عشاق تويوتا وهوندا والاعذار الواهية الى متى

41 13

لايمكنك التصويت حتى الحصول على 20 نقطة على الأقل
إضغط هنا للإخفاء

mr.tahoe 1190
قبل 10 سنه

السلام عليكم

قبل ما احد يتهمني اني اكره هوندا 
ترى اكثر وكالة كنت ازورها بحياتي هي وكالة هوندا ومتابعة اخبارها
واكثر سيارة استمتعت بسواقتها وخدمتها هي الهوندا اكورد 

_____________________________

لكن انا بقول الحق , لان الوضع بالفترة الاخيرة استغلال لجيوب
الناس وعقلياتهم 

وترى مب لازم اقنع احد , انا بقول الي عندي , ما احاول اقنعك
انت حر خذ الي تبي واترك الي تبي
_____________________________________

عشاق تويوتا وهوندا والاعذار الواهية الى متى ؟

لو تجي تقول لواحد ليه يا اخي الكورولا تصنع بتايلاند 
بيقولك عشان تكلفة اليد العاملة هناك اقل وارخص
مما يساهم بتخفيض التكاليف على الشركة وتخفيض سعر السيارة
للزبائن

والكلام هذا في حالة الكورولا كلام فاضي ليه ..؟
لان الكورولا عندنا اوتوماتيك يبدأ سعرها بالوكالة من 62 الف
بامريكا اوتوماتيك يبدأ سعرها من 62 الف 

مع العلم ان الي بامريكا تصنع بمصانع تويوتا الي في امريكا
طيب يا اخي الفاهم , مب اليد العاملة بامريكا اغلى بكثير من تايلاند؟
والتكلفة اعلى للمصانع هناك الخ..

طيب مع ذلك السعر عندنا وعندهم نفس الشيء مع ان الي عندهم
تكلفة صناعتها اكثر وفيها مواصفات اكثر مننا

اها .. معناته ان عذرك هذا الي تبرر فيه للكورولا الي تجينا 
عذر واهي , وانت جالس تلعب على نفسك

___________________________________________

الهوندا اكورد يوم صارت تصنع في الصين
اشغلونا الربع 

قالوا عشان اليد العاملة بالصين ارخص وعشان يرخص سعر 
السيارة

وما شفناه رخص مازال 90 الف سياحي عند هاشم
قلنالهم كذا قالوا عشان التطويرات مثل البريك الالكتروني

البريك الالكتروني موجود من شفر ماليبو من 2013
وسعرها للسياحي 68 الف ,وفيه بريك الكتروني 

المصيبة العظمى يا اخوان تدرون وشي , ان الهوندا
اكورد الجديدة موديل 2016 تباع بامريكا ابتداءا من :

83 الف ريال , والي عندنا 90 الف وصيني
الي بامريكا امريكية بمصانع هوندا الي بامريكا
وسعرها ارخص من الي عندنا بـ 7 الاف !!

__________________________________

انا ماعندي مشكلة ان الموتر يصير يصنع بالصين بس رخص السعر يا اخي ((الاكورد))
ماعندي مشكلة تصنع بتايوان بس رخص السعر يا اخي ((الكورولا))
ماعندي مشكلة استرالي وكله تلفيق بس رخص السعر يا اخي ((الكامري))

الواحد والله مب بنك متنقل , 
____________________________________

بالله تذكرون كامري 2002 ؟ والهوندا الاسطب المثلت ايام 2006
كانوا الشركتين يحترمون العميل اما الان لا بالنسبة لمنطقتنا
ليه صار الوضع كذا طيب 

تويوتا وهوندا ماتراجعوا الا عندنا , والي يروح لاي دولة
مثل امريكا ولا اوروبا يشوفهم شادين حيلهم هناك
بس عندنا لا , يمكن عارفين ان الناس راح تستمر تشتري رغم 
الجشع والاستغلال

____________________________________

الافالون بامريكا تصنع بامريكا عندهم
والي تجينا ايضا امريكا من مصانع تويوتا بامريكا




والي عندنا نفس سعر الي بامريكا ماصار فيه
اختلاف




شفت ان الوضح مضحوك فيه بسالفة الايدي العاملة
والكورولا والاكورد
________________________________
                                       على فكرة
انا ماني ضد تويوتا ولا هوندا ولا نب مندوب مبيعات ولا غيرهم
بس انا رجال مقهور كنت احب الشركة وتعجبني سياراتها وجودتها

كل واحد يفكر ويحرص على نفسه من الاستغلال 

إبلاغ

الردود