هي ماهي قصت دس لايك هي على صاحب القدره الي قيمك بسالب معناها ماهو عاجبه كلامك يعني مادري وش تقول عليه ذا 

 اذا ماعجبه راينا  ياليت يصحح لنا مع ان كلامنا ميه بميه  صحيح وهذا الي لزم يسويه صاحب الموضوع ولا لايمكن معرض يغشك ببساطه ذي انا اعرف واحد  اشترا جيب شاص جديد وحصل فيه تهريب بدفرنس مع صدا وبدلوه له بجيب جديد 

والله مشكلة اذا الجديد ينخاف منه أجل من وين نشتري
لاتسكت عن حقك واسلك الطرق النظامية وزارة التجارة وحماية المستهلك

استهدي بالله ياخوي واعلم ان ما اصابك لم يكن ليخطئك . وإن في الامر خيره لانعلمها ولكن نحتسبها عند الله . اصبر ولاتتضايق ولكل مشكلة حل واتمنى ان الله يسهلها لك وتتوفق بتحصيل ماتريده .