ما هو الحل في الكمبيوتر السيفيك

ماهو موديل السياره ؟
والخطأ هذ P0167 ياريت تتاكد من كتابته صح
وهذا حساس الاكسوجين السخن ho2s

P1607 خطا اختبار الذاكره bcm 
يعني فعلا وجود مشكلة لديك بكمبيوتر السيارة 
حاول تنظيف ظفيرة كمبيوتر السيارة وباعادة برمجة السيارة عن طريق فصل اصبع البطارية السالب لمدة ربع ساعة
بالتوفيق

طيب شلة اصبع البطارية لمدة ساعة ونص ممكن 
ونفس المشكلة 

والكود الموجود p1607  

معاية سيفيك 2005  

لاتشيل اصبع البطارية ولا شي
ودها
الوكاله يبرمجونها لك بــ 800 ريال تقريبا سعرهم غالي شوي وصل الله وبارك
عندي نفس المشكله بالاكورد الار بي ام يلعب لعب وديتها الورش قالو هذي برمجه يا حبيبي وبرمجتها بالوكاله
وانتببببه تغير بطارية السيارة والموتر طااافي لانها بتعدم البرمجه عليك

شيلة اصبع البطارية ممكن يعطيك نتائج بسيطه بس ماتغني عن برمجة الوكاله

بقولك طريقة أنا مجربها لبرمجة الأكورد بعد فصل البطاريه 

جرب الطريقه هذي وأدع لي

أول شيء سخّن سيارتك وخلها توصل لحرارتها الطبيعيه ويتوزع الزيت مضبوط ..
لأنك راح تدعس للمكينه على 3000 RPM لمدة 3 دقائق .. ثم تتركها في وضع الخمول idle لمدة 3 دقائق

الطريقه بالتفصيل :

1- والسياره طافيه أفصل البطاريه ونظف أصابع وأسلاك البطاريه .. وشد عليها مضبوط

2- شغل السياره وأدعس للمكينه وثبتها على 3000 RPM .. لمدة 3 دقائق

3- اترك دعسة البنزين .. وخل السياره شغاله طبيعي لمدة 3 دقائق بدون دعس بنزين ( لا تلمس دعسة البنزين أبد )

4- شغل المكيف وأنتظر لمدة 3 دقائق

5- خذ سيارتك لمشوار وجربها
 
تمت البرمجه بنجاح .. جرب طريقتي يمكن تضبط معك وتوفر على نفسك مبلغ البرمجه بالوكاله

يمكن برمجة الوكاله أحسن وأفضل لكن أتوقع غاليه 

---------------------

قبل تنظّف أو تلعب بالثروتل بودي أو الحساس ... لازم تفصل البطاريه ضروري جدا

وبعد كل ( فصل للبطاريه أو تنظيف للثروتل بودي أو الحساس ) لازم تسوي برمجه

ملاحظه :
 كل السيارات الحديثه والجديده .. اذا فصلت البطاريه " تروح البرمجه "
عشان كذا بعض الناس اذا جاء يغير البطاريه .. يغيرها والسياره شغاله < ما عمري جربتها .. أنا متعود على البرمجه

^
أنا مجرب الطريقه هذي للقير العادي
وأتوقع تضبط على الأوتوماتيك 

أبحث بقوقل عن " Honda ECM/PCM Idle Learn Procedure " طريقة البرمجه وراح تلقى شرح كامل

بتلقى طرق كثيره

لقيت لك طريقه أخرى
http://flashprotuning.com/blogs/vitviper/honda-ecmpcm-idle-learn-procedure

لازم تكون السياره بارده عشان تحصل على أفضل النتائج ( حسب الكلام المكتوب بالرابط اللي فوق )

1- تأكد أن كل شيء طافي ( المكيف , المسجل , الأنوار , الخ...) عشان تضبط البرمجه

2- افصل البطاريه

3- افتح السويتش لكن لا تشغل لمده ثانيتين

4- شغل السياره وأدعس بنزين خل الـ RPM ثابت على 3000 والقير على N أو P .. إلى أن تشتغل مروحة الراديتر أو تصل لحرارتها الطبيعيه

5- خل السياره في وضع الخمول idle لمدة 5 دقائق أو أكثر


------------------------

فيه طريقه اخرى :





1- تأكد أن كل شيء طافي ( المكيف , المسجل , الأنوار , الخ...) عشان تضبط البرمجه

2- افصل أسلاك البطاريه السالب والموجب لمدة دقيقتين

3- خل سلك الموجب يلمس سلك السالب لمدة 15 ثانيه ( وطبعا الأسلاك تكون مفصوله عن البطاريه وبعيده عشان ما يصير إلتماس )

4- أشبك الأسلاك وشد عليها زين

5- افتح السويتش واصبر ثواني

6- شغل السياره وأتركها في وضع الخمول لمدة 5 دقائق .

و فيه طرق أخرى .. انت جربهن يمكن تضبط معك وخلك صبور و حاول تكون دقيق بالوقت

-------

أكتب الخطوات بورقه وخذ معك ساعه تحسب الوقت .. وطبّق البرمجه بنفسك

إذا ما تبي تفقد البرمجه .. إذا جيت تغير البطاريه لا تطفي السياره .. يعني غيّر البطاريه والسياره شغاله

البرمجه بأغلب السيارات خصوصا الحديثه والجديده

تسلمو والله 
اليوم حجرب كل الطرق وحده ورا الثانية واشوف كيف واعطيكم خبر 

من جد تسلمووووووووووووووووووووووووو 

جربة البرمجمه وكانت اوكي بعد ما اروح مشوار او اليوم الثاني ترجع نفس المشكلة 

ههههههه والله لعبة فيا السيارة 

واذا في احد ينصني بورشة للهوندا تكون بجدة 

مافي الورش مايبرمجونها لك البرمجه بس بالوكااااله
بس حلوه السيارة تقول عطتني تنائج مؤقته ورجعت نفس مشكلتها ؟؟ قلتلك البرمجه ذي ( اشيل اصبع البطاريه) تعطيك نتائج مؤقته بس ماتغنى عن برمجه الوكاله