أضف سؤال أو موضوع جديد          

مشكله في الاكورد

up 16 down 16
hart90 25
قبل 7 سنه و 3 شهر



سلام عليكم شباب كيف حالكم طيبين إن شاء الله
المهم القصه وما فيها عند اكورد 2006 طعلتلي مشكلتين مع بعض الأول هو لنا اجي اشغل السياره فيها تفتفه ولما أعشق D اوى نمره تتفتف بقوه 
المهم ولديها لمركز متخصص بهوندا قالي حطها وتعالى بكره وجدته قبل شوي قالي البلوف عندك مسكره ويبغالك توضيب رأس. 
لمعلوميتكم السياره إذا مشيت فوق 50 تصير صافيه من أحسن مايكون واسافر عليها والحراره طبيعيه جدا بس التفتفه هاذي جننتني وهل كلام المهندس صحيح واللي يعرف ورشه بالمدينه يدلني أنا مارتحت لكلامه علما اني مغير بواجب ومسري تصفيه للمكينه وتنضيف بخاخات قبل شهرين ولا فادت والمشكله الثانيه هي الدوده هل تتصلح هي والطربمه ولا لازم اغيرهنه







إبلاغ إبلاغ


رابط تطبيق حراج للايفون



رابط تطبيق حراج للاندرويد (الجالكسي)



الردود


السلام عليكم
حرب التتار - ترافيان كلاسيك
http://travianr.com/ts8/register.php?ref=270


up 2 down 15
bdr6666 -37
قبل 7 سنه و 3 شهر



هههه ليش الدش اليك بالغالي فيدني ولا خلني بحال سبيلي


up 3 down 2
hart90 25
قبل 7 سنه و 3 شهر



ههههههههههههههههههههههههه

ليه 4 ديسلاك والموضوع له 5 دقايق ولا فيه اي غلط !!

الله يصلحكم بسس

بالنسبه للمشكله , والله كانت عندي معلومه لكن ماني متأكد منها , وهي ان النمره فيها تروس , يعني لو الخراب عندك بالنمره الاولى , غير تروسها وتظبط معم , لكن للعلم ماني متأكد منها 





up 5 down 1
ابو يزيد 000 8712
قبل 7 سنه و 3 شهر



والله ي خوي ماودي اتفلسف عليك
لاكني ماقد سمعت ان سياره فيها تفتفه وراعيها وضبها
انا بعلمك وش اسباب التفتفه التفتفه لها عدة أسباب وانت تعبي 95
لأن من مشاكل التفتفه ال 91 لرداءته
1 - خراب او قفل بلف او اكثر 
2 - خلل كهربائي كالبواجي واسلاكها وغيرها
3-صفاية البنزين
ملاحظه:المحطات الغير معروفه والي ماعليها رقابه تصير خزاناتها وسخه وتبي للناس وانواع التسدد ب الصفايات والطرنبه وغيرها


up 3 down 1
ما يهزك الريح 148
قبل 7 سنه و 3 شهر



لاتستعجل بصيانتها عند اول فني

روح اكثر من فني

واللي يتفقون 4 فنين او 3 نفس الكلام

توكل على الله ودور الكويس وراح يفيدك

واعتقد جده فيها ناس كويسين وقريبه ماهي بعيده من المدينه على مااعتقد

وان شاء الله الشباب يفيدونك اكثر




up 2 down 0
amear 1347
قبل 7 سنه و 3 شهر



مشكورين وماقصرتو بيض الله وجهكم


up 3 down 1
hart90 25
قبل 7 سنه و 3 شهر



اقرب شي الثروتل عندك وصخ يبي له تنظيف او اسلاك البواجي يبيلهم تبديل

اايد كلام التركي كلام ما عليه غبار


up 3 down 0
مطلوب سياره 392
قبل 7 سنه و 3 شهر



والله وشوف ي التركي انا كنت مثلك اعترفلك لاكني الحمدالله حسنت الفاظي
وسبب قد تشافني شايب وانا امزح مع اخوياي 
وقالي ي ولدي الفاظك تعكس تربيتك يعني ابوك وامك تعبو وهم يربونك ويفهمونك ويعلمونك الصح من الغلط
ودفعوا عليك دم قلبهم علشان يدرسونك وعلشان تفهم في دينك وفي الاخير تتكلم كلام وصخ
بصراحه انا تغيرت ملامح وجهي ولا ادري وش اقوله ومن بعده اخذت وعد على نفسي اني ماتكلم وضخ
والحمدالله طهرت لساني وعدت على ذكر الله
ف انت تخيل بكرا تربي ولدك وفي الاخير تلاقيه يتكلم وصخ بالله وش شعورك؟
في النهايه انا نصحتك وان شاء تقبل النصيحه بسعة صدر 
ولاتزعل من اخووك


up 2 down 1
ما يهزك الريح 148
قبل 7 سنه و 3 شهر



انت تمزح ولا صادق 

عندك تفتته ويقولك راس  وبلوف ههههههه 

نصيحه حط رجلك هذا سباك كثيره عليه  

مع اني اتوقع يبي لك تنظيف البوابه وشيك ع البواجي والاسلاك   ...^


up 2 down 0
fawaz__11 534
قبل 7 سنه و 3 شهر



ربي يعطيكم العافيه انا كان عندي شك بكلامه وقلت مالي الى اخواني بالمنتدى


up 1 down 1
hart90 25
قبل 7 سنه و 3 شهر



روح وكالة هوندا عندهم وزن بلوف والتكلفة رخيصة كثير سووها

لكن بعد ماتتاكد ان المشكلة ماهي من التصفية او الثروتل

بالتوفيق


up 1 down 0
acoordian2005 358
قبل 7 سنه و 3 شهر



اذا كانت تنتفض السياره وتحس السياره تهتز بقوه سوا حاط القير دي او ان واذا ضغطت بنزين تروح الهزه 

99.99 % كراسي مكينه او قير بس تاكد ايت منهم خربان ولازم وكاله لاني ركبت تجاري اذكر ب 150 ولا راحت الهزه 
لين ركبت وكاله سعره اكثر من 400


up 0 down 0
tttt35035 1061
قبل 7 سنه و 3 شهر



طيب اسلاك البواجي او الكويلات غيرتها ؟؟؟ مدري الهوندا تجي اسلاك او كويلات وثانيا شيك على حساسات الهواء والمنظم اما سالفة التوضيب ذي ماخشت مزاجي ولا يهمونك ذا اللي يحط شعاررر هوندا ومتخصصين ترى والله ما غربل العالم الا السمعة يشوف الشعار ويشوف له كم هوندا 2012 واقفه عندهم ويقول ذولي كويسين انتبه ورح لواحد كويس وبيفيدك ان شاء الله


واذا انت من سكان الرياض خصوصا الجنوب تواصل معي خاص وان شاء الله بدلك على ميكانيكي كويس ويعرف علة سيارتك


اما من ناحية علبة الدركسون فهاذا عيب معروف في اغلب الهوندات القديمة وصلح والشكوى لله


up 1 down 0
a.ibrahem 3169
قبل 7 سنه و 3 شهر



والشي الثاني شيك مثل ما قال الرجال على الكرسي ترى دايم تخرب في الهوندا وتسبب نفضه


up 0 down 0
a.ibrahem 3169
قبل 7 سنه و 3 شهر



جرب افصل حساس الاكسجين تجده ف مقدمة المكينه من الامام راسه زي البوجي افصل فيشه وجرب
اذا ما زالت المشكله بأتوقع انه من حساس الهوا افحص كمبيوتر وان شاء الله تنحل مشكلتك
اتمنى تجرب حلي وردلي


up 0 down 0
عيسى علي 675
قبل 7 سنه و 3 شهر



علبة الدركسون سويت لها اصلاح ف الطايف وراح التهريب لها تقريبا سنه ماشفت فيها ايت مشكله
واهم اسباب مشكلة علبة الدركسون انه يحطون لها زيت دركسون احمر اللي ف البناشر هذا الزيت يضرب علبة الدركسون سريع سريع اتكلم عن هوندا 
مو السيارات الثانيه فيه زيت مخصص للدوكسون لونه ذهبي وسعر العلبه اتوقع ٤٠او ٥٠ 
وش اخر لكل السيارات من اسباب اعطال العلبه تلف الدركسون لين الطقه وتعيش الطرنبه في حالة ضغط عالي وحراره ويسبب تلفها مع الزمن


up 0 down 0
عيسى علي 675
قبل 7 سنه و 3 شهر



كراسي ماكينة صارت مع اخوي ب اكورد ٢٠٠٨ 
ومره وحدة نظف الفلتر والثروتل 


up 0 down 0
fasool95 317
قبل 7 سنه و 3 شهر