سوال عن الاكورد...ادخل يمكن تفيدني

عليكم السلام ورحمة الله وبركاته
الاكورد سيارات مكدة عيوبها قطع فيارها غالية ومحلات قطع فيارها على عدد اصابع اليد وعيوب السيارة علبة الدركسيون لكنها سيارات كد وكرف وتعيش معكرلو حافظت عليها
وفي منها قطع تجاري مثل الصدام الامامي تجاري 100 ريال 
كانت معي اكورد 98 واشهدلها سيارات 

طيب انا خوفوني من الكلتش يقولون ثقيل بعدين كم يوصل النظيف بس ماهو بدي وكالة اهم شي محركات موديل 98-99  لاهنت

انصحك بـ 2005 
98 قديم
و2005 تحصله رخيص

فلوسي ماتجيب لي الا 2002 وتحت بعدين ان استخدام سنتين بس 

كم حد فلوسك اذا عرفنا كم ميزانيتك بنقولك فلوسك تجيبلك اما شي نظيف او نص ونص او ماتجيب شي زين

بالكثير 11 الف ....ادري انها قليلة بس ابيها تمشية حال

11 تجيبلك شي نظيف وقير اتماتيك
شف اسعار الاكورد من 6 الى 8 هذي المعدومه والمكينه مبوشه
ومن 8 الى 10 الاف للاكورد الي تمشي الحال ومش بطاله
ومن 10 الاف الى 15 للنظيف

ولاتلتفت للاسعار الي في الموقع اغلبها مبالغ فيها دور في ساحات حراج المعارض و في الموقع دور بس ترى اكثرهم يبون ينصبون عليك

بس شرايك فيها اغلب الناس يقولون الكلتش ثقيل ؟

انت تبي تاخذ قير عادي وشايل فكرت الاتماتيك ؟
مدري اذا الكلتش ثقيل او لا هذا غير ان اغلب الاكورد في السوق قير اتماتيك والعادي موجود بس قليل
عكس الكامري موديل 2000 القير العادي موجود في السوق موازي للاتماتيك او اكثر بشوي

باخذ عادي لان احتمال اخر سبارة قير عادي راح اسوقها بعدها احول علئ الاوتو

نصيحة شفلك فورد ٩٥ الى ٢٠٠٢ بس يكون محركاته 
نظيفة لايهم البدي 
او اكسنت ٢٠٠٨ 
او يارس ٢٠٠٦ 

الاكورد مشكلتها بقطع الغيار صعب تحصلها بسهولة 

ولو تاخذ من ٢٠٠٣ وفوق ممكن يكون افضل منتشر اكثر 

فلوسك ممكن تجيب كامري ٩٧ الى ٢٠٠٠ بس مابتحصله 
نظيف 

يالغالي الي عندي كانت قير عادي والكلتش مافيه ثقل ولا شي
بالعكس احسه اكثر اعتمادية واسعارها في حدود 14 الف ريال

اخوي 14 الف احسها واجد بعدين الستاندر وش فيها من مواصفات الامان غير الايرباقين ؟ 

مالك ومال القير العادي غثيث

4 سلندر لازم قير عادي لو انها 8 سلندر ممكن اخذ اوتو

انصحك ب السيفيك ممتاااازه انا معي موديل 1999 

الان هي في ورشة جالسه تنرش 

مو حاب ابيعها لانها عزيزه عل قلبي لها معاي من 1999 عشرت عمر 

بعض النظر عن السيارات اللي معاي لاكن ما ارتاح الا فيها 

عزم وقوه واقتصاديه وقطعها رخيصه جدا 

تحياتي

لعلمك اللي عندي المكينه العاديه D16  وقير اتماتيك 

شكرا على الافاده السيفك كويسة بس انا ابغا سيارة تكون قزاز كهرب ومرايا كهرب بالاستاندر