ايهما افضل الهوندا سيتي او كورولا

حياك يل غالي وصبحك وصبح الاعضاء بل خير.   بس وش. الموديل. حق المواتر

اكيد الكورولا افضل لوكان السفك فاكيد هي الافضل اما الستي فهي فئه  اقل من الكورولا يمكن مقارنتها مع اليارس والاكسنت

انحاش عن السيتي
اقسم بالله اسعار قطعها تسللخك سسسلخ
ولا هي متوفره

+
عندنا وحده مثلها
اقسم بالله تعبتنا
قطعها غاليه تقريباً قريبه من اسعار الاكورد !
وزين اذا حصلتها

وفيها 8 كويلات وبواجي , < هذا اكثر شي تعبنا
كل شي يخترب كويل ونقعد تتفتف , عاد ماتعرف ايات الخربان واللي شغال
وسعر الكويل الواحد تقريباً 400- 450 ريال !

والقير نظامه cvt , قد اخترب علينا والمشكله مايتصلح لازم تغيره كامل !
رحنا الوكاله قالوا القير الجديد بـ21 الف ! < بعد الخصم بعد |:
قلت هالمبلغ يجيبلي سيارتين مثلها , ورحت تشليح واشتريت قير مستعمل بـ 3-4 الاف !

وهذا طبعاً موديل الشكل القديم 2005
كيف الجديد ههههههههههه

وخر عنها وخذلك شي قطعها متوفره ورخيصه عشان لاتتعب
خصوصاً انها سياره صغيره ماتستاهل هالزحمه كلها

الـ سيتي تقارن مع الاكسنت والياريس لاكن سعرها مرتفع و قطعها غاليه وغير موجوده
الجديده شكلها رهيب وكذالك الكورلا

الكورلا افضل واوفر قطع غيار وسهل البيع ومبروك مقدما +1 لايك للجميع

كقطع غير متوفرة بشكل كامل للسيتي وثانيا قطعها مبالغ فيها بزيادة يعني توصل قرابة الاكورد


وثالثا مع احترامي شكلها مهب زين تسد النفس


وحتى عند البيع مهيب جايبت لك ريال جيزها جيز السيفيك ما فلح في الهوندا الا الاكورد وبس



انا انصحه يا ياخذ كورلا او كانه ما يبيها عشان شكلها ما اقتنع فيه او ما اعجبته علمنا كم حدك بتدفع له وندله على مواتر ان شاء الله شكل وقيادة وصيانتها سهله

نصيحة حاول تعطيه سيارة يقتنع فيها ولا تجبره على شيء يقعد يكرهه كل ما ركبه !!

وفيه خيارات أفضل من السيتي والكورولا .. بس حدد كم حدك أقصى شيء تدفعه ..


تقريباً سعر الهوندا سيتي فل حول 60 ألف .. مع اني ما احب أقول ذا الكلمة : لو تزيد بس 6000 ريال .. وتشتري له مازدا 6 2015
حجمها أكبر زي الكامري والاكورد إلخ ومحركها أقوى وتصميم أجمل وتشغيل بزر وجنوط .. يعني مواصفات يحبونها الشباب وتريحهم
وإذا يهمك فهي يابانية 100% واسعار قطعها معقولة ومتوفرة في الوكالة ..


هذا رأيي ..



عني أنا يمكن أميل للكورولا أكثر .. لو وصل الخيار بينها وبين السيتي
موفقين

مبطي ان كان تقارن الكورلا بالسيارات الخايسه كورلا بدأت منذو العام 1966 ولا تزال مسجله الرقم الاول سنويا
وعالميا الاعلى مبيعا منذو 50 عام تغيرت كل اسماء السيارات لزياده انتاجها ماعدا كورلا التي لازالت تسجل منذو ذالك
الوقت ارتفاع سنوي بدون منازع انا اقتراحي ان تكرم هذه السياره ويخصصون يوم اجازه عالميا تقدير لهذه السياره
الناجحه بكل المقاييس

مافي مقارنه 
السيتي صغيره قارنها باليارس مو بالكورلا 

اكيد كورلا

جزاكم الله خير كلكم على الافادة سعر الهوندا سيتي الفل 64 بينما سعر الكورولا ستاندرد 62 ما يهم ممكن نرفع السعر لكن هل هناك سيارة افضل منهما

عندك النترا الدفعة الثانية نص فل بدون فتحة ب 62, الصراحة افضلها عالكورولا خصوصا انها صارت تجي ب ايرباقين وABS
وزي ماقال الاخ مازدا 6 ستاندر حلوة وفيها ست ايرباقات وتشغيل بصمة, وعند السيفيك ستاندرد ب 64 على خبري, اريح من الالنترا في المطبات
بس انها خالية من المواصفات الترفيهية.

منهن طبعا كورلا

خذله تشارجر 6 سلندر وكالة ب 90 خله يستانس

و عليكم السلام
السيتي فل كامل ب66 الف و هى 1500 سى سى فئة اليارس و الاكسنت
الكورولا 1600 او 1800 سي سي نفس فئة الالنترا و الاكورد(1800)
السيتي من الداخل جميلة مفيش كلام لكنها اصغر--لو تبحث عن الجمال--داخلية السيراتو بنفس جمال السيتي و السيراتو نفس فئة الكورولا
مع ملاحظة انه ربما تكون عوامل الامان فى السيتي اكثر لكن صغر حجمها يقلل من امانها بالمقارنة بسيارات اكبر كالكورولا و الالنترا و السيراتو
و الامان من الله
لو مكانه هاشترى السيراتو من اجل الشكل او الكورولا من اجل الاعتمادية

للمعلومية ماعاد فيها كورﻻ 1800 من موديل 2014-2015 نزلت 1600 او 2000 فقط...وانا افضل انك تاخذ كورﻻ مكينة 2000 مع العلم ان الكورﻻ مايطيح سعرها عند البيع لسمعتها وكونها تويوتا وقطعها ارخص بكثير من الهوندا