حادث توروس صار لي

4 73

لايمكنك التصويت حتى الحصول على 20 نقطة على الأقل
إضغط هنا للإخفاء

زهـــرانــي والـعـز عــنــواني 42
قبل 9 سنه و 11 شهر

بسم الله الرحمن الرحيم




السلام عليكم ..








قدر الله و ما شاء فعل و حصل لي حادث بسيط بالتورس 2013 و تضرر جزء من الباب الخلفي الايمن و جزء من الرفرف الخلفي الايمن ..




المشكله بدأت يوم جا نجم و صارت مشاكل مع اللي غلطان علي لانه ما معه اثبات و اخر شي حرك موتره و مشى و تركنا ..




قال نجم بلغ عليه هروب و سجل لوحته ..




فعلا .. بلغت و دق علي راعي دوريه و قال عطني المعلومات لان عندي حوادث و ما يمديني اجيك




و بعدها راجعت المرور الصبح و عطوني ورقة ل شيخ المعارض يقدر الصدمه ..




رحت و قدرها 12 الف ..




هنا الحوسه بدت 




انا مأمن عند التعاونيه شامل تصليح وكاله ..




والتأمين الشامل يغطي كللش و انا مب مجبور اطارد اللي هرب و اخذ منه الفلوس !




ابي التأمين يصلح سيارتي ..




رحت للتأمين و قلت ابي تصليح وكاله انا دافع لكم مبلغ عالي عشان ذا الشي .. و مابيكم تعوضوني عن تقرير شيخ المعارض !!




قال الموظف رح قدر عند شيخ المعارض لان المرور ارسلك له بعدين جب تقرير بالحادث مع التقدير حق الشيخ و نصلح موترك و نتفاهم مع اللي انحاش ..




رحت للمرور و عطيتهم ورقة التقدير عشان يفتحونها و يعطوني تقرير ..




عطاني العسكري ورقه تعميم هروب عشان اعمم على اللي صدمني ..




انا مابي اعمم عليه اخاف يجي و يدفع لي 12 الف و انا ابي وكاله و يمكن يماطل و ما يجي ..




طبعا التقرير ما قدرت اجيبه و ما ادري فيه تقرير اصلا ولا لا !! لان الدوريه ما جت عندي و نجم ما سجل شي !!!!








فـ يا اخوان تمرمطت 3 ايام بين المرور و النسيم و التأمين !




من الصبح لين العصر وانا بذا الحر و ما زانت اموري ..




انا مابي اعمم على ذاك لاني ما ابيه ! .. ابي التأمين الشامل حقي يصلح لي موتري و بس !




اللي عنده علم او يعرف الطريقه لا يبخل علي تكفون .. والله ان السالفة تضيق الصدر و الموتر ما كمل 8 شهور 




اسف ع الاطالة و الله يجزاكم خير ..




..::اضغط زر الاعجاب اذا اعجبك موضوعي::..

إبلاغ

الردود