مقاس كفرات الأكورد جنط 17

فيه احتمال يحك مع التحميل
لكن اللي اعرفه في الغالب ان الزياده تكون بالعرض يعني على جنطك
235 او 245 او 255

وهانكوك عندهم تخفضات حالياً عند الوكيل بن شيهون

يا حبيبي لا تشتري إلا مقاس الوكاله.

أنا لو مكانك أشتري نفس كفرات الوكاله اللي مشرك 150 ألف ما شاء الله

كفرات الوكالة اللي مشتني أكثر من 150 الف ميشلان انيرجي تايلندي
لكن قلت أجرب كفرات ألين وأهدأ من ميشلان

مقاس الآكورد مناسب وما أشوف يحتاج تغيره و إذا عنك قساوة خذ لك كفرات تكون لينة مثل نيكسن الكوري أو هانكوك لاكن لاتعتقد إنه بيعيش معك مثل الكفرات القاسية ولا حتى أعتقد تمشيك 50 ألف كيلو

اخوي سلطان شكلك ماقريت ردودي بموضوعك السابق عن الكفرات روح اقراهم يمكن تستفيد

هانكوك لين بزيادة ودايماً الناس يشتكون من التحبيل  

طبعاًٍ مقاس ال17 على سيارات السيدان دايما يحبل بجميع انواع الكفرات لكن اذا اجتمع مقاس 17 + كفر هانكوك

يصير احتمال التحبيل اكثر 


قبل لاتتهور خذ لفة على المواقع وشوف الأفضل مقارنة مع السعر 

اقصد خذ لفة على المواقع هنا في الانترنت وتعرف على مواصفات كل كفر معروض 

وخذ لفة على السوق وشوف الأسعار وبعدها قرر


ومازلت اكرر لاتعتمد على اسم الشركة فقط لأن كل شركة تصنع عدة طرازات

مثل السيارات فتلقى مثلاً هوندا تصنع طراز اكورد وطراز سيفيك وطراز اوديسي وهكذا
وكل طراز له مزاياه ومواصفاته وجودته وعيوبه

لكن إذا انك مصمم على الهانكوك فأنصحك بهذا الطراز 

http://www.1010tires.com/Tires/Reviews/Hankook/Ventus+V12+Evo+(K110)

بالتوفيق اخوي