أضف سؤال أو موضوع جديد          

ضمان الوكالة وسيارات المعارض

up 4 down 2
سآآآل 319
قبل 4 سنه و 6 شهر



السلام عليكم ورحمة الله وبركاته ؛ 
بسم الله الرحمن الرحيم ؛

كيفكم اخواني الكرام ؛ ان شاء الله طيبين ؟ :) 

يا شباب بشتري سيارة خليجية ؛ يا شباب اشتريت من المعارض هل سيارتي تدخل في الضمان ؟

كثير يسأل هذا السؤال ؛ وتجيه اجابات متضاربه ؛ الرد الاول انا ولد خالتي اشترى سيارة من معرض والوكيل رفضها ؛ والثاني يجيك انا متاكد ١٠٠٪ يقبلها لاني اشتريت سيارة والوكيل صلحها عالضمان

وتجي تبحث عن معلومة من مصدر موثوق ؛ تلقى تغريدات وزير التجارة  حفظه الله ؛ الوكلاء ملزومين ب استلام سيارتك وتصليحها على الضمان بدون الحاجة لعمل الصيانة الدورية لديهم ؛ طيب ليش ماتنزلون قرار يعلق في الوكالات بدل التغريدات عشان كل واحد يعرف اللي له واللي عليه ؟ 

واذا جيت تسال الشركة طبعا مندوبي المبيعات اسهل ماعندهم اذا سألت قالوا ماجانا شي رسمي ؛ اشتري من عندنا وواظب على الصيانة ولا سيارتك ماتدخل في الضمان ؛ 

تجي تفكر فيها هذا انسان مثله مثل الشريطي يبي يصرف السيارة عليك وله عمولة :) بس انه شريطي مرسم ولابس بدلة ولا شماغ ؛ ويشق لك ذيك الابتسامة ف وجهه ؛ 

البعض يضطر يشتري من الوكالة ويدفع فوق ال ١٥ الف زيادة عشان الضمان بس ؛ ومارح اتشعب لموضوع الصيانه في الوكالة؛ 

طيب هنا بعض تضارب ردود الاعضاء واختلاف كلام الوكالات مع التصريحات ؛ انا وانت ايش نسوي ؟

انا اقولك طااااال عمرك ؛ اي سيارة تخرج من المصنع عليها ضمان ! سواء كانت سعودية بالوكالة او عند الموزعين او وارد خليجي او ان شاء الله اردني بعد ؛

والوكيل المعتمد بصفته ممثل الشركة ؛ يلزم عليه ان السيارة تدخل بالضمان ؛ 

طيب كيف ؟ ليش فيه ناس مايقبل سياراتهم ؟؟ هنا مربط الفرس 

الوكيل يضمن اي سيارة وارده لاي وكيل معتمد (( وكيل سعودي ؛ خليجي اردني اللي يكون ))  ؛ بشرط ان رقم الهيكل حقها VIN Number يكون مدرج في الضمان ؛ 

السيارات المشتراة من وكيل معتمد يتم التعامل معها كما أنها أحد سيارات الوكالة في منطقتك 

الإجراء المطلوب منك أخي الكريم هو أخذ رقم الهيكل للسيارة التي ترغب بشرائها ومراجعة مركز الصيانة للوكيل ؛ للتأكد إذا كانت السيارة مسجلة في الضمان أو لا حيث أن بعض السيارات لايتم إدارجها في النظام من الوكيل المستورد لها في الاساس ؛ 

وبعضهم يطلب منك دفتر الضمان ؛ واذا عقدها البطاقة الجمركية ؛ وركز هنا راجع الصيانة وليس المبيعات ؛ 

طبعا بعض السيارات ماتكون مسجله عالضمان ؛ هنا راح يردك الوكيل او يقولك مافيه ضمان ؛ وفي نفس الوقت يقبل غيرك وانت لا ؛ 

وبسس ؛ هذا وصلى الله على سيدنا محمد وعلى آله وصحبه اجمعين .







إبلاغ إبلاغ


رابط تطبيق حراج للايفون



رابط تطبيق حراج للاندرويد (الجالكسي)



الردود


الله يسعدك و شكرا للمعلومات المهمة و المفيدة


up 1 down 0
tootee 131
قبل 4 سنه و 5 شهر



جزاك الله خير

بالنسبة لسيارات المستورده من الاردن اغلبها بدون ضمان او كلها وكل الوكلاء يرفضونها


up 1 down 0
shecoo 551
قبل 4 سنه و 5 شهر



توتي ؛ امين يارب وياك ويسعدك ع هالدعوة الطيبه :)

اخوي شيكو ؛ صحيح كلامك ؛ وهذي السيارات ماتكون مدرجة تحت الضمان ؛ اولا: مواصفاتها غير مطابقة للسوق السعودي ؛ ثانيا: يكون محركها معدل من غاز الى بنزين . 


up 0 down 1
سآآآل 319
قبل 4 سنه و 5 شهر