هوندا اكورد 2005 سته سلندر او اربعه سلندر

مارح تفرق الا من زود محنتك 

اضن السته سلندر مانزلت الى في موديل 2006 وفوق  السته كويسه بس قطع غاليه 

لا اخوي سكودر موجود هوندا اكورد 2005 سته سلندر

انا شايفها بنفسي بالاستماره 2005 ومكينة سته سلندر

الاربعه سلندر سعتها 2.4 و قوتها 160 حصان .. 
اذا قير عادي خذ الاربعه سلندر ترى عزمها فوق الممتاز
و بيكفيك 

اتمنى احد يجاوب من اصحاب الهوندات موديل 2005 سته سلندر

يفيدني بالموضوع هذا اكثر

انا مجرب ثلاث هوندا اكورد من 2003-2007 منها 4 سلندر و منها 6 سلندر
طبعا 6 سلندر صرفيته اعلى و صيانتة اغلى
يعني مثلا لو سويت صيانة للـ 4 سلندربـ 1000 ريال بيكلفك 1400 ريال في صيانة للـ 6 سلندر
ولكن هذا على حساب القوة الحصانة أعلى وطيارة v6 :)
اذا انت راعي خطوط خذ 6 سلندر اريح
اذا مدينة خذ 4 سلندر اوفر
والله يوفقك...

جزاك الله خير اخوي ابو حسين

انا ماهي فارق معاي كثير سعر البترول
ارخص شي عندنا ولله الحمد البترول

لكن انا سؤالي هلا فعلاً السته سلندر خرابتها كثيره ؟
ومشاكلها معقده .؟
ومافي ورش يفهمون لمكينتها زي الاربعه سلندر ؟

البترول يا عزيزي راح ينتهي دعمه 

لا كلها زي بعض
بس الـ 6 سلندر  6 بواجي اما الـ 4 سلندر 4 بواجي  وقيس على ذلك
الـ 6 سلندر قطعها أكثر في الصيانة بتكلفك أكثر وتبدل قطع أكثر بالمكينة عكس 4 سلندر قطع قليله صيانتها اخف من 6 سلندر فقط
روح لمركز متخصص هوندا لا تخلي الورش يلعبو بسيارتك حتى لو 4 سلندر

و مرا طلعت بـ 4 سلندر الى ابو ظبي عندنا اعبيه فل 35 ريال 95 احمر
في الامارات 120 درهم فل فرق 100 ريال الله يعز الحكومة :)

موفق,,

يرحم امكم لا تحولون الموضوع للبنزين والبترول

انا في بداية الموضوع كتبت البترول عارف انه اغلى
يعني شي بديهي وما يحتاجله سؤال مكينه اقوى واكبر وعزم اكثر اكيد صرفية بترول اكثر

انا كلامي عن الخرابات والصيانه وقطع الغيار هل الواحد يلاحظ في فرق كبير بينها وبين الاربعه سلندر او قريبه لبعض واشياء لا تذكر
اتمنى كلامي يكون واضح

ياسكودر حتى 2002 فيه ستة سلندر بس انها بقلة ومكينتها 3.0

وبالنسبة لسؤالك ياصاحب الموضوع انا اقول خذ النظيفة واذا كانت النظيفة ستة سلندر بيكون افضل

وكانت مع ولد خالتي 2003 ستة سلندر ولا فيها الا العافية

وانا استغرب من هاللي يروجون الاشاعات ترى الستة سلندر مهب عملي وان جيت للازيرا قال لك ترى 3.8 خراباتها واجد وحساسه

ياخي لين متى هالاشاعات

الاكورد هي هي ستة ولا اربعة فرقت المكينة ، النظافة فوق كل شي ومثل ماهذي لها قطع هذي لها قطع وطبيعي لو فرقت كم ريال في سعر بواجي هذي وذي لأنك في النهاية طالع بمكينة افضل ستة سلندر وعزم احسن

a.ibrahem
والله عشان كذا انا طرحت هالتساؤل
لان مادخلت مخي سالفه السته سلندر خرابات والاربعه لا

يعني الي صنعو الاربعه سلندر من كوكب المريخ مثلا


بس كنت ابي اسئل واحد عنده هوندا اكورد 2005 سته سلندر

هل فعلا الموتر خرابات ومشاكل بالقطع والصيانه او لا

لا نفس الاربعه بس صيانتة اغلى شوي فقط

إذ بتاخذ سته سلندر دور ممشى قليل والسته سلندر استخدامها ممتاز بس قطعها 
مكلفة شوي بالقطع وإذ ترغب ب اربعه سلندر اضغط على اسمي 

بارك الله فيكم
بما انها نفسها والفرق ان صيانتها وقطعها اغلى بشي بسيط
نتوكل على الله وناخذ ال 6 سلندر

ابو بدر الله يعطيك العافيه

انا ما احب اللون الاسود

ومستغرب اغلب الهوندات المعروضه للبيع الوانها اسود
يعني لو 20 هوندا معروضه للبيع احصل منها 18 الوانهم اسود
مادري ليش صراحه
هل اللون الأسود على الهوندا يكره الواحد بالموتر لدرجه انه يبيعه او كذا صدف
عموما الله يرزقك البيعه الي تسرك

انا كنت ناوي على اكورد 6 سلندر الي اعرفه ان الفرق في المكينه والقير يعني لو احتاجت توظيب مكينه وقتها بتلاحظ الفرق في سعر التوظيب ، وماهمني هذا الامر لان ماقد خربت علي في السيارات السابق اي مكينه لاني محافظ على تغيير الزيوت في وقتها والحرارة ماترتفع
المهم بغيت اتاكد في حاجه في السياره مهم لاني قد عانيت منها في سيارات سابقه الي هو سير التايمنج الي داخل المكينه اذا هو حديد او ربل وعرفت ان في الاربع سلندر يجي حديد و6 سلندر يجي ربل بعدها الموضوع تغيير
لان السير الربل لازم تغييره كل 100 الف كيلو ولازم مهندس متخصص في شغله هذا اذا لحقت عليه وغيرته قبل
ماينقطع عليك وانت ماشي لو انقطع عليك وانت ماشي احتمال كبير تضرب المكينه وتحتاج توظيب .
بعدها شطبت على الفكره وقلت خلك على 4 سلندر ابرك

ما اعتقد سير المكينه بينقطع بدون سابق انذار

اكيد في بداية الأمر بيطلع اصوات غريبه على الأقل او رجفه بالمكينه

والسائق الذكي يشيك ويفحص لو طلع السير مجرح او مهري يغيره وخلصنه
وصارتلي قبل في سياره لي وغيرته
وتغييره ماهو مكلف مرره يعني


مع ذلك يعطيك الف عافيه وانا عارف هالشي ان السته سلندر سير التايمنج يجي ربل

الموديل هذا فيه مشاكل في القير ل 6 سلندر  

عموما اذا السته ممشاها قليل ونظيفه توكل على الله بس اذا ممشاها كثير خذ 4

جربها ولك الحكم
مانصحك لان السيارتين قديمه ولا تستحمل الدعس