جدول صيانه أكورد 2014

حياك لاوالله مانصحك بصيانتهم نصابين وشغلهم عادي
وفلاترهم مغشوشة 
وممشى 50 الف بدري على تغيير قطع 
فقط غير فلتر المكيف وفلتر الزيت وانصحك تاخذ الفلاتر من الوكالة
وتغيرها برا والزيت 10w30 لاتعدية 6000 
وبالنسبة للزوجه شوف الكنالوج 
انا عندي مخيريني بين لزوجة 10w30 و5w30
واغيرلها 5w30 كاسترول ماجناتيك ويمشيني 8500 بالراحه
ويمشي الى 10000  ممتاز وخفيف على المكينه 

وش صيانه والسياره جديدة

الصيانه هي تكرف السياره ولا تسوي فيها شيء غير زيت المكينه كل 10 الاف و فلتر الهواء كل 50 الف

او كل 6 شهور 

غير كذا لا تغير شيء ابدا ليش تسوي صيانه اصلا والسياره سليمة

صلح الايرباقات ومسامير الجنوط مثل ما قال اخوي التركي 1403

الزيت نوعه خفيف جدا بس ما اعتقد الأكورد زيتها يكون خفيف --- ماني متأكد من هاذي النقطة




شوف الكتالوج حق السيارة مكتوب فيه لزوجة الزيت تأكد منه بنفسك - لأن اللي يغيروا الزيوت سواء بترومين او البناشر بشكل عام
يحطوا اي زيت وخلاص بدون ما يتأكدوا 




كان معيا لانسر قسم بالله مادري وش نوع زيتها كل مرة بزيت اوديها البنشري كل مرة يحط زيت شكل وهذا يضعف اداء المكينة

فلتر هوا  وفلتر مكيف  وتغير زيت القير عند وكاله  والموتر ماشاء لله 2014 

فلتر زيت اصلي وزيت تبع الوكاله خذه من عند ارخص موزع اصلي 
وغيره عند اقرب بنشري يكون كويس وانت عند راسه والافضل تكون تعرفه من زمان 

وفلتر الهوا لاشفته معدوم غيره 

والصيانات الثانيه خرطي الي تشوفه شي محتاج تغير غيره مثل فحمات 

صيانة الوكالة اسحب عليهم ولاتقرب منهم الا عند تغيير زيت القير فقط واطلب منهم تغيير زيت القير بدون الصيانة الشاملة 
لأن سعرها يكون رخيص

تغيير زيت المكينة ماأنصحك تغير في البناشر وخلك على بترومين صحيح سعرهم أغلى من سعر البناشر لكن عشان يستمر 
الضمان معك لازم تغير عند بترومين واذا عديت 100 الف وانتهى الضمان وقتها غير عند أي بنشري

حسب كاتالوج الأكورد احسن لزوج لزيت المكينة بالترتيب 5w30 ثم 10w30 ثم 15w40
اما لزوجة 20w50 فهي لزوجة ثقيلة وغير مذكورة في الكاتالوج لذلك ابعد عنها 

انت سويت صيانة 30 الف في الوكالة يعني اكيد غيروا لك فلتر الهواء صح ؟
فلتر الهواء حسب الكالتالوج يتغير كل 30 الف لكن عادي لو مشيت عليها لين 50 الف 
عند 60 الف غير زيت القير وبعدها عند 100 الف
البواجي غيرها كل 150 الف 

انا مع كلام اخوي سلطان كان معي سوناتا والحين اكورد
م عمرهم شافو الوكاله الا اول مره والباقي بترومين
كل تغيرتين زيت اغير سيفون الزيت 5000 وفلتر المكيف
انت تعرف مكيف الاكورد م شاء الله عليه لاشفته اختلف انفظه
ان م نفع غيره وفلتر الهوا كل تغيرتين او لاشفته انعدم وبترومين
ضمانهم ع المكينه