مشورتكم ي اصحاب الاكورد 2015

الاكورد 15 فيها مشكله والشركه استدعت اصحابها وفوق هذا تجميع صيني وفوق هذا سعرها حول 90 الف بهذا المبلغ اخذ امبالا ولا توورس افضل منها 
كانك ماتبي الا الياباني اخذ مازدا ووفر بجيبك 20 الف 
انا عمري ماجربت الاكورد بس قد سافرت مع واحد هي راسيه لكن مازالت مراتبها خشب ماهي مريحه 

كل السيارات تكرف اهم شي انت بتحافظ عليها وتنتبه للصيانه والا من اللي مهتم بقص اليايات والتنقيز ؟؟؟؟؟؟ 

ولد عمي معه 2015 طبعا شملها الاستدعاء وغيرو له مكينه وقبل التغيير ماشيه 25 الف 

ضمانها 5 سنوات او 150 الف مواصفاتها حلوه الجوده ماتغيرة عن السابق نفس الشي 

كل مكان فيها ارباق طبعا الفل 

سعر 2016 الفل 4 سلندر 120 الف 

مع اني اشوف بالسعر هذا في سيارات كثير 6 سلندر والسوق مليان منها 

لكن اذا الاكورد مرتاح لها فالسياره مايعيبها شي 

موفق 

الاخ اللي يقول صيني التجار عندنا يجيبوا اسوء واردى الانواع عشان يرتفع هامش الربح و يمكن درجة عاشرة ولا استوكات الصين تصنع لك الاشياء بكوالتي مختلف وجودة تعتبر مقاربة للامريكي والاوربي الان اكثر الاشياء تجميع صيني حتى المعدات الثقيلة تتقفل في الصين و الجوال اللي اكتب منه صيني الايفون بمبلغ وقدره تجميع صيني اللاب توبات صيني
الشاشات صيني

سياره ما تستحق سعرها الاستاندر 90 الف و4 سلندر طيب التورس نفس السعر و6 سلندر واخر شي تجيك تجميع صيني 

شيخ المعارض ..... انتقاد سيارة بدون التجربة ما يعتبر رأي مسموع لأن اي واحد يقدر يكتب كلام بدون ما يجرب السيارة حتى
الاكورد معروف في قوته و تحمله و رساوته و اغلب المواصفات الممتازة 
المراتب صحيح فيها خشونه لكن تعتبر اريح من غيرها و اذا تعود ظهرك على المراتب بتصير مريحة ( كان عندي اكورد 2007 و مرت علي التجربة هذي)
الشركة لما قالت بنحول المصنع للصين عملت تجارب و دراسات قبل ما يعتمدوا المصنع ف كون المصنع صيني لا يعني ان السيارة سيئة و جودتها سيئة... حتى لو سمعت "حسن كتبي" قال في تجربة الاكورد ان الشركة جربت الاكورد في السعودية على خطوط طويلة  و من ضمنها خط الرياض الطايف وطبعاً على سرعات عالية للتأكد من سلامة قير و مكينة السيارة و باقي قطعها...و كذا يعتبرانتقادك ليس في محله 
و حتى لو كان السعر حقها مرتفع ترى انت تدفع على كواليتي ممتاز و قطع قوية للسيارة و الاكورد معروفة في التحمل و الكرف .... والاستدعاء شمل تغيير المكينة كاااملة و الوكيل ماراح يلعب ب سمعته و حياة زبائنه....قارن الشركة في قوتها و جودتها بالشركات الثانية اللي من سنوات سعرها مرتفع عالفاضي و الناس تشتري سياراتها عشان السمعه فقط لا اكثر

بالتوفيق

والله في بدائل كثيره بسعرها
فئة الاستاندر عندك بديل الازيرا نص فل 6 سلندر والفل كامل بقيمته تاخذ امبالا lt2 فل كامل فتحة وجلد وزينون وشاشة نفس مواصفات الاكورد تقريباً

اشتري اكورد 2015 تحصل على مكينه جديده بعد كم شهر 

اذا والله انك مرره مقتنع بالاكورد ومصمل الله يبارك لك 
لكن والله اعذرني الاكورد ما تستاهل السعر ذا 
مكينة 4 سلندر وقير cvvt وب90 الف 
والله الكامري الجديدة اصرف وتقريبا فل بس ناقصها الشاشة الكبيرة وتسخين المقاعد 
انا ما انكر الفل فيها موصفات جميلة وداخليتها حلوة لكن اذا وصلت مرحلة عندي فلوس الفل 
عندك الامبالا نسخة منتصف الليل
نفس سعر الفل بموصفات جبارة شاشة ونفقيشن وكاميرا ونقطة عمياء وردار وتبريد تسخين مقاعد  تشغيل عن بعد و10 ارباقات وزينون 
رساوة لا احكي لك فيها رساوة غير طبيعيه ونظام صوتي مررررررره قوووي وصاافي 
ومكينة 3.6 305 حصان 
هذي وجهة نظري ونظرتي في الاكورد ان سعرها مبالغ فيه ولا السيارة حلوة 

نصيحة اخ انتظر الشكل الي بعده سوو فيست ليفت واتوقع صلحو مشكلة المكينه

الله يجزاكم خير ... بيض الله وجيهكم

انا كان عندي اكورد 2008 حقت كرف زي اي ياباني 

بس بعد 2015 وجريوكس cvt 

مستحيل اخذها احس الجربوكس هذا ملفق وما يحسسك بمتعه القياده 

لاكن في الاخير السيارات اذواق والي ما يعجبني مو شرط ما يعجبك

الموتر مايعيبه الا سعره المرتفع ولا هو حق كرف بس اسعاره مبالغ فيها بشكل كبير وفيها خيارات بسعرها افضل منها للاسف عبدالله هاشم طمع 

الموتر ان شاء الله كويس وبيمشي معك بس انا عندي بعض النقاط عليها مع احترامي يخليني مستحيل اشتريها


الاكورد كان قايم لها عز من اول وكانت منافس قوي ولازالت وكنت افضلها على الكامري طبعاً عام 2002 وطقتها قبل ما تدخل معهم السوناتا


لكن الحين سيارة ب 92 الف تقريباً استاندر مافيها أي شي مفسخه حتى الكبس مافيها وادفع فيها 100 الف وش هو هالشي اللي بيخليني اضحي واشتريها دفع امامي ماتكلفوا في صناعتها وقير cvt وقالوا لك غيرنا بلد التجميع للصين لرخص الايدي العاملة واللي نشوفه طمرة 5% فوق يعني لهدرجة وصل الاستهتار بالمستهلك


خيارات واجد ستة سلندر ومركب اريح وعزل وشكل ومواصفات والله تركبها وتجربها اسبوع تقول انا منيب صاحي يوم افكر في الاكورد وهذولي عندي بنفس السعر


عندك الازيرا نص فل 6 سلندر مواصفات ودلع تورس كادينزا لو تزيد شوي وتاخذ افلون ستاندر ولو اني ماحبيت الجديدة مررة بس اهون لي من الاكورد مع احترامي



لحد يجي مطفي النور وانتوا تبون تذمون الاكورد حنا نتكلم بعقلانية ماقلنا فيها شي لكن الموتر تعدا حدوده وعلى غير سنع لافيها ذاك المركب ولا ذاك العزل اللي تقول والله ما ابي غيرها من عرفناها نفس التشغيلة وصوت الشكمان تغيير ديكورات وتصاميم فقط


بالتوفيق لك

واعمل حسابك قطعها من قطع السيارات ستة سلندر غويلية على فئتها يعني حرررررام من الآخر