أضف سؤال أو موضوع جديد          

مشكله في الحراره غريبه جدا الرجاء المساعده

up 2 down 1
drwibo 4
قبل 4 سنه و 3 شهر



السلام عليكم 
يااخواني انا عندي سيفيك 2002
من شهر ارتفعت الحراره معي عالطريق نزلتلقيت الرديتر يصب مويه
تركت السياره تبرد ورجهت بالليل شغلت  ووديت ميكاينيكي قريب قال الرديتر مضروب والحمدلله بدلناه بواحد من التشليح
الحين المشكله اللي حيرتني كثيييييرا

السياره فجاه ترتفع حرارتها تجي النص وتطلع فوق شوي وترجع للنص تحسها تلعب تطلع وتنزل
والمحير اكثر اني لما اروح الظهر في هالحر والمكيف شعال وزحمه ما تطلع الحراره واحيانا اشغل بالليل اروح البقاله جنب البيت ترتفع الحراراه
مع العلم ان عزم السياره خف شوي بس ما تلاحظ الموضوع الا لما تشغل المكيف
والله اخترت ناص تقول طرمبه المويه وناس تقول لا الطرمبه لو خربانه السياره ما تمشيك ترتفع عطول ما تنزل
وناس تقول راس مكينه ورحت ميكانيكي يقول راس مكينه مافيه مشكله بس السياره قديمه

والله احترت

ش رايكم يا شباب

علما اني اروح واجي كل يوم عالسياره بس دايم على اعصابي اخاف لا تحمى علي و تقطعني







إبلاغ إبلاغ


رابط تطبيق حراج للايفون



رابط تطبيق حراج للاندرويد (الجالكسي)



الردود


وعليكم السلام ورحمه الله
الميكانيكي صادق لو رأس المكينه الحراره H على طول ما تنزل ابد
بلف الحراره بالعاده يسوي نفس مشكلتك تلاقي الحراره تطلع وتنزل ماهي ثابته



up 0 down 0
abo kayan-55 645
قبل 4 سنه و 3 شهر



عليكم السلام
شيك على
1- مروحة التبريد قد تكون ضعيفه
2- العداد نفسه( الانبير) يمكن يعطيك الاشارة خطا
3-بلف الحراره  يمكن معلق
4- مجرا الماء كامل 
5-طرمبة الماء يمكن ضعيفه
6- وجه الراس
        والله اعلم




up 2 down 0
mالعابرm 22
قبل 4 سنه و 3 شهر



تأكد من غطاء الرديتر .. والمراوح تشتغل بشكل سليم ولا لا !!
اول ما تشغل السياره تأكد السياره ناقصه المويه ولا لا 



up 0 down 0
عادل - 3adel 513
قبل 4 سنه و 3 شهر



1 البلف شافه ميكانيكي قال نظيف ببس حطله سلكون وركبها
2 المراوح كمان الميكانيكي قال شغاله تمام بس ما ادري سمعن في شي اسمه تماتيك المروحه
3 المؤشر حق الحراره شافه كهربائي قال تمام

طرمبه المويه جربي افحصها والسياره بارده شغلت ودست بنزين اشوف المويه تمشي في الرديتر

الله احترت يا جماعه الخير 


up 0 down 0
drwibo 4
قبل 4 سنه و 3 شهر



اعمل تنظيف دورة كاملة عند محلات الراديتر
بواسطة مكينة تنظيف
وتاكد من غطاء الراديتر


up 1 down 0
ا هـ م 1 1018
قبل 4 سنه و 3 شهر



النقاط اللي قالها اخونا 
1- مروحة التبريد قد تكون ضعيفه
2- العداد نفسه( الانبير) يمكن يعطيك الاشارة خطا
3-بلف الحراره  يمكن معلق
4- مجرا الماء كامل 
5-طرمبة الماء يمكن ضعيفه
6- وجه الراس

وباذن الله تكون من البلف  علشان شغلته اسهل


up 0 down 0
kingksa2015 489
قبل 4 سنه و 3 شهر



ممكن تكون من ضغط الهواء داخل الرديتر
سو لها تنسيم هواء بنفسك وان شاء الله تروح


up 0 down 0
b or not be 1402
قبل 4 سنه و 3 شهر



المشكله طلعت عندك لما ركبت الاديتر ولا من اول ؟
إذا لما ركبت الاديتر سو له تصييخ ومويه اصليه 



up 0 down 0
دت نت 326
قبل 4 سنه و 3 شهر



اخوي نصيحة مشكلتك مرت علي شيك على المروحة والتماتيك حقها سيارتي كانت ترتفع أوقات وأوقات لا وكنت اناظر المروحة شغالة استبعدت تكون منها بس صار الخلل فيها لان اذا مشيت يخف الدفع حقها فغيرت المروحة والتماتيك حقها لابد تغيره وأبشرك السياره رجعت زي اول وأتوقع من سببها خلى الأديتر يضرب عليك لحق قبل مايخرب الجديد شيك عليها وخل اكثر من واحد ترى اكتشفت اغلب حقين الاديترات ماحولت احد والله فيه شي انا طلعته ولو اعتمدت عليهم كان غيرت راس المكينه


up 0 down 0
كلي وفاا 326
قبل 4 سنه و 3 شهر



وانا اضم صوتي مع دت نت سوي تسسيخ او تنظيف دوره الرديتر كامله وحط مويه اصليه وانا اشك بالاتوماتيك حق المروحه لو تشيك عليه افضل
تلقاه ياخر تشغيل المراوح فترتفع الحراره


up 0 down 0
احمد شريف 3193
قبل 4 سنه و 3 شهر



دينمو المراوح ضعيف اتوقع


up 0 down 0
panamira 1880
قبل 4 سنه و 3 شهر



كلام الاخ mالعابرm 6 سليم 100 % وبالتوفيق +1 لايك للجميع


up 0 down 0
Abu-Nawaf 338
قبل 4 سنه و 3 شهر



الله يعطيكم الف عافيه يا شباب والله انكم نشامى ما قصرتو وانشالله قررت اسوي دوره تنظيف كامله للرديتر والمواصير وبلف جديد وتشييك كامل عالمروحه وانشالله تنحل المشكله وشكراااااااااااا للجميع



up 0 down 0
drwibo 4
قبل 4 سنه و 3 شهر



السلام عليكم انا تواجهني نفس المشكله ممكن اعرف السبب الرئيسي 


up 0 down 0
abo raed 55 4
قبل 3 سنه و 10 شهر