اكورد 2015 او 2014 او تويوتا

اذا بتشتري 2014 خذها ولا تشاور وائا 2015 ما انصحك لان التجميع صيني وانا وش يخليني اظمن ان كل القطع يابانية 
شف الاكورد 2014 تجميع امريكي كل القطع امريكية الا المكينة والجيربكس و2015 القير سي في تي 

اذا تبي نصيحتي شف لك 2012 سبيشل ياباني حتى النخاع 
ومبروك مقدما

اقل سعر بالمعارض استاندر ب84
و الكامري الجديدة حولها بالسعر لكن اقل مواصفات خارجية
قير الCVT كثر الكلام عنه بالمنتدى و غيره
اذا تبي موتر للخطوط الافضل V6 و ان كان كوري
لا تحط اكثر من 70 الف في اربعة سلندر
و بفلوسك شف لك كيا كادنزا اقوى مكينة و اقوى مواصفات
و سعرها على ال80 الف او اقل

اذا انت مقتنع بالاكورد خذها وآخر شيء تفكر فيه انها صينية او امريكية او يابانية
ابدا مافيه فرق في التركيب نهائيا ومع الوقت سيقتنع الناس بذلك

اما اذا متردد بينها وبين سيارة أخرى استخير وشاور ملاكها قبل اتخاذ القرار

فين القاء 2014 اصفار في الرياض المعارض مافيه الي يعرف معرض عنده لايبخل علينا

فين القاء 2014 اصفار في الرياض المعارض مافيه الي يعرف معرض عنده لايبخل علينا

يعطيكم العافيه ، طيب وش رايكم في الكامري ال١٦ ستاندر تماتيك كيف عزمها ، للامانه ودي باتويوتا اضمن كل شي والصيانه كويسه

من ناحية التسارع الأفظلية للكامري

من ناحية الرساوة الاكورد

الجودة الاكورد

الامان لامقارنة بين السيارتين الامان في الاكورد قياسية بكل الفئات حتى الاستاندر حتى في اختبار التصادم نجحت الاكورد
وفشلت الكامري

السعر بعد البيع السيارتين كلها تمسك سعرها ويمكن الأكورد أحسن بشوي
توفر القطع الكامري بس انت يهمك القطع الاستهلاكية متوفرة للأكورد بكثرة

اجل توكل على الله و خذ الكامري الجديدة
مواصفات الاستاندر اقل لكن القير لو يجيه شي لا قدر الله
ممكن يتصلح و القطع متوفرة و وقت البيع اسهل بالتصريف

انت تقارن سيارتين منتشره ومعروفة. .
بس الأكورد اغلی قطع بشوي. .
والكامري شكل جديد عكس الاكورد شكلها له 3 سنين
الكامري معروفه صبوره وسعرها كويس أرخص من الاكورد

وبالنسبه للأخ اللي يقول الاكورد 2012 ياباني حتی النخاع معلومتك غلط الياباني وقف ع 2011
2012 الی 2014 أمريكي. .

ترا كثير هنا مايحب طاري الكامري مدري شالسبب. .
بحكم تجربتي للكامري مآ شاء الله زيت كفرات بنزين فحمات هذا اللي تطلبه غيره اعرف
الدليل أدخل السوق تحصلهن ماشيات من 300 الف وفوق
مع أن بكل موقف وشارع الكامري أكثر وجود. .
فورد 98 سلفر جاب خلاصة الموضوع

الله يعطيكم العافيه وماتقصرون , للامانه الاكورد معجبتني حتى الستاندر يكون فيها مسجل وفوق شاشه ومواصفات الستاندر حقتها كويسه وشفت لها تسارع والله ماعليه كويسه

بس الي مخوفني ناس تقول ان الصيانه حقتهم فاشله ومدري ايش : بكم يكون سعر الاكورد 15 الاستاندر ؟

اخوي ترى المراتب  تمصع ظهرك وتكسرة والمكيف  ماهو بارد   وسيؤ التبريد 
وانت اركبها وسقها وجرب واستاجر 

طيب وش رايك في الكورولا الفل شاشه و 2.0

كيف عزمها وتسارعها تفز علطول ومكيفها

ويكفي انها  تويوتا 

الاكورد ممتازة ولا يختلف عليها ثنين حتى لو صنعت في الصين مهب عيب

لكن انا وجهة نظري واتمنى تتقبلها وتفكر فيها الف مررة


انا سعر الاكورد ستاندر يقابله سيارة بتريحني اكثر من الاكورد اللي هي الكادينزا او الازيرا


يعني لما بتتكلم عن حجم المكينة بترتاح اكثر مع الستة سلندر لابغيت تشد خط ركب معك 2 ولا 3 الموتر ما شاء الله ما يتأثر عزمه


ايضا راحة الركوب الاكورد تفتقد للشي هذا وصدقني حتى لو قلت بشتري اوبتيما فل ولا سوناتا بنصحك في الكادينزا او الازيرا لأنهم اكيد افضل من الفئات هذي في مركبها سواءن كامري ولا اوبتيما ولا هوندا ولا سوناتا


ايضا بالنسبة لعزل الشارع اكيد تحتاج وهذا افضل في الفئة المتوسطة


قوة البدي وثبات الموتر على الخطوط كلها لصالحهم


عشان تفهم وجهة نظري اكثر اتمنى تجرب السيارتين بنفسك جرب اربعة سلندر اكورد سوناتا وكامري ثمن سق ازيرا وكادينزا


نسبة 99.99% بتقول الكادينزا والازيرا افضل لي في راحة المراتب وفي عزم السيارة وفي قيادتها بشكل عام


بس بتبقى عندك نقطة وحدة اللي هي خوفك من الصيانة ومن عملية السيارة


انا اقول لك يا الغالي لو كلن بيستمر حق الامريكي يشتري امريكي وحق الياباني يشتري ياباني وحقين الكوري يشتري كوري كان مالقيت الشوارع تخترش من كل نوع ومن كل فئة


صدقني انا ما اقول لك هالكلام لاني متعصب كوري او ابيك تشتري كيا انا منيب داخل في مخباي شي


لكن انصحك بناء على معرفتي بهالسيارات


يعني لو الكادينزا فيها شي صدقني انا اول واحد بيقول لك لا تاخذها لكني عارف تفوقها على الهوندا وعلى الاوبتيما والسيارات من نفس هذه الفئة في كل شي ومجربها انا بنفسي واعرف ملاك لها واعرف مدى جودتها وعمليتها ولا كان مانصحتك فيها


وبالنسبة للصيانة على قولتك وقطع الغيار صدقني هذا شي نفسي يقول لك ياخي اخذ تويوتا اضمن لي اخاف ما القى لذي قطع اخاف صيانتهم ماش


انا معك الجبر مهب كويس كوكيل 100% توفر القطع مهب مثل انتشار تويوتا


لكنها موجودة وهذا الشي يكفيني

وايضا هذي ما تشفع لي اني اضحي براحتي في الركوب وبعزم سيارتي وثباتها على الخطوط


يعني بضرب لك مثال على نفسي انا كان معي حدود 40 الف شريت لي كيا اوبريس كان بامكاني اخذ كامري 2008 ولا اكورد 2006 لكن اخترت الاوبريس ليش ؟؟؟


لأنها بتقدم لي اشياء ما تقدمها الاكورد والسوناتا والكامري انا كانت معي قبلها سوناتا 2006 وخذيت الاوبريس

يعني المراتب اريح منهم اكيد عزم السيارة اريح منهم اكيد الثبات افضل اكيد فيها رغم اني ما اقتنعت 100% من شكلها

لكن بحثت عن راحتي وفي نفس الوقت نظرت لموضوع القطع وحصلتها متوفرة وموجودة بعدها ارتحت وشريت


لذلك انصحك تاخذ لفة وتاخذ فكرة عن القطع وعن اسعارها سواءان اكورد ولا كادينزا ولا غيره وبعدها حدد خيارك


بالتوفيق واسف على الاطالة