إيش رايكم ... هيونداي i40 ولا أكورد ستاندر ؟؟؟؟؟؟؟؟

السلام عليكم صراحة كلها سيارات حقت كرف بس تحس الاكورد أحلا صراحة وجهة نظرا يالغالي وانت شاور 

^ ههههههههههههههههههههه حقت كرف وهي م كملت سنة من يوم نزلت كيف عرفت انها حقت كرف !

هههههه هه الله يهديك 

الi40 نادره جدا انا ماشفت الا وحده بس بالشارع وكنت احسبها سوناتا ومغيرين اسمها 

انا جربت الـi40 لمدة سنة موديل 2014 فل كامل شريتها من الناغي 84000 صراحة شيء رهيب ثبات ممتاز الى 180 عزل وسط وأقارنها بـ لكزس ls200

انصحك i40 بتحس بحلاوة السيارة 
الاستاندر لافتحه ولا جلد ولا بصمه ولا شاشة و شي كئيب نصيحة خذ شي يمتعك
صحيح السيارة وسيله لكن من حقك تشوف شي يجمل في سيارتك

ال i40 شكلها شبابي و led شكله حلو وبانوراما ومواصفات كثيره وسيارة جميله صراحة 
لكن فئتها صعبه ماتقدر تقارنها مع سيارة ثانيه 

عندك 3 وكلاء لاتخاف من القطع 
انصحك ابعد عن اي سيارة ستاندر منزوعة المواصفات تمل منها بسرعه ..

I40 قطع غيارها ارخص و مواصفات اعلى

اخوي رقم واحد انت قريت ردي بس جهلت وش الي اقصده انا   اول شي انا جربت شركة هونداي شريت سوناتا عام 2007 جلست معي 7 سنوات لين عام 2012 بعتها والله مااذكر صلحت فيها شي غير الفحمات والهوبات ومن عندي غيرت البواجي طنخه هذا الي سويته بس وكل اسبوعين من الرياض لجده ومن جده لرياض ومكيف ثلج تتوقع شركة هونداي سياراتها بصفه عامه حقت كرف ولا لا ثاني شي شركة هوندا مع ولد خالي اكورد 2008  وانا كنت اسوق الموتر اقسم بالله ضربنا مطبين على طريق الثمامه وانا امشي 160 يمكن أهل الرياض يعرفون المطبات وش كبرها الي عند بوابة المطار حقت الثمامه والله ان السياره بدون مبالغه طارت الي واري يوم وقفت نزل وقف معي يقول توقعت أنكم تتقلبون يقول من قوت الضربه طلع شرار من تحت وش مشاءالله الموتر مع ولد خالي من عام 2008 لحد الحين يكرف زي الحلاوة مشاءالله تتوقع شركة هوندا بصفه عامة حقت كرف ولالا هذا الي انا اقصده انها سيارات حقت كرف ون شاءالله وضحت الصوره وآسف على الاطاله

لو كنت مكانك باخذذ الهوندا اكورد  موتر لا يعلى عليه 

الاكورد ستاندر فيها مواصفات تعادل نص فل في سيارات اخرى خاصة انظمة السلامة او مثبت سرعه

الصراحة الاكورد لك وللزمن ومعروفة الاكورد في السوق من زمان ومشهود لها 
وتمسك سعرها 
اما هذي جديدة في السوق وماحد يعرف خيرها من شرها
 مافي مقارنة بين الاثنين الهوندا افضل

انصحك بالاكورد موتر يبيض الوجه..

i40 ..........................................

ال i40 نادره بالمنطقة الشرقية ماهي زي الانترا والسوناتا ومكينتها صغيره 2000 سي سي ,, بالنسبة لي أفضل الاكورد لانها فئة اكبر وشكلها حلو واكثر انتشار مقارنة بالا i40 , عاد انت استخر وجرب السيارتين واللي يناسبك توكل على الله .