افضل كفرات لاكورد

حسب استخدامك هو اللي يحدد وش تحتاج و انا استخدم ماكسس تقنيه برازيليه لكن صناعه تايلاند و مضبوط معي من سنين 

استخدامي شبه يومي وخطوط 

هانكوك حلوة الله يوفقنا واياك

موتري ١٤ ومن وكالته بريدجستون وممتاز
الكفر اذا كان لين تراه يحبل بسرعة مع اي قرصة رصيف او حصى
واذا كان قاسي بيرج الموتر وكنك راكب شاص
خذ اوسطهم ماعو اللين مرة وماهو بالقاسي مرة

هانكوك من الوكيل بن شيهون
لاتروح للبناشر
وتاكد ان التاريخ 2015

حط في بالك إن أفضل الكفرات ما هي لينه مرره مثل (ميشلان، بردجستون).


و الكفرات اللينه ما هي الأفضل لأنها عرضه للتحبيل و تلقط مسامير أكثر مثل (هانكوك و تويو).

ميشلان وتويو ممتازة بس غالية،،

أنصحك بالكوري : كفرات ممتازة، وناعمة، ضمان مفتوح المدة، سعر مناسب.

ميشلان جوديير دانلوب برجيستون صناعة ممتازة لكن قيمة الكفر الواحد بقيمة كفرين في الشركات الثانية وفوق كذا تفتقد للنعومة وتكسر الموتر


يعني لو ركبت جوديير ب750 ريال للكفر الواحد صار الاجمالي 3000 ريال للطقم


ولو تركب هانكوك ب 380 ريال من الوكيل بن شيهون صار الاجمالي 1500 وشوي


السؤال الأن ايهما احسن لك تركب هانكوك وتجلده سنة ونص الى سنتين ثمن تطق طقم ثاني وبتاريخ جديد وبقراطيسه ولين على موترك وبنفس السعر المقابل لجوديير ودانلوب وطقتها في التغييره الوحدة


وحتى لو ركبت دانلوب وغيره بعد السنتين بتصير تهابه في السفر على مسافات بعيدة 1000 كيلو لكن هذا بتشتريه جديد وبقراطيسه

والاهم من ذلك راحتك في الركوب ومطب موترك


يعني اقرب مثال وليس كلام علمي خوينا يمتلك ازيرا 2008 خذاها من اخوه وتوه طاق لها طقم دانلوب وموتره قاسي تخيلوا والله مخلي ظغط الكفرات 28 الى 30 ويدبج الموتر مع الحفر

لدرجة انه تعب معه المقص وديكور موتره تكسر حتى التكاية تسمع صوتها

قلت له من الكفرات قال اخاف الموتر هو كذا مطبه قاسي قلت مستحيل زميلنا يملك 2006 وماشيه دبل موترك ومهب مطبها كذا



والله ياجماعة يوم غير لهانكوك ومعبينها 35 انه انهبل القربعة والرجف اللي يجي مع الحفر والمطاب في الموتر كله راح


وانا لي تجربة مع الدانلوب في جمسنا قاسية لابعد الحدود ولا تهون البرجستون

بالتوفيق

الله يجزاكم بالخير  استفدة من منكم الله يوفقكم ىيكتب اجركم